Wasika u Bulus kurwa pa Yakub5
1Kubla je, aco izana, darya je i sanga cu'og zwama iwo ina yiwa na kurwa a hwahin.2Izana nihin kanmu i pwash, hinda hacici ha rewa hazonga a ha̱hi.3Hazinariyaa ha̱hi na azurfa ha konbo maroma. Maroma mani mabe mai pan shaida nuhin ma cakome munegwa mui ikanga nihin nga̠ ula. I tanagano izana na mohon mu kacuta.4Utase una u ga̠hin iwondje icope aco na ai egi ibwana uyiwa ne daryagana. Cidaro ca aco na ai egi guba ci korwo pa hacobe ha Bugwama bu doone Hwinsu.5I egu dala doone na ihogo i laco na eryago mare mana ma ga̠hi i ka̠ri. I ma'uco sicwa a sihin ga̠hi na a̱pe hon ibacego.6I hono aco na ai eguwo ihya hinda i hone aco sai eguwo magwata.7Ia̠je hankuri, ahun, hal kurwo u Bugwama bu doone. Byana je buco bu inta buba busa ea hankuri bu a̠pa enta u buba hal u ea imata i burya̠ hinda hal bu anpa siyo una buba bui ia̠go cikaba na silo ana a kundaga.8ga̠hin ma ia̠go je hankuri, hinda hasoo a hanhin yisa na koce, zwama kurwo Bugwama bu doone u yabtano.9Ahun, ita ia̠gya sicwa a sihin hawozora, zwama ai ia̠gya shara'a. Ana cikarigo ayiwa na i'iba.10Ahun, lagana acuma a Hwinsu ana a ea cikarigo ci Hwinsu i lagaga ka̠mu na wahala una hoge.11Nga̠ ga̠hi daki, aco na so wahala cisa tane ga uno u burya̠. I hoge ka̠mu iri kokari una u Ayuba aba hoge hinda i hoge nga̠ Hwinsu uba tane bware uno u burya̠ na kacuta. Hwinsu uza yama.12Na ihogu ka̠mu, ahun nimui, ita macuna na zaro ko na cinge ko na ihya mewa. <<I>> nibui u sa i, aye hinda <<Aye,>> aye, ko hinda ise wa u Hwinsu.13Iza buna bu yiwa wahala? bu ea ahuda̠. Iza buna buyiwa same laco? Bu zoge hazoga ha wawo.14Iza buna bui hogo laco? Bu uganya a'onga a coci a ia̱gi bware ahunda̱ na sukutage bo manube na iziya i Bugwama bu doone Hwinsu.15Ahunda̠ an aza itano isuwa ai san buna boi hogo laco bu masinge; Hwinsu ui asinge bwa. Hinda si buza magwata̱, ai curya magwata̱ ma buba.16Mazwamgadje magwata̱ man ma ga̠hin ima ia̠gi ga̠hi na ma ia̠gya ahunda̱ nga̠ ga̠hi i hwingaga. Ahunda̱ a buco buna bu goge koce ui ibwana dinyiya.17Iliya isa buco nga̠ gaci. Bware bu ia̠ ahunda̱ ata ea silo, hinda silo ai hinowa na cinge hal haya hataco na rabi.18Hinda Iliya i gope ea ahunda̱, kwa silo ne hene, hal cinge ci silacome mapucipuci.19Ahun nimui, sa a̱hin buna bu curi yina a kamahinda hinda sa buca hya bu ringe bwa na yina,20mabutura̱gya̱: Buna bwa renge buco bu magwata̱ na yina bu cagago a̱huru buco bu magwata̱ pa u'o haruni ui sana i curu magwata̱ dinyiya.
The Word for the World International