ተሮም ሰቦቼ16
ሰላምታ
1ፌቤ በክንክራኦስ ከተማ የቤተ ክርስቲያን ታግለግል ታማኝ ኧተመና ወሕኔታን ቲሒሮኸም ኧወድ።2ሒቲ እያም እንጐድመሕኖ ብዠ ሰቦች ያድገለለች ስለኸነች የምእመናንም ባዘና ወቀበር ይጌባኖኸማት በጔታ ሽም ተቌበርኩም ያሸና ቃር እንም ታድገልሎያኸም ዐደራ ኧብርሑ።3በኢየሱስ ክርስቶስ ሜና ያግዞኜ የኸኖዪ የጵርስቅላ የአቂላም ሰላምታ አቅርቦኒ፤4ሕኖ ብያ ሟኔ የወሙት የዝጋዶ ባኖ፤ በዚም እንጌ አምሰግኖ፤ እያ ጠለለ ታንኸን ተአሕዛብነት ተክርስትናዬ የዠበሮ ምእመናን አብያተ ክርስቲያን እንም ያምሰግኖዮ።5በሕኖ ቤት የጠሎት ይስበሰቦዪ ምእመናንም ሰላምታ አቅርቦኒ።በእስያ ክፍለ ገኝ በደረም በክርስቶስ ያመነዪም ኧወጅጂ የኤጴኔጦስ ሰላምታ አቅርቦኒ።6ያሑ ብዠ የቌጠች የማርያም ሰላምታ አቅርቦኒ።7ቲያጌ አጐጅዮም የነበሮዪ በሐዋርያትም ግብት ይትኴሮ የነበሮዪ የአይሑድ ዘመዶቸኛ፥ የአንድሮኒቆስም የዩኒያስ ሰላምታ አቅርቦኒ፤ ሕኖ የክርስቶስ በወምን ይያ ይበድሮኝ።8በጔታ ኧወጅጂ የአጵልያቶስ ሰላምታ አቅርቦኒ፤9በክርስቶስ ሜና ያግዝነ የኸነዪ የዑርባኖስ ኧወጅጂም የእስጣኩስም ሰላምታ አቅርቦኒ።10በክርስቶስ ወሕነሑ ተፌተነም የትምሰኰረነ የአጴሊስ ሰላምታ አቅርቦኒ፤ አርስጦቡሎስ አበሮስ የኸኖዪም ሰላምታ አቅርቦኒ፤11የአይሑዳዊዪ ዘመደኛ የሔሮድዮን ሰላምታ አቅርቦኒ፤ የናርሲሰስ አበሮስ በጔታ ያመኖዪ ሰላምታ አቅርቦኒ።12በጔታ አገልግሎት ይቌጦዪ የትሩፋይና የትሩፎሳም ሰላምታ አቅርቦኒ። በጔታ አገልግሎት ስርም የቌጠቺ በክርስቶስ ኧወድዳዪ ፔርሲስ ሰላምታ አቅርቦኒ።13ጔታ በዋገልግል በወሕን ስርም የትኴረዪ የሩፎስ ሰላምታ አቅርቦኒ፤ ይያ የተኸዬታኸም ትወዴ የነበረቺ የዳኴችም ሰላምታ አቅርቦኒ።14የአስንክሪቶስ የፍሌጎንም፥ የሔርሜስም፥ የፓትሮባስም፥ የሔርማስም፥ ተሕኖምጌ ያኖዪ ጐባቢት ሰላምታ አቅርቦኒ።15የፊሎሎጎስ፥ የዩልያ፥ የኔርያ የተᎀችም ሰላምታ አቅርቦኒ፤ ዛምኸም የኦሉምፓስ ተሕኖምጌ ታኖ ምእመናን እንም ሰላምታ አቅርቦኒ።16የተም ተጐቤኸም በቄደሰ ወሰሰም ሰላም ተበበሮ። የክርስቶስ አብያተ ክርስቲያናት እንም ሰላምታ ያቀርቦንኩ።
የመጨረሻ ምክር
17ጐባቢት! የቌበርኩዪ ትምርት ተቃዋሚ በወሕን በግብታሑ ወልያይ ምካት ቲያቸኖ ሰቦች ተቀሮ፤ ተሕኖም ራቆ!18ነዚኸማቲ ሰቦች የፎለሕኖ አንከንም የጔታና የክርስቶስ ኤያግለግሎ በልሰለሰ በቁልምጫም ቃላት የሜና ሰቦች ሒን ያብላልጦ።19የወንጌል ቃል ታዛዥ ወሕናሑ በሰብ እንም የትኴረ ስለኸነ ተብላለቆ የባሬ ቢኸንም፥ የፈያ ቃር ብላተኘ የቡሼ ቃርም ሜና ትኸኖኸም ኧሸ።20ዚ ብትሸክቶ የሰላም አምላክ አቴከለም የሼይጣን በእግራሑ ተት ይቅጠቅጥንኩ።የጔታና የኢየሱስ ክርስቶስ ጸጋ ታሑጌ የሕን።21በሜና ያግዜዬ ጢሞቴዎስ ሰላምታ ያቀርብንኩ፤ ዛምኸም አይሑድ ዘመዶቸኛ የኸኖዪ ሉቂዮስ ኢያሶንም ሶሲጳጥሮስም ሰላምታ ያቀርቦንኩ።22ዚም መልክት የጣፍኩ እያም ጠርጥዮስ በጔታ ሰላምታ አቀርብንኩ።23እያም በዚ ያነዪ እንም ቤተ ክርስቲያን ያስትናግዲ ጋይዮስ ሰላምታ ያቀርብንኩ፤ የከተማዪ ግምጃ ቤት የኸነዪ ኤራስጦስ፥ ጐቤናም ቋርጦስ ሰላምታ ያቀርቦኑኩ። [24የጔታና የኢየሱስ ክርስቶስ ጸጋ ትንማሑጌ የሕን! አሜን።]
የምስጋና ጠሎት
25እያ ብናᎄሥሪ የምሥራች ቃል ስለኢየሱስ ክርስቶስ ቢችላለፊ መልክትም ተድረ ዘበን ቀረሰም ተሼመም ቤከሰዪ፥ ኧሗም በትገለጠዪ የኢኒ ምሥጢር መሳ ሑቲ በእምነታሑ ትቈሞኸም ይሸክትንኩዬ ይችል።26ኧሗ ዚ ሐቅ ተገለጠም፤ በዘላለማዊዩ አምላክ ትዛዝ እንም አመኖም ይታዘዞኸም በነብዮች መጽሐፍ መሳ ሕዝብ እንም ይሒሮይኸም ሸኰቺም።27ሑቲ ጠለለ ብላት ያነን የቁና አምላክ፥ በኢየሱስ ክርስቶስ የዘለዓለም ምስጋና የሕን! አሜን።The Word for the World International