Luke7
1พอ สีดาเยซู มะสอน มะนุด ที่ แลหงา หยู สีดาเยซู กอ ลาเกา พูงา คาเปอรนาอุม2หนา เเมสา มาตา ออลาง เดะ อะบอ (มาตาโรมัน) มาเก็ต ลอล้อ ดานี มะไต เป็นเเมสา ที่ออลาง เดะ ลัก ลาบัด3ออลาง เดะ มะเอียง ดาลาน สีดาเยซู หยา มาตัด ออลาง เดะ (ชาวยิว) เเม ตา นาเด่น โดย ตอล่อง ลอบัด เเมสา หยา4ออลาง เดะ (ชาวยิว) ลามาว สีดาเยซู มะกาย ตองยีเชอะ "โอ้ สีดาเยซู ตอล่อง แมสา โดย ยาง หยา เป็น มะนุด อะมอน5เพาะ หยา มะลัก มะนุด กามอย แล้ว มะแตง โบสถ์ (พะ ประชุม) ออน ตอง กามอย"6สีดาเยซู ลาเกา ตอง ปอแหง ดานีกา ออมากหยา มาตา ออลางเดะ มาตัด คูยะ ออน มะกาย ตอง สีดาเยซู "โอ้ สีดา เนือแกหา ละ เพาะโจย อะมอนหะ ที่ ออน สีดาเยซู ลามา ออมากโจย7ลอล้อ โจย กอ หาน หะ ที่ ลามาว สีดา แมตา ออนสีดา มะสั่ง หยูหยะ แมสาโจย กอ หาย อะมอน8ที่ โจย ดัน เพาะโจย เป็นมาตา เนือทั้งออลาง เดะ ที่มะสั่ง ตองโจย แลวเนือ แมสา ที่ตองแลหงา คำมะสั่งโจยนุง เมื่อโจย ออนลากาว หยา กอลากาว อนลาเด่น อยา กอลาเด่น โจยมะสั่ง "ออนหยาเพาะหยู อยากอเพาะ"9สีดาเยซู มะเอียง บูหยู สะโงน กาไตลาบัด เลยมะแนะตอง มะนุดที่ แงน "โจยจะกาย ออนกาแหยดัน เคยหะลามาว ออลางที่เชื่อลาบัดเท่าโดย ดาลำอิสราเอลก็เคยหะ ลามาว10แล้วคูยะ มาตา เดะ บาและ ออมาก กอ ปะนา แมสา หยู มะหาย อะมอน กะ11ตอจากหยู สีดาเยซู ตอง สาวก ลาเกา พูงา นาอิน ตอง มะนุดลาบัด มะแงนตองสีดาเยซู12ตอนหยูสีดาเยซู ดานีกรา แปลเตา พูงา เนือ ออลาง ป้อก คะริ มะนุด กาไน อะบอ(มาไต) หยา เป็น อะนาด อะบอยะ หะบิไนบาโรย ออลางตาพุงลาเกาอะแหงพะ นิไน หยู13สีดาเยซู หยา ปะนา กอ งอน และ มะกาย "นะลาไงล่ะ"14แล้วสีดาเยซู หยู ลาเกา ดานี มะหยัง คะริ ออลาง ป้อก กอแนนัน นิง สีดาเยซูมะกาย ''โอ บูหยัง โจยมะสั่ง ออนเบง ลางอน"15มะนุด มาไต กอ ลางอน ดอก และมะกาย สีดาเยซูมะออน กาไน หยูตองอะนอง หยา16ออลาง ตาพุง ลอเซก ลาก้อดและ (สรรเสริญ)สีดามะกาย"ออลาง แทนสีดา อะเดะ นาเด่นดาลำโดย กะ" และมะกาย"สีดาเดะ นาเด่น ตอล่อง ออลางสีดาเยซูกะ"17แล้วนามา สีดาเยซู ออลางเอียงลาแป่ เอียงกาพูงายูเดีย และดานีหยูๆ18ออลาง สาวก ยอห์น มะกาย ดาลานสีดาเยซู ออน ยอห์น แลหงา19ออนสาวก มะแน ตองสีดา " สีดาเยซูเป็นมะนุดที่นาเด่นหรือ? หรือ โจย ตอง ลาเตียง อะบอ เด "20สาวก ทูหวา ดิลุย ลามาวสีดาเยซู และมะกาย "สีดาเยซูเป็นมะนุดที่นาเด่นหรือ? หรือ โจยตอง ลาเตียง อะบอเด"21และตอนหยู สีดาเยซู ลอบัด มะนุด มาเก็ตกะออย ตาพุง มะโตย กาตอย ตอล่องมะนุดมาตากอตูน ออลางกอ ปะนาตาพุง22สีดาเยซูมะกาย ตอง ทูหวา ดิลุยหยู"ลากาวมะกาย ลาบูหะเบง ปะนา และมะเอียง มะนุดมาตากอตูนกอปะนา มะนุดลาเกามอยหะกอลาเกามอย ออลางมาเก็ตลอหล้อ(ผิวหนังร้ายแรง)กอมะหาย ออลางชะเด่งกอมะเอียง มะนุดมาไตก็ลา งอน มอยบาและ มะนุดปาป้ะ กอมะเอียงดาลานอะมอน23มะนุดที่บายิน หะโจย เพาะหะเบอะโจยหยู เป็น มะนุด เนือ เกียรติแนๆ"24สาวกยอห์น ทูหวาดิลุย ลาเกากะ สีดาเยซูกอมะกาย ยอห์น กาแหย ตาพูง แบด ลากาว ตางพูงา ลากาว มาลีด อะนอ ล้า ลากาว มาลีด ปอกอน ยอ ตอน เยา อะงินกา25ถ้า บูหยู หะ กาแหย ลากาว มาลีด อะนอ มาลีด มะนุด มะลอบ ชุด บายี ลาสี กา นองบูหยู ออลาง ที มะแตง นอง บายี ลาสี ตอง ใช้ ห้อง นอง สุระสุลาย นอง มะแอม ดาลำ ออมาก พะยา26แลว กาแหย ลากาว มาลีด อะนอ มาลีด ออลาง แมสา สีดา ก้า โจย มาหยาก นา ยอห์น หยา เป็น แมสาอะดะ หะ สีดา27หยู หยา ที เขียน ลาแซสีดา หยู โจย มะออน แมสา โจย เบาะ มะเตียม มรรคา มะอาก ท่อหนา เบง28โจย มาหยาก นา กาแหย นอง กาแหย ที สะละ นอง บีนัย หยู เนือ หะ อะจำ ที อะดะ นอง ยอห์น แต ออลาง ที่ มะแอม บูก ตานัก สีดา หยู อะดะ หนา ยอห์น แด้29ตาพูง ทัง ออลาง แมแกน ห้อง ตอนแนงา บูหยู ก็ มะยอมลับ สีดา อยู อะดะ โต นอง ปอแหง มอย ลับ บัพติศมา นอง ยอห์น30ออลาง ฟาริสี ตอง ออลาง อาจารย์ หยู มะลับ หะ นอง สีดา ที่ มะหนา นอง ปอแหง ออลาง บัน หยู มะลับ หะ บัพติศมา นอง ยอห์น31นองตองหยู โจย มะทียบ ปอแหง บัน โจย นอง อะนอ อะมอน32มะเทียบ ลาบู จานาด แนะ ทีมะดอก ตะงาก ดาหยา กามอย มะยุบ เป่าปี่ มะออน กาแหย แต กาแหย มะหยา หะ กามอย มะแกะ หยาย แต กาแหย หยู นาไง หะ33เพาะ ยอห์น ออลาง บัพติศมา หยู มอย หะ หยำ ขนมปัง ตอง แอลาบ องุ่น กาแหย ก็ มะกาว หยา กาตอย หนามา34นอง อะนาด มะนุด หยู นาดิน หยำ ทัง ขนม นอง แอลาบ แลว กาแหน มะกาว หนา หยู บะกา ออลาง บะออก คูยะ หะ ออลาง แมแกน ห้อง ตอง มะนุดบาป35แต ตาพูง หยู เยา มะตวจ กะ หนา หยู มะเยา นอง ออลาง ตาพูง เบาะ ตามหยู36หนา ออลาง ฟาริสี มะออน เยซู บาาว หยำ จอน ตอง หยา คะนา เยซู ลากาว ออมาก ตะ ฟาริสี หยู ตอน สีดา งอแลก พะ กาเต้ จอน หยู37หนา บีนัย อะบอ ดาลำ พูงา หยู หนา เป็น มะนุด บาป นองหยา ดันบูหยู เยซู นาดินหยำ จอน พะ ออมาก ฟาริสี อะบอ บีนัย หยู บะเวนหอด นาหนา38หยา แนนั้น พะ ดานี แลกอด เยซู แลว หยา แนนัน นาไง เวน มาตา หนา ปะเลาะ พ้า กาไก เยซูหยา แมน บูลุย ออตัด หนา แมสูด แลว นองหยู หยา แมน นอแอนหอบ แมสูด39หนา ฟาริลี อะบอ หยา มะชวน เยซู ปะ แล้ว หยา มะคิด ถ้า หนา โดย เป็น กะตี แมสา สีดาหนา ก็ มาดัน บีนัย โจย เป็น อาจ้า บีนัย หยู เป็น บีนัย ยูชีพา เพาะ บีนัย หยู เป็น มะนุด บาป40แลว นองหยู เยซู มะกาว “ซีโมน โจย งอด มาอยาก นองเบง “ หยามะกาว “ กาว แบะ เยซู “41เยซู มะกาว “ หนา ตอแก อะบอ หยาหนา มะนุด ติด สะแน่ทุหวา ดีลุย อะบอ ติด ห้อง แนมา ละเตาะ เดนาริอันอะบอ ติด แนมา เปาะ42หนา หยู ปอแหง มาหยาน สะแน มอยหะแลว ตอแก หยู หยา แมน หะ ห้อง ค่า สะแน หยูต่าสะแน หยู พุนกะดาลำ ทุหวา ดีลุย หยู กะตีต้า ลัก หนา เบง โต้ เด?43แลว ซีโมน มะกาว ตอง เยซู “ โจย มะคิด กะตี ที หยา มะติด ห้อง ลาบัด “แลว เยซู มะกาว ตอง หยา “ เบง มะคิดเยา กะ “44แลว นอง หยู เยซู หยา พันแลกอด มอง บีนัย หยู แล้วมะกาว ตอง ซีโมน “ เบง ปะนา บีนัย โดย ก้า ตอนที โจย นามาดาลำ ออมากเบง เบง มอย แมน หะ นอแอน มาเบา กาไก โจยแต บีนัย โดย หยา แมน เวน มาต้า ตอง บูลุย อะตัด หยา มาเยา กาไก โจย45เบง มอย มะจุม หะ หนา โจย บีนะย โจย หยา มะจุม นา กาไก โจย นอง โจย มานา46เบง มอยแมน หะ เวน มะหอบ และ นา ออตัก โจย แต บีนัย หยู แมน เวน หอบ แมสูด กาไก โจย47นองหยู โจย มาอยาก นา เบง บาป นองมาจำที หนา งาบันหยู48แลว เยซู มะกาว นอง บีนัย หยู "บาป ตะเบง หยู เยา มาเยา ละแปะ กะ "49ออลาง ตาพูง ที่ มะกอด หยำ จอน พะหยู ตาพูง มะกาว "กะตี เอง โดย หยา เป็น อะจา ล้า ที่ เบาะ ออน บาป เลาะ มอย "50เยซู มะกาว ตอง บีนัย หยู "ตะ มะเชีย ตะเบง หยู เบาะ ออน เบง มะลอด ลาเกา เบาะสะนุด แบะ"
Son Light Foundation