የማርቆስ ወንጌል7
ስለአቦቸና ሴራ
1ፈሪሳውያን በኢየሩሳሌም የቸኖ አታት የሕጊ አስተማሪዎችም ተኢየሱሴ ቸኖም በዙሪያሑ ተስበሰቦ።2የኢየሱስ ደቀ መዛሙርቲም አታቶቺ ባነጣ ወበር ባንታጠበ ኧጅ ስንቅ ቲበሮ አዞ፤3ፈሪሳውያን አይሑድም እንም የአቦቸና ሴራ የወቀየ ቲብሮ፤ በሥራተሑ መሠረት ኧጀሕኖ በወጠንቀቅ ቴይታጠቦ ኤይበሮ ባነ።4ዛምኸም በገቤ ቲዠበሮ ባንታጠቦ ኤበሮ ባነ፤ ዋንጫ፥ የወሸን፥ የናስ ግብሮች የአልጋም ፥ ያጥᎅኸም ያነ፥ እንጐድ ብዠ ሴራ ይቅሮ ባነ።5ስለኸነም ፈሪሳውያን የሕጊ አስተማሪዎችም፥ “ደቀ መዛሙርታኸ የአቦቸና ሴራኸም በወንብር ሟኔ ባንታጠበ ኧጀሕኖ የመአር ኧንጄራ ይበሮ?” ባሮም የኢየሱስ ተሳሎይ።6ሑቲም እኪ ቲብር ዠበረኖ፦ “አሑ ግብዝ! ኢሳያስ ስላሑ፥ ‘ዚ ሕዝብ ባፈሑ ጠለለ ያከብሬ አንከንም ሒነሑም ቲያ የራቀው!7ቤድገልል ቃር ያመልኬ፤ ትምርተሕኖም ሰብ የሸኰተን ሥራት ጠለለው።’8“የእዝጌር ትዛዝ ገፈርኩም የሰቦቺ ሴራ ሥራትም ትቅሮ።”9ኧሗም ኢየሱስ፤ እኪ ባረኖ፤ “የነብሳሑ ሴራ የወቀየ ትትብሮ፤ የእዝጌር ትዛዝ ትገፍሮᎄ ብላት ነነናሑ።10ሙሴ፤ ‘አባኸ ዳኳኸም አክብር፤ ኧሗም በአᎄች ወይ በዳኰች ᎈር ቡሼ ይዝነግ ሰብ በሞት የትቀጣ፤’ ይብር።11አሑም እኪ ትብሮ፤ ‘አት ሰብ ያᎄች የዳኰችም በወግዝ ሟኔ ያᎄች የዳኰችም ወሰክት ይጌቧኒ ዘንጋ እንም የእዝጌር ያቀረብኩን መባ ሙ፤’ ቢብርሑ፤12ዚ ሰብ ያᎄች የዳኰችም ተወግዝ ነጣ ትኸትሮይ።13ስለኸነም የጨኘት ብታችላልፎይ ሴራ የእዝጌር ቃል ትሸሮ፤ ዚ የመሰረ ብዠ ቃር ትሸክቶ።”14ኧሗም ኢየሱስ የሕዝቢ ተሑቲዬ ጠራም እኪ ባረኖ፤ “ስሞኝ፤ እንማሑም አጥራምቶ፤15በውጪ ተውስጤ ገባም የሰቦቺ ያረኩሺ አትም ቃር ኤነ፤ የጠቀለዪ የሰቦቺ ያረኩሽ በነብሰሑ ተውጪዬ ይወጣዪ ቃሩ፤16[ኧጌሽ ይሰማ እንዝን ያነን የስማ!”] 17ኢየሱስ የሕዝቢ ገፈረም ተቤቴ በገባ አንቌ ደቀ መዛሙርተሑ የምሳሌዪ ቃር ተሳሎይ።18ሑቲም፤ “አሑም ዘንጋዪ ኤይገባሑ? በውጪ ተሰቤ ቡየም ያረኩሼ ይችል አትም ቃር ኤነ፤19ተ ሒነዄ ቴይኸን ተ ደነዄ ይቡየ፤ በዛም በገገሑ ይወጣ።” ኢየሱስ ዚ በወበረሑ ስንቅ እንም ንጡ ወሕነሑ ገለጠ።20ቄጠለም ኢየሱስ እኪ ባረ፤ “በሰብ ሒን ይወጣ ዛ የሰብ ያረኩሽ፤21ሕኖም፤ በሰብ ሒን ይወጦዪ ቡሼ አሳብ፤ ወሟግጥ፤ ወስርቅ፤ ወቅጥር፤22አመንዝራነት፤ ወስገብገብ፤ ቡሼነት፤ ዋብላልጥ፤ ስድነት፤ ምቀኝነት፤ ሽም ዋጥፋ፤ ትዕቢት፤ ስንፍና ኖ።23ነዚሕኖ ቡሼ ቃሮች እንም በሰብ ሒን ይወጣ፤ የሰቢም ያረኩሽ።”የአት ምሽት እምነት
24ኢየሱስ በዛዬ ተነሣም ተጢሮስ ከተማዬ ወረ፤ ታት ቤቴ ገባም በዛዬ ወንብረሑ ሟንም ኤይሑርᎄኸም ሸወ፤ ቢኸንም በዛዬ ወንብረሑ ይሼሜ አንቻለ።25ሒንጌም እንሲ ትኸዬታን በሩክስ መንፈስ የጠበጠባ አት ምሽት ስለ ኢየሱስ ሰማችም ቸኘች በግረሑም ᎈር ወጠቀች።26ምሽቲም ጨኘቴታንም ተሲሮፊኒቃዊያን ጐሳ የኸነች ግሪክ ባነች፤። ሒቲም ተትኸዬታን ጋኔኒ ያወጣናኸም የኢየሱስ ጮቀሰቹ።27ኢየሱስም፤ “የዴንጋዪ እንጄራ ወሰደም የጊየዎቺ ዋብ ተገቢ ያንከነ ስለኸነ፤ መጀመሪያ ዴንጋዪ ጦፎም የብሮ፤” ባረና።28ሒቲም ዠበረችም፤ “ኤክ ጔታኛ፤ ጊየዎችም በማዳ ተት ኸኖም የዴንጋ ትራፊ ይበሮ” ባረቹ።29ስለኸነም ኢየሱስ፤ “በዚ አዘነጔጔሽ ጋኔኒ በትኻሽ ወጣም ኧጌሽ ተቤታሼ ዌር!” ባረና።30ሒቲም ተቤቴታዬ ትትዠበር ትኸዬታን ባልጋ ᎈር ተገደረችም፤ ጋኔኒም ገፈረናም ረከበታ።የጠንቋራዪ የዱዳዪም ፈያ ወሕን
31በዛም ኢየሱስ በጢሮስ ገኝ ተነሣም፤ በሲዶና አዘር ሸከተም ዐሥር ከተማ ቢቡሪዪ ገኝ በወልፍ ተገሊላ ባሬ ቸኘ።32በዛዬም ሰቦች ጠንቋራ ዱዳም የኸነ አት ሰብ ተሑቲዬ አቸኖ፤ ኧጀሑም ይጨንወኸም ጮቀሶይ።33ኢየሱስም የምሲ ተሕዝቢ ላኘም በወሰደን አንቌ፤ አጤቤቶቸሑ ብንዝነሑ ኸና፤ በዛም እትፍ ባረም የምሲ አለመት ሙሻሸን።34ኢየሱስም ተሰሜዬ ተምሌከተም ጤለየ፤ “ኤፍታሕ!” ቧረን፤ ትርጉመሑም፤ “ተከፈት” ወበሩ።35ሒንጌም እንዝነሑ ተከፈቶ፤ አለመተሑ ተፈታ፤ አጣራም ወዘንግ ቀረሰ።36ኢየሱስ ዚ ዘንጋ የሟንም ኤዝነጎኸም ኤዘዘኖ፤ ቢኸንም ሑቲ ኤዝነጎኸም ቤዘዘኖ ቅጫ፤ ዘንጋዪ አቤተቶም ዝነጎ።37ሕዝቢም ስርመሑ በወደነቅ፤ “ይንም ቃር ፈያ ሸከተ! ጠንቋራዎቺም ይሰሞኸም፤ ዱዳዎቺ ይዝነጎኸም ሸከተም!” ባሮ።The Word for the World International