Colossians3

1Zwama Hwinsu u yasinga kanmu na Kristi, itano haisa pa i ce ina ga̱hi yiwa na cigwama Hwinsu, ihuga ina kristi iyiwa na dala na wa cuga u Hwinsu.2Tana soo nuhi na ina iyiwa na cigwama Hwinsu, sa na i doone na.3Zwama ya riganu ya kwada, zwama a yasinga pa aco na anhuru nunhi hinda iyiwa na cisunyi na Kristi na suwa u Hwinsu.4Hunna Kristi bube busa anhuru a ganhi, bu silta, kwa ga̠hi na silta kanmu na bware na izangacu.5Zwama haruni i huni ina ai sana ga̠hi maka̠la̠ ma doone na ikanga nuhi, wato maya na ibwana i cidana, na ibwana i ciri, inage magwata̠ hinda na maka̠la̠ ma i doone, una ube ma usa ilaganu i ha'unya.6Zwama iru na suwa ube san u hacigagu suwa Hwinsu yiwa na kasinga zata ui aco na ai iyiwa ina Hwinsu uba ka̱ri.7Na jigu iyiwa na i cihana na iru na suwa, huna ganhi yiwa na dala ciki iri na aco.8Ama baniya usa dole ga̱hi i ma rabi na iru na soo: i curi ihacigagu soo, soo u bumi, na nagu ui ikaru, na hacigagu ui ize, na cikarigo cina ci lacumuwa.9Ita eaga sicwa siba cibe, zwama iriganu i curi suwa nubwe ui laganu u a'unya,10hal ma i zangi suwa ce upu, una aba yiwa na sake upu una nyaga na Hwinsu buna buci egyi.11Zwama i hyan suwa ui ipu, aza si bambanci na sakani nunhi, na Hayahudwa na aco na ai sa Hayahudawa, na buna buzi ukaciya na buna buza u kaciya, na buna buzi suwa ui ipu na buco bu hila, na agyama na aco na ai sawa agyama, kanmu usa uinka pa Kristi bube busa i kanmu, bube hinda buyiwa na suwa nuci kanmu.12Hwinsu bu tanga zwama ganhi san aco nagu ciri ana a buba ka̱ri dinyiya, zwama haruni zanga soo ui yama, na ia̠g i burya̠ , aco nagu cikarigo ci cidana, na nagu ui zangacu icwa na hakuri.13Iyiwa na ia̠g hakuri na sicwa asihin, si bucagiye bu i buco magwata̱ i curi bo, nga̱ Hwinsu uba ui bu curgagi.14Ina zake ka̱mu, i zangi soo u maka̠la̠, zwama maka̠la̠ mabe masa ina i gami na maka̠la̠.15Dala a burya̠ a Kristi u i cigwama na suwa nuhi, zwama pa dala a burya̠ ciya Hwisu u bu ugan na ikanga uika, i sana aco a goji.16Cikarigo ci Kristi a yan na soo nuhin, i yiwa na cibago sicwa asihin na mahasa, iyiwa na ea hazuga ha zabura na ana a ipanganu Hwinsu cilabe, iyiwa na ia̠ hazuga hana na ci gojo a̠huru a Hwinsu uba i, i yiwa na zuga ugoji na suwa nuhin.17Na ina ka̠mu ga̠hi yiwa na ia̠g, na cikarigo ko na ibwana, ia̠g na suwa ui ize Kristi Yesu i yiwa na gojo Hwinsu pa ba.
18ga̠hi si'a sina siza bu'a, panaji sicwa asihin pa bu'a bu cware asihi, inga uba gyamaci pa Kristi.
19Aco cware na za si'a, ka̱la̱ si'a asihin ita cibe suwa ga nagu ui yama.
20Sawo, eag ina amaci na buca bu asihin na tuwamba, zwama Hwinsu bu hugi laco haruni.
21ga̱hi ama ca, ita sana saawo asihin a hacigaga hasuwa, zwama ai zaciga soo.
22ga̱hi agyama, ea ina buco bu yaba nuhin bu doone buba ka̱ri; hinda ea unwa, ita ea zwama a hyan ibwana nuhin ama ea zwama bu sana buca bu yaba nuhi bu hugi wawo, ia̠ ibwana na soo uika̱ na iwasa Hwinsu.23Ka̱mu ina ga̱hi yiwa na ea. ia̠g unwa na ka̱mu soo nuhi, nga̱ iyiwa na ea pa Hwinsu ama sa aco,24Nga̱ ga̱hi daki ana izi gajo una usa daje nuhi. Zwama i yiwa na pangan Kristi Yesu cilabe.25Buco bu eewo hinda, bui hyan daje u magwata̠ ma bware, zwama aza i cibe bambanci.

The Word for the World International

https://app.library.bible/content/c02ad8716a654b74