1JN - NUMANA1
1Nkan lɛ ndi ne yime ibaŋ rɛ kpaŋ kɛ na gɔŋmimi, ndi tane wɔ kɛ, ndi tane na yik kɛ ne yi amɔr, ndi ta ne na tɔi neyi, te nena sak aŋɔgɔ amɔr, ne tu nkanlɛ yi vli.2Ivli kǝŋe Arik ne tsar ta ne kǝ, tane na yik kɛ te na tanyɛme ne kǝ, tane bla zhin vli kɛ yaŋ klɛ tu keŋ ndi ne rɛ kpaŋ kɛ kukub ben Tetɛɛ Ŋgɔŋ ne na tsar ta ne kɛ.3Ai wa tane wɔ tena yik, ai wa tane bla zhin te zhin bǝ biŋ atu bene abɛta. Fena isɔŋ biŋ mɔr bǝ yi ben Arik ben izu maa Kristi Yesɔ.4Ta ne cɛr zhin kiyiŋɛ te nyɛr mɔr bǝ shaga.5Waŋa ayi lɛ maa keŋ ndi tane wɔ kɛ bene bɔu, ta bla zhin te di Arik ayi laŋ, ibu ba yi bene bɔu ba kɔ watsɔb.6Ate yi ndi ta di ta ne biŋ atu ben abɔu, te na sɔŋ ne bu, ta timu ba ta ne tanyɛme ne kǝ ba.7Teyi ndi ta kusɔŋ ne miŋ kɛ laŋ ir keŋ ndi wa ayi ne miŋ kɛ laŋ ta ne bin atu amɔr bene abɔu, azhizhi ayou zu maa Yesɔ ne ŋla ilalɛ mɔr8Atei ndi ta di bata yi ne lalɛ ba, ta lɔm atu amɔr itanyɛme ba yi bene abɛta ba.9Ama ate yi ndi ta te bla ilalɛ mɔr, ayi ner waŋ ndi ana ki yiŋ ndi ne blai, ayi ner ne lɔ susun aneshir atei baŋ lalɛ mɔr a gli tibɛ te ŋla ta ashur tsetser ne lalɛ mɔr.10Ta te di bata ne lalɛ ba, ta di Arik a timu, ilɛ kɛ Arik ba yi ne asusun amɔr ba.
The Word for the World International