1 Corinthians16
1Baniya, game na ina ga̠hi i na kaba zwama musare muna aba hin zwama a taimaki aco Hwinsu an yiwa na judiya: Ia̠ga ina gya na zwama aco hacoci na Galatiya a ea.2Hon tunba lahadi tiganba bu iri musare, dadai na ihwin i buba, na i tanaga, zwama sa na kurya a za i tanagan taimako.3Sa na kore, gya cuma aco na ga̠hi i yaje na ba cuma ga a kole ina ga̠hi i daje korwa u Urshalima.4Sa u gyamace gya kore, aba kore tare na gya.5Na korya a wahin si na laga cinge ci Makidoniya-zwama na lagana Makidoniya.6Kila na sana cimu pa ganhin, kila na hogi siya kanmu, zwama i na taimaki na ihuga ina gya na ka̱ri korwa.7Sa na kore na ginbo gya eata mohon cimu kapi gya ali; na ginbo ea moho dinyatare na ga̠hin, sa Hwinsu u yaje.8Na yinsan na Apisa hal hon pentikos.9Zwama a hyin i'iba i labe i ibwana dinyiya, hinda aco dinya a yiwa na caga, ko nga̱ uba za aza aco dinya an ai yadwuwa na gya.10Sa Timoti a kore a hwahin, i ce bware na siwa sirya, zwama bware bu yiwa na ibwana i Hwinsu, nga̱ gya.11Buciyahya, buta yagaga bware, ama i banga bware pa i cihano sa bu yiwa na maringe a hwamui. Na yiwa na tana soo bware bu marigiya na alagano.12Baniya zwama u buhun abuci alagano Afollos: Na one bware dinya bu kurya a hwahin na alagano ni. Bware bwa yadwuwa bu aliya baniya, amabware bwe kore si bu hin yina.13Ea je shiri; yinsanaje na koce na itano i soo; ita huga iwasa, yinsana na koce.14Ia̠ je tibai na maka̠la̠.15I daki di na yaba i Istipanus abe rwage i ca Kristi na i'ogo i Akaya, hinda a pan icwa yaba pa ibwana alagano. Na yiwa na unaga alagano Hwinsu,16i cuta sicwa a sihin na acagiya an pan icwa yaba pa iri ibwana ini.17Na hoge laco dinya nga̱ gya na hyan Istifanusna Fartunatus na Akaikus, a na kulage ina i cibe nga̱ ga̱hin i kore na sicwa a sihin.18Zwa ma sa suwa numui u cine kanmu nuhin. Iri aco ni u gyamace azangaci ga.19Alagano a cinge ci Asiya ayiwa na ibugago. Akila na Briskila, tare na alagano ana ama tanaganu na yaba yoba, a yiwa na ibugaga dinya na iziya i Kristi.20Ka̠mu alagano a yiwa na ibungaga. I ma bungage na iwunsumanu i hasuga ina iza ciri.21Gya, Bulus, na hinlage u bugago uni na wa numui, Maranatha-our Lord is coming.22Kanmu buna bwe kanruwo Kristi-iwo i konbe bwa. Kurya, o Kristi23I burya̠ i buca buyaba a buci Yesu i yan tare na ganhi.24maka̠la̠ a mamui ma yan tare na ganhin na iziya i Kristi Yesu. Harbuni.
The Word for the World International