ተሮም ሰቦቼ2
የእዝጌር ጻድቅ ፍርድ
1አኸ ብንጐድ ሰብ ᎈር ትፈርድ፣ መሳ ትሸክትወ ኤነናኸ፤ ብንጐዲ ᎈር ብትፈርድወ ቃር እንም፣ በነብሳኸ ትኮንን፤ ፈራጅ የኸንከዪ አኸ ዛም ትሸክት።2ዚኸም ቢሸክቶ ሰቦች ᎈር የእዝጌር ፍርድ ሱት ወሕነሑ ኧሒርነ።3በሒሽ አኸ ሰብ ብንጐዲ ᎈር ትትፈርድ፣ ዛም ትሸክት በኸነ በእዝጌር ፍርድ ታመልጥ ይመስርኸ?4ወይሽ የእዝጌር የፈይነተሑ የቻይነተሑም፥ የፈራሒነተሑም ብዛት ትነቅ? እዝጌር ፈይነተሑ ያበዛንከ ያኸ ተንስሐዬ የወምራ የኸነኸም አትሒር?5ቢኸንም ባለወዘበራኸ ንስሐ ቤይገባ ሒናኸ መሳ ሱት ፍርድ ቲገለጥ በእዝጌር የማት ከነ በነብሳኸ ᎈር ማት ቅጣቲ ይደብርኸም ትሸክት።6እዝጌር “የያታቲ የሜናሑኸም ይቡ”፤7ፈያ የኸነዪ ጠናም በወሰክት ክብር፣ ሞገስ ዘላለማዊነትም ይሸዎዪ የዘለዓለም ሕይወት ይቦ።8ቢኸንም ነብሰሕኖ ቢወዶዪ፣ የኢኒ ገፈሮም ቡሼነት ቢትዄተሎዪ ፍርድ ማትም ይሰላቦ።9ቡሼ ቢሸክት በሟንመሑ ሰብ፣ በደረም በአይሑድ በዛም አንቌ በአሕዛብ ᎈር መከራ ጭንቀትም ይኸን፤10ቢኸንም ፈያ ቃር ይሸክቶ ሰቦች እንም የአይሑድም ኸነ የአሕዛብ ምስጋና ክብር ሰላምም ይቦ።11እዝጌር የሟንም ኤያዳላ።12የእዝጌር ሕጊ ቴይነብሮ አጢያት ይሸከቶ እንም ሕጊ ቤነብሮም ይጠፎ፤ ሕጊ ትናነኖ አጢያት ይሸክቶ እንም በሕጊ ይትፈረድቦ።13መሳመሑ በእዝጌር ኢፍት ጻድቃን ይቡሪዮዪ የሕጊ ይታዘዞ አንኸንም፣ ሕጊ ይሰሞ አንከኖ።14የእዝጌር ሕጊ ዬነኖ አሕዛብ ሕጊ ዬዝዢ ቃር ቲትኸለቆ፣ ሕጊ ቤይነብሮም ሕኖ የነብሰሕኖ ሕግኖ።15ሕሊናሕኖ ይምሰክርቦ ስለኸነ፣ አሳበሕኖ ይከስሶ ስለኸነ፣ ኧሗም ይኸትሮ ስለኸነ የሕጊ ትዛዝ በሒነሕኖ የጣፈ ወሕነሑ ያቴዞ።16ዚም ይኸን እያ ብናᎄሥር የወንጌል ቃል መሠረት እዝጌር በኢየሱስ ክርስቶስ መሳም ሰቦች በሸከቶይ የሼመ ቃር ᎈር ቢፈረድወ ከነው።አይሑድ ሕገሕኖም
17ዘ፥አኸ “አይሑዳዊንኩ” ትብር፣ በሕጊ ትዴገፍ፤ የእዝጌር ወሕናኸም ትትነነድ፣18በእዝጌር ሕጊ በወትመራኸ ፈአደሑ ሐርከም ፍጡም የኸነዪ ላኘኸም በጠበጥከ፣19ወዥ ኤይችሊ መሪ፣ በጨለማ ያኖዪም ብራን ወሕናኸ የኢነተኘ በኸንከ፣20በሕጊም በረከብኰን ውቀት የኢንም የትነሣ ያንካሮዪ መካሪ፣ የሰብዬ አስተማሪ በኸንከ፣21ኧጌሽ አኸ እንጐዲ ታትመር፣ ነብሳኸ አታትመር? አትስርቅ ባኸም ትሰብክ፣ ትሰርቅ?22አኸ ሰቦች ወሟግጥ ኤነቦ ትብር፣ ትሟግጥ? አኸ የጣዖት ትጠላ፣ ቤተ መቅደስ ትዘርፍ?23አኸ በሕጊ ትትነነድ፣ የሕጊ በወችላለፍ የእዝጌር ታትዋርድ?24ዚም “ባሑ መሳ የእዝጌር ሽም በአሕዛቤ ይሰደብ” ቧሪም የጣፈኸሙ።25የእዝጌር ሕጊ ትፌጥም በኸነ ጤበን ዋውና ዋጋ ነነን፤ ሕጊ ትችላለፍ በኸነ ጤበን ያናውኔኸም ትኸን።26ጤበን ያናውኔዮ ሕጊ ዬዝዢ ይፌጥሞ በኸነ፣ ጤበን ያወኔዮኸም ኤይትቆጠሮ?27አኸ የጣᎈ ሕጊ፣ ጤበን ቢነብርኸ፣ ሕጊ ትችላለፍ በወሕናኸ፣ በገግ ጤበን ያናውኔዪ የሕጊ በወታዘዘሑ ይፈርድብከ።28ኧጌሽ በሽም ጠለለ አይሑድ የኸነ የኢነተኘ አይሑዳዊ አንከነ፤ የኢኒ ጤበን የᎈር የገግም ሥራት አንከነ።29የኢነተኘ አይሑዳዊ በውስጥ አይሑድ የኸነው፤ የኢነተኘ ጤበን ያወኔ በእዝጌር መንፈስ ይኸን የሒን ጤበን ዋውናው አንኸንም በሕጊ በጣፈዪ መሠረት የበሠር ጤበን ዋውና አንከነ። እኪ ኸማቲም ሰብ ምስጋና ይቌበር በእዝጌሩ አንኸንም በሰብ አንከነ።The Word for the World International