Revelation12
1Kwa aba ne hyan ihya ina izaa iwasa zata u zaro. Aza bu'a buna bu makubta sinu na ula̱la̱ u hwinsu, buna bu yinsa zata u pyana hinda bu za naji u muginga ikope na murya̱.2Buza mukabo muna mu ka̱ro maco, sungorwo u pago u san bo cidaro.3Kwa aba ne hyan ihya iwasa zata u zaro. Udwojo una u nya̱ga na ahwa ana aza sicwa utandarya na munigwa ikope tiyanba icwa na naji.4Kwa udwojo una u nya̱ga na ahwa na numi muginga zata u zaro na bi'ina muna mu wici hasala hataco kwa na kwamana na cinge. Kwa udwojo una u nya̱ga na ahwa na yisana pa bu'a buni, zwama u re bwa buna aba ginbo i mace.5Kwa eba ne mace bwa bu cware, buna bui e cigwama ci mu'ogo na agungu ai iroma. Ama kwa aba ne ca bwa na kula bo pa Hwinsu na idalo i cigwama.6Bu'a kwa ne eman munda eso u hilo, na ihuga ina i Hwinsu uba kimuge bo, ihuga ina aba ai bege bo hal haya 1,260.7Kwa aba ne e gasa zata na zaro. Bucuma bu Hwinsu Mika'ilu na acuma a e gasa na aza hababa a e ihona na udwojo una u nya̱ga na ahwa, udwojo uni kwa ne e ihona na acuma u ba;8ama kwa aba ne re udwojo uni na gasa, kwa aba ance udwojo uni, ana na alagano uba, kwa aba ne gazgana on dala zata u zaro tun hon uni9Kwa aba ne kwamana udwojo uni u labe na cinge-wata udwojo una u nya̱ga na ahwa uni u jigu, una aba ogo buca bu eewo ko setan, buna bu birgyagi aco doone ka̱mu. A kwama on na cinge ka̱mu na acuma a uba.10Kwa gya ne hoge cidaro zata u zaro ne hin:<<Icagago i Hwinsu ci kurwa! Bane Hwinsu u cebo koce uba nga̱ bugwama!Baniya Kristi a cebo kuce u buba!Zwama buna bu yinsan pa Hwinsu nuci bu ia̱gi ahun cibya gita na hwinsu,a kwamano bo zata u zaro.11Alagano re bona mahya ma Ujumagahinda na cikarigo cina ca ba zwamage;hinda ui damugako a ka̱ri ihunaga ga ko nabe a kwaji.12Zwama haruni, zarohuga je laco, na aco na yiwa madale hwayi!Ama iwo na cinge na uwo,sungorwo nuhin! Zwama setan u kurwa pa ga̱hi,hinda na ubobo u soo,zwama bu daki ana u gane muhun cimu.>>13Nga̱ udwojo una u nya̱ga na ahwa uba daki na a kwamano on na cinge, kwa uba ne hina i lagana bu'a buna bu mace bwa bu cware na monda.14Ama kwa aba ne pan bu'a buni hababo harya̱ ha agubo a labe na bu hen bu curi ahwa a ni, bu kore na hilo ihuga ina aba iri bo zwama a hina byagan bo hal haya hataco na rabi, zwama ahwa a ta huna na bo.15Kwa udwojo una u nya̱ga na ahwa ne gwa miya na unu uba nga̱ uwo zwama u hala bu'a, nga̱ miya maba mai zibi na bu'a buni.16Ama cinge ci banga bu'a buni; kwa ciba ne gunja unu u ciba kwa ne naki miya mana ma sire na unu u udwojo una u nya̱ga na ahwa.17Kwa udwojo una u nya̱ga na ahwa ne dabe soo na bu'a buni kwa ne kore genbo i e ihona na azwaga a bu'a buni, na ka̱mu aco na laga cikarigo ci Hwinsu hinda a yisa kamahinda pa ina Yesu aba zwamage.18Kwa udwojo una u nya̱ga na ahwa na yinsan pa ugagi u hega ha uwo.
The Word for the World International