1 John5
1Ka̱mu buna bu yaje na Yesu abe asa Kristi buco buni busa bwa bu Hwinsu, hinda buna bu ka̱ri Bwa bu Hwinsu bu ka̱ri on ma.2Nga̱ ga̱ci ci daki buni an ci ka̱ri saawo sa Hwinsu: sa ci yiwa na maka̱lo ma Hwinsu hinda ci yiwa na eaga ina uba hin na eagi.3Maka̠la̠ amaci pa Hwinsu: ci ea ina uba hin na ci ea. Hinda cikarigo ci uba ci sunguruwa.4zwama tiganba bwa bu Hwinsu bu pwa i hone ibwana doone pa itano i soo nici.5Ganba bu ea nasara na doone? Buco buna bu tani soo an Yesu asa bwa bu Hwinsu.6Yesu Kristi abe a kore na miya ma baptisma ma bware na mahyan ma u'o u bware. Bware bui kurya namiya kawai, ama na miya na mahyan. Hinda a̱huru abe a zwamage haruni, zwama ahuru a Hwinsu abe asa kamahinda.7Aza seda bitaco ina i hin an Yesu asa bwa bu Hwinsu:8ini bitaco, a̠huru, miya, na mahya; hinda ini bitaco i ma yadage.9Ci yaje na ina aco ba zwamage ama ina Hwinsu uba zwamage u zake na hoge koce, hinda u panga seda u bwa bu ba.10Aco na yaje na Bwa bu Hwinsu aza seda uni na hasoo haba. Ama aco na ai yajuwa ina Hwinsu uba zwamage a misi on buco bu cibya, zwama bui yajuwa na ina u Hwinsu uba zwamage na Bwa bu ba.11Seda uni buni an: Hwinsu u pan a̱huru ana aza ihogu, hinda a̱huru ani a yiwa na suwa u Bwa bu ba.12Buna bu za bwa buza a̱huru a ni; buna buza Yesu buza a̱huru aniyo.13Na yiwa na rubuci ini aco na yaje na Bwa bu Hwinsu nga̱ ga̱hi i daki na i za a̱huru ana aza ihogu.14Ube u san ga̱ci ci za koce u suwa u korwa pa Hwinsu: zwama ci daki an si ci kaba tibai Hwinsu ui ci hoga sa ci kaba nga̱ uba ginbo.15Hwinsu u ci hoge sa ci kaba an-nga̱ gaci daki na haruni usa kamahinda-ci daki an ui ci pan tibai ga̱ci kaba nga̱ uba ginbo.16Sa hyan bulagano bu ea magwata man mai san buco bu kwaji, ea ahunda pa Hwinsu hinda ui pan bo a̱huru. Na eagu aco ka̱mu na ea magwata̱ man mai witiwo a kwaji. Ama aza magwata man mai wuta buco bu kwaji. Na hyenwo an go ea ahunda zwama uniyo.17Eagu ina i sa bura̱ isa magwata̱, ama aza magwata man maza i san buco bu kwaji.18Ci daki an aza saawo sa Hwinsu sina si re gaba na eaga magwata̱; zwama bwa bu Hwinsu bui kumgaga bo, hinda buco bu eewo buza i cumi bwa.19Ci daki an cisa bu Hwinsu ko sa doone u yiwa na cugwama ci buco bu eewo.20Ci daki Bwa bu Hwinsu bu kurwa bwa ci pano i daku, nga̱ ga̱ci ci daki Hwinsu u kamahinda ci yiwa tare na Hwinsu una usa kamahinda-ka̱mu ma na Bwa Yesu Kristi. Ube usa Hwinsu u kamahinda hinda uza a̱huru ana aza ihogu.21Saawo a simui, kumgaga sicwa a sihin ita lagana Hwinsu u cibya.
The Word for the World International