የማቴዎስ ወንጌል2
በምስራቅ የቸኖ ኰኰብ ይምራመሮዪ
1በንጉሥ ሔሮድስ ዘበን፥ በይሑዳ ገኝ ቢትረከቢ በቤተ ልሔም ከተማ ኢየሱስ በጨኘወ ግዝየ፥ የኰኰብ ይምራመሮዪ ተምስራቅ ኢየሩሳሌም ስን ቸኖ።2እኪ ቲብሮ ተሳሎ፦ “የጨኘዪ የአይሑድ ንጉሥ ቤቴው? ኰኰቢ በምስራቅ አዠኔም የሑቲ ኧሰግድነነዬ ቸኘነ።”3ንጉሢ ሔሮድስ ዚ ዘንጋ በሰማ ግዝየ ድነበጠ፤ የኢየሩሳሌም ሰቦች እንም ተሑቲ ጌ ድነበጦ።4ሑቲም የካሕናት አለኦች እንም የሕዝቢ የሕጊ አስተማሪዎች ስበሰበም፤ ክርስቶስ ይጨኚ ቤቴ የኸነኸም ተሳለኖ።5ሕኖም፤ “በይሑዳ ቤተ ልሔም፤ ነብዪ እኪ ባረም ጣፈም ባሮ፤6“‘በይሑዳ ገኝ ይትረከቢ አኸ ቤተ ልሔም፤ትንጐዶቺ የይሑዳ ገዦች ባትም አታንስ፤የሕዝበና የእስራኤል ይቂየ ይኸን፤ ባኸ ይወጣ።’ ”7በዛ አንቌ ንጉሥ ሔሮድስ ነዛ ኰኰብ ይምራመሮዪ በሽሙቸ አጤራም፥ ኰኰቢ የታዠወ ሱቲ ግዝየ ተሳለም ተሬዳ፤8እኪ ባረም ቤተ ልሔም ላኸም፤ “ወሮማሑ፤ የሰብዬዪ ሳቦ፤ እያም ኧሗም ወርኩም ኧሰጉድነኸም፤ የረከብኩይኸም ቲያዬ ተዘበሮም ቤቴ ያነኸም አውዶኝ” ባረኖ።9ሕኖም የንጉሢ ቃል በሰሞ አንቌ፥ ወጦም ወሮ፤ ዘ! በምስራቅ ያዞዪ ኰኰብ ሰብዬዪ ባነወ መደር ᎈር ይቈም ስን፥ ኢፍት ኢፍተሕኖ ወረም ይመራኖ ባነ።10ኰኰቢዪም ባዞ ግዝየ ስርም ተብላለቆ፤11ተቤቴም ገቦም ሰብዬዪ ተዳኰች ተማርያም ጌ ኸነም አዞይ፤ ሙግ ባሮም ሰገዶነ፤ ሣጥነሕኖም ከፈቶም የወርቅ፥ ያዱርስ የድኚም ስጦታ አቀረቦነ።12ተ ሔሮድሴ ኤዠበሮኸም እዝጌር በብርዛዝ ያጥኔቀቀኖ ስለኸነ፥ ይምራመሮዪ ብንጐድ ኤማ ተ ገኘሕኖዬ ተዠበሮም ወሮ።ሰብዬዪ ጠበጦም ተ ግብጼ ወስኴሕኖ
13ኰኰብ ይምራመሮዪ በወሮ አንቌ፥ የጔታ መላይካ የዮሴፍ በብርዛዝ ተጐለጠነም፥ “ሔሮድስ የሰብዬዪ የወቅጥር ይሸን ስለኸነ፥ ተንሳማኸ ሰብዬዪ ተዳኰች ጌ ጥብጥም ተ ግብጽ ገኜ ሲሕ፤ ይውደኸ ስን በዛዬ አክስ” ቧረን።14ስለኸነም ዮሴፍ በግብጽ ምሳር ተነሣም፥ ሰብዬዪ ተዳኰች ጌ ጠበጠም፥ ተ ግብጼ ወረ።15በዛም ሔሮድስ ይᎀት ስን ኤከሰ፤ ዚም የኸነዪ ጔታ በነብዪ “ትኸኛ በግብጽ ጠራሑን” በወበር የእዝጌር ትኸ በነብዪ አፍ የዝነጔኒ ቃል ተፌጠመ።ሔሮድስ ሰብዬዎቺ ያትቄጠረኸም
16በዛም አንቌም ሔሮድስ፥ ኰኰብ ይምራመሮዪ ያብላለጦይኸም በትሬዳ ግዝየ፥ ስርም ተናደደ፤ ተቤተ ልሔም በጭጭሳዪም ታኖዪ መንደሮቼ እንም ወታደሮቸሑ ላኸም፥ ተኰኰብ ተመራማሪዎቸሑ በትሬዳን ዘበን መሠረት ዕድሜሕኖ ዄት ዓመት የኸነኖዪ ተዚ ተት የኸኖዪ በቤተ ልሔም በጭጭሳዪም የነብሮዪ ዴንጋ ጠቈኘቶች አትቄጠረኖ።17በዛ ግዝየ፥ በነብዪ ኤርሚያስ እኪ ቲብር የቴወደዪ ትምቢት ተፌጠመ፦18“ያልፋታ የወደል ውታ ጣምባም፤ በራማ ተሴማ፤ራሔል የዴንጋዬታን በኴች፤ወጥናናም አንቻለች፤ዴንጋዬታን እንም አለቆም።”በግብጽ ተናዝሬቴ ወዘበር
19ሔሮድስ በᎀተ አንቌ የጔታ መላዪካ በግብጽ የዮሴፍ በብርዛዝ ተጐለጠነም፥20“የሰብዬዪ የወቅጥር ይሸዎይ ሰቦች ስለᎀቶ፥ ተንሳም ሰብዬዪ ተዳኰች ጌ ጥብጥማኸ፥ ተእስራኤል ገኜ ወር” ቧረን።21ዮሴፍም ተነሳም የሰብዬዪ ተዳኰች ጌ ጠበጠም፥ ተእስራኤል ገኜ ተዠበረ።22ቢኸንም አርኬዎላዎስ ባᎄች በሔሮድስ መደር በይሑዳ ወንግሠሑ በሰማ ግዝየ ተዛዬ ወወር ጔና። ጔታ በብርዛዝ ያጥኔቈቈን ስለኸነው፤ ተገሊላ አውራጃዬ ወረ፤23በነብዮች “ናዝሬቱ ይቡሪ” ቧሪም የቴወደዪ ይትፌጠሜ ናዝሬት ቲቡሪዪ ከተማዬ ቸኘም ቶና።The Word for the World International