ሉቃስ ወንጌል23
ኢየሱስ ተጲላጦሴ ወወሰደሑ
1በዛ ተስበሰቦም የነበሮዪ ሰቦች እንም ተነሶም የኢየሱስ ወሰዶም በጲላጦስ ኢፍት አቀረቦይ፤2እኪ ቲብሮ ይከሶይ ቀርሶ፤ “ዚ ሰብ ሕዝበና ቲያሰት ረከብኔም፤ የሮም ንጉሠ ነገሥት ቄሣር ግብር ኤከፉሊኸም ይኸትር፤ ኧሗም እያ ንጉሥ ክርስቶስንኩ ቲብር ይዝነግ።”3ጲላጦስም “አኸ የአይሑድ ንጉሥንከ?” ቲብር የኢየሱስ ተሳለን።ኢየሱስም “አኸ የባዀንኸሙ” ቧረን።4በዛ ግዝየ ጲላጦስ የካሕናት አለኦች የሕዝቢም “በዚ ሰብ አትም በደል አረኸብኩወ” ባረ።5ሕኖም “ዚ ሰብ ተገሊላ ቀርረሰም ዚዬ ስን፥ በይሑዳ ገኝ እንም ቲያትመር የሕዝቢም የረብሻ ያትንሤሣ” ቲብሮ አቆመሮም ከሰሶይ።
ኢየሱስ በሔሮድስ ኢፍት ወቅርበሑ
6ጲላጦስም ገልሊላ ይብሪ ቃል በሰማ ግዝየ፥ “ዚ የገሊላ ሰቡ?” ባረም ተሳለ።7ኢየሱስ የቸኘ ተሔሮድስ ገኝ ወሕነሑ ጲላጦስ በሐረ ግዝየ ተሔሮድሴ ላዀን፤ ሔሮድስም በዛ ግዝየ በኢየሩሳሌም ባነ።8ሔሮድስ የኢየሱስ ባዠን ግዝየ ስርም ተብላለቀ፤ ስለኢየሱስ ይሰማ ስለኸነ ያዥኔ ብዠ ግዝየ ዬላ ባነ፤ ዛምኸም ኢየሱስ ታምር ቲሸክት የወዥ ተስፋ ይሸክት ባነ።9ስለኸነም ሔሮድስ የኢየሱስ ብዠ ጥያኤ ተሳለን፤ ኢየሱስ አትም አንዘᎄረነ።10የካሕናት አለኦች የሕጊ አስተማሪዎችም በዛ ቈሞም አቆመሮም ይከሶይ ባነ።11ሔሮድስም ተወታደሮቸሑጌ ኸነም በወናቅ አፌዘወ፤ የደመቀ ልባስ አለበሰም ጲላጦስ ዠበረም ላዀን።12በዛ ከነ ሔሮድስ ጲላጦስ ደቦዎች ኸኖ፤ በዛ ኢፍቴ መናክሰኛ ባኖ።ኢየሱስ የሞት ፍርድ የᎈረጅᎄኸም
13ተዛ አንቌ ጲላጦስ የካሕናት አለኦች የሕዝቢ መሪዎች ሕዝቢም እንም ቁናዬ ጠራ፤14እኪም ባረኖ፤ “‘ሕዝቢ የሕላት ያትንሤሣ’ ባሑም ዚ ሰብ ቲያዬ አቸኘሑይ፤ እያም ዘ፥ ቢፍታሑ ምረመርኩም ታቀረብኩᎄዪ ክስ እንም በዚ ሰብ ᎈር አትም በደል አረኸብኩወ።15ዛምኸም ሔሮድስ አትም በደል ያረኸበወ ስለኸነ ቲናዬ ዠበረም ላዀን፤ በሒሽ ዚ ሰብ የሞት ያሰላን አትም ዘንጋ አንሰከተ።16ስለኸነም ገረፍኩም ኧᎈታን።”17[ተዓመት ዓመተሑ በፋሲካ በዓል ጲላጦስ አት የታገደ የሕዝቢ ይፈታኖ ባነ።] 18ስለኸነም ሕዝቢ እንም “ዚ ሰብ ቁጥር! በርባንም ፍታንነ!” ቲብሮ በቁና ጣምባ ው ባሮ።19በርባን በከተማ ውስጥ ሕላት በዋትነሳ ሰብም በወቅጥር መሳ በወሕኔ ቤት የታገደ ሰብ ባነ።20ጲላጦስ የኢየሱስ ፈታም ይገፉሬ ሸም ዠበረም የሕዝቢ ዝነጔ።21ሕዝቢም “ስቁር! ስቁር!” ቲብሮ ው ባሮ።22ጲላጦስም የሦስታለኘ ግዝየ እኪ ባረኖ፤ “ዚ ሰብ የሸኰተን በደል ስርም መአሩ? እያ የሞት ያሰላን አትም ቃር አረኸብኩወ፤ ስለኸነም ገረፍኩም ኧገፉር።”23ሕኖ ጣምባሕኖም ከፍ አበኖም “ስቁር!” ቲብሮ ው ባሮ፤ የሕዝበና የካሕናት አለኦች ጣምባ ደበረ።24በዚ መሳ የሳሎይ ይሸከትኖኸም ጲላጦስ ፈረደ።25ሕላት በዋትነሳና ሰብ በወቅጥር ታገደም የነበረዪ በርባን የሳሎይኸማት ገᎈረን፤ የኢየሱስም የሸዎይኸም አቸለፈም አበኖ።የኢየሱስ ወሰቀር
26ስለኸነም የኢየሱስ ወሰዶይ፤ ጠበጦይም ቲያሮ ትናኖ የቀሬና ሰብ የኸነዪ ስምዖንም በገጠር ተከተማዬ ቲገባ ረከቦይ፤ የሑቲ ጠበጦም የኢየሱስ መስቀል አጮሮይም የኢየሱስ ይትዄተልኸም ሸከቶይ።27ብዠ ሰቦችም የኢየሱስ ይትዄተሎይ ባነ፤ በሕኖም ግብት ደረተሕነማም ቲደልጠማ ይበኸማነ እንሽታ ባነማ።28ኢየሱስም ተሕነማዬ ተዠበረም፥ እኪ ባረነማ፤ “አሕማ የኢየሩሳሌም እንሽታ፥ የነብሳሕማ የዴንጋሕማ ብከማ አንከንም ስለኢያ አትብከማ!29ኤጬኞ የኸነማ እንሽታ፥ ያንጠነማ ማጠኖች ያናጡበማም ጡቡየ ምንኸም የትሜረቆኖ! ይትበኞᎄ ከነ ይቸኝ።30በዛ ግዝየ ሰቦች የቈቶዎቺ፥ ‘በᎈረና ውጠቆ!’ የንሻዎችም፥ ‘ሺሞነ!’ ወበር ይቀርሶ።31በሒሽ ዚ እንም ቃር ቢራ ኧጨ ᎈር ይሸከት በኸነ በጠረቅ ኧጨማ ምንኸም ይኸን?”32ዛምኸም ዄት ወንጀለኞች ተኢየሱስጌ ይቀጥሮዮዬ ጠበጦም ወሮ።33ቀራንዮም የራስ ቅልም ተቧሪ መደሬ በሰሎ ግዝየ በዛ የኢየሱስ ሰቀሮይ፤ ዛምኸም ዄቲ ወንጀለኞች በኢየሱስ ጉራ ከነም ሰቀሮዮ።34በዛ አንቌ ኢየሱስ፦ “አባ! ይሸክቶዪ ኤይሒሮ ስለኸነ አፉ በኖ!” ባረ። ወታደሮቺም ኧጣ አደጎም የኢየሱስ ልባስ ተሰሰዶይ።35ሕዝቢ ቈሞም ይምሌከቶ ባነ፤ የአይሑድ አለኦች “ኧንጐደሕኖ አተረፈ ኧጌሽ ሑቲ የትሜጠረ የእዝጌር ክርስቶስ በኸነ እንዴ ነብሰሑ ያትርፍ!” ቲብሮ ይቄልዶᎄ ባነ።36ወታደሮቸሑም ዛምኸም ቄለዶᎄ፤ ተሑቲሜ ቀረቦም ሖምጣጤ አቦይ።37ዛምኸም “አኸ የአይሑድ ንጉሥ በኸንከ እንዴ ነብሳኸ አትርፍ!” ይብሮይ ባነ።38“ዚ የአይሑድ ንጉሡ” ይብር ጡሑፍም በኢየሱስ በጉነነሑ በመስቀሊ ጫፍ አወኖ።ተኢየሱስጌ የሰቈርዮ ዄት ወንጀለኞች
39ተኢየሱስጌ ተሰቈርዮዪ ወጀለኞች አቲ፥ የኢየሱስ፦ “ክርስቶስ አንከንከ? እንዴ በር ነብሳኸም ይናም አትርፈነ!” ቲብር ይሰድቡ ባነ።40እንጐዲ ወንጀለኛም እኪ ባረም ጔሠጠን፦ “አኸ ዚ ቢመስር ፍርድ ትናነኸ የእዝጌር አትጌና?41ኢና በሸከትኔ በደል መሳ ይትጌባነዪ ቅጣት ረከብነም፤ ዚ ሰብም አትም ጥፋት አንሰከተ።”42ቄጠለም የኢየሱስ፦ “ጔታ በመንግሥታኸ ትትሸኝ አስታውሴ!” ቧረን።43ኢየሱስም “የኢን ኧብርኸ፤ ኧኳ ቲያጌ በገነት ትኸን!” ቧረን።የኢየሱስ ሞት
44ዚ የኸነ በከነዪ ስድስት ሰዓት ቅጫ ባነ፤ ተዛ ግዝየ ቀረሰም ዠጠ ሰዓት ስን ባፈር እንም ጨለማ ኸነ።45ጬት ጨለመ፤ የቤተ መቅደስ መጋረጃም ግብት ቂጦ ተገደደ፤46ኢየሱስም ጣምባሑ ከፍ አበኘም፥ “አባ! ዘ! ነብስያኛ በጃኸ አደራ ኢብ!” ባረ፤ ዚም በባረ አንቌ ᎀተ።47በዛ የነበረዪ መቶ አለአ፥ የኸነዪ ቃር ባዠ ግዝየ፥ “የኢንም ዚ ሰብ ጻድቅ ባነ!” ባረም የእዝጌር አከበረ።48ዘንጋዪ የዋጥራምት በዛ ተስበሰቦም የነበሮ ሰቦች እንም የኸነዪ ቃር ባዞ ግዝየ አመጠጠኖም ደረተሕኖ ቲደልጦ ተቤተ ሕኖዬ ተዠበሮ።49የኢየሱስ በቁርቤ ይሒሮይ የነበሮ ሰቦች እንም በገሊላ ቀረሰም ይትዄተለማይ የነበረማዪ ኧንሽታ በሩቄ ቈመማም ዚ ዘንጋ ይትምሌከተማ ባነ።የኢየሱስ ወቀበር
50የአይሑድ ከተማ በኸነዪ በአርማቲያስ ይነብር ዮሴፍ ይቡሪ ሰብ ባነ፤ ሑቲ ጻድቅ ፈያም ሰብ ባነ፤ የአይሑድ ጀᎈርተኘ ባነ።51የሕን አንኸንም በአይሑድ ወባጀና ሴራ አንተስማማ፤ ሑቲ የእዝጌር መንግሥት በተስፋ ይቅየ ሰብ ባነ።52ዚ ሰብ ጲላጦስ ኢፍት ቀረበም የኢየሱስ ሬሳ ይᎅኸም ተሳለ።53ሬሳዪም አወረደም በቀጭን ሐር ልባስ ኬᎈነን፤ ሟንም ሰብ ባንቀᎄርᎄ በአለት ተወቀረም በዝጋጀ ቀብር ውስጥ ቀᎄረን፤54ዚም የሸከተ አዳረ ምሳር የሰምበት ዝግጅት ቢሸኩችᎄ ግዝየ ባነ።55የኢየሱስ ተዄተለማም በገሊላ የቸነማ እንሽታ ተዮሴፍጌ ወረማም ቀብሪ አዘማይ፤ ሬሳዪም ምንከም የቀᎄሪኸም አጥራመተማ።56ተቤተሕነማዬም ተዠበረማም የሬሳዪ ይኸኖ ፈያ ሱትነት ያነን ቅመም ሽቶ አዝጋደማ፤ በሕጊ መሠረት በሰምበት ከነ አᎈነማም ዋለማ።The Word for the World International