EPH - NUMANA3
1Nga, Bulus, mne kur ne jaru ne atu ayi bla abaŋ ndi ba yi ŋli kǝ Yahudawa ba Izhu maa. lɛ kɛ Yesɔ Kristi2Iyemɛ izhin nǝ wɔ tǝ Arik nǝ ta zhɔk maa nɛ nǝm ndum kǝŋe tǝm nakǝ nǝ didik min.3waŋa ayi ki suyir ndi Arik ne blam aneyi ne rimla, ndi me neka kuti cɛr zhin neyi watsɔb.4Ne tɔ cɛr yiŋɛ, amɛ, izhin te zhi inǝk tu muŋ ne lɛ kɛ Kristi ndi ne sukǝ yir.5Nǝ mkpaŋ kǝ kukub bane bla iki yi suyir iyiŋɛ ba, fe Arik nɛ glii arumɔ azǝzaŋa nǝ Izhu tsetser bǝn abǝ nau ndum bǝn abǝ bla tɔ ti.6Ilɛ kɛ suyire ikɛ yi lɛ didik tǝ abaŋ ndi ba yi ŋli kǝ Yahudawa ba ayi nǝ kenǝ Yahudawa nǝ ta anu adidik akɛ Arik; ayi nǝ min kpa zhiin tena gab nǝ kpa nyak yɛ Arik nǝ min kɛ Kristi Yesɔ.7Mne yi gɛn ne bla lɛ didik kǝŋe nǝ nǝk ki didik iyɛ Arik, iyiŋ ndi nɛ nǝm nǝ na ndum kǝ mgbyamgbyaŋ maa.8M yi mbusher nǝ min kǝ bɔbɔk aner abɛ Arik; nǝ yiŋe Arik nɛ nǝm mkpaŋ tǝm du lɛ didik kǝ men bǝn abaŋ ndi ba yi ŋli kǝ Yahudawa ba nǝ yaŋ yik adudun ki ayi Kristi,9bǝn iduŋ aneshir bɔbɔk abe yik ir kǝŋ ndi ikpa nyak iyɛ Arik yi suyir abǝ na ndum. Arik, iwaŋ ndi nɛ na kiki bɔbɔk, nɛ nyak ki yi suyir maa ire sǝsɛ yi gayir,10tǝ duŋ nǝ mkpaŋ kǝŋɛ, nǝ nkɔŋ kǝ akabaŋkɔŋ, aŋgɔŋgɔŋ abǝ shar Arik bǝn mgbyamgbyaŋ nǝ gɔŋmimi kǝ gbarshu bǝ zhi mgbyemgbyeb maa iyi bɔbɔk nǝ nkuŋkɔŋ kaaŋkaŋ.11Arik nɛ na yiŋe nǝ kpa nyak ire kukub maa, iyiŋ ndi nǝ shaga nɛtu yi Krist Yesɔ Ŋgɔŋ amɔr.12Ne atu amaa bǝn tanyɛmɛ bǝn abɔu Yesɔ ne bu ta alɛla ane nyɛ bǝn Arik ne ta ta zhɔk ben zhɔk susun mɔr.13Mben zhin, neme, kǝr izhin bǝ kɔr asusun tǝm yik iya ne tu amin ba; tǝ ai yi iyi bɔbɔk iyi dǝk min.14Neme Nga mtar agbarum ne ti kɛ Tetɛɛ,15iwaŋ ndi kɔtǝ ŋli takǝ nǝ gbarshu bǝn gɔŋmimi ata sak kǝ zub men.16M rib Arik nɛ miŋ kɛ adudun ki ayi ŋgɔŋ maa tǝ be nǝk zhin iklik nǝ Izhu tsetser maa tǝ bǝ yi mgbyamgbyaŋ nǝ miŋ min,17fena M ben tǝ Kristi atei na kɔb maa nǝ miŋ asusun amɔr nǝ tanyɛmɛ. M ben tǝ izhin bǝ yi nǝ nga bǝn tanda kǝ nyɛr,18tǝ izhineba, bǝn bɔbɔk aner abe Arik, bǝ yi nǝ mgbyamgbyaŋ kǝ zhi ir kǝŋ ndi ibwu bǝn ilak, ndi itɔm bǝn ikli, ai nyɛr yi Kristi.19Iyemɛ, tǝ izhin nyɛ zhi inyɛr maa, kɔ nɛ mɛ ba atei zhii ashaga ba, fena izhin bǝ shaga ngɔŋ nǝ ir kpa kɛ Arik.20Fena ben Arik ndi ayi ne mgbyamgbyaŋ kɛ tsar ŋgɔŋ iyi naŋ rib mɔr kɔ ilɛ yaŋ yik, ne mgbyamgbyaŋ kɛŋ ndi ina ndum ne miŋ mɔr:21ŋgɔŋ kɛ Arik nǝ min kǝ abǝ zǝ Arik bǝn min kǝ Kristi Yesɔ nǝ kɔte mkpaŋ takǝ bɔbɔk, iyaŋ klɛtu nǝ iyaŋ klɛtu! Bǝ yemɛ.
The Word for the World International