የሐዋርያት ሜና21
ጳውሎስ ተኢየሩሳሌሜ ወወረሑ
1ተሕኖ በትላኘነ አንቌ በመርከብ ተሳፈርነም በቀጥታ ቆስ ቲቡሪዪ ደሴቴ ወርነ፤ የመናጊም ተሩድ ደሴቴ ሰላነ፤ በዛም ተጳጥራ ከተማዬ ወርነ።2በዛዬም ተፊንቄ ገኜ ያሪ መርከብ ረከብነም በሑቲ ተሳፈርነም፤ ወወር ቄጠልነ።3የቆጵሮስም ደሴት ተጉራዬ ገፈርነም ተሶርያ ገኜ ወርነም ተጢሮስ ወደቤ ወርነ፤ መርከቢ ጭነተሑ በዛዬ ዋራግፍ ባነወ።4በዛዬ የጔታ ደቀ መዝሙር ሸነም ረከብነ ተሕኖጌ ሰበት ከነ ኤከስነ። ሕኖም በመንፈስ ቅዱስ ኤወደኖም የጳውሎስም “ተኢየሩሳሌሜ አትወር” ባሮም ኤወዶይ።5በዛዬ ኤክስነᎄ ግዝየ ቲያልቅ ተላኘነዮም ኤማና ወርነ፤ እንም ትንሽታሕኖም ተዴንጋሕኖጌ ኸኖም ተከተማዪ ውጪ ስን ጌገቶነ፤ በባሪም ᎀረ ተንምብረከክነም በጤለይነ አንቌ ተስናበትነ።6በዛ አንቌ ኢና በመርከብ ትንሳፈርነ ሕኖ ተቤተ ሕኖዬ ተዠበሮ።7በጢሮስ ተነሣነም ተጴጤሌማይሴ ሰላነ፤ በዛዬ በጔታ ጐባቢት ረከብነም ሰላምታ በቴበብነ አንቌ ተሕኖጌ ቁና ከነ አቸለፍነ።8የመናጊ በዛዬ ወጣነም ቂሣርያ ወርነ፤ በዛዬ ተሰበቲ ዳቆን አቲ ተኸነዪ ተወንጌላዊ ፊልጶስ ቤቴ ገባነም ተሑቲጌ ቾናነ።9ሑቲ ትምቢት የወዘንግ ስጦታ ያነነማ አርበት ያናግበማ ግሬድ ባነሜ።10የብዠ ከነ በዛዬ በቾናነᎄ ግዝየ አጋቦስ ይቡሪዪ ነብይ በይሑዳ ገኝ ቸኘ።11ዚ ነብይ ቲናዬ ቀረበ፤ የጳውሎስ ጥብጣብ ወሰደም የነብሰሑ ኧጅም ኧግረሑ አገደም፥ “መንፈስ ቅዱስ የዚ ጥብጣብ ባለቤት በኢየሩሳሌም ያኖዪ አይሑድ የዚምኸም አገዶም የአሕዛብ አቸለፎም ይቦይ ይብር” ባረ።12ዚም በሰማነ ግዝየ ኢናም በዛዬ የነበሮዪ ሰቦችም ጳውሎስ ኢየሩሳሌም ኤያርኸም ጮቀስኔ።13ጳውሎስም “ዚኸም በኴሑም የመአር ሒነኛ ባዘን ትሰብሮይ? እያ የጔታ ኢየሱስ ሽም በኢየሩሳሌም ኧጉጀኘ የወሕን ጠለለ ቴይኸን የወሙትም የዝጋጀሑንክ” ቲብር ዠበረ።14ምክረናም አንቌበር በባረነ ግዝየ “ኧጌሽ የጔታ ፈአድ የሕን” ባርነም ገፈርኔ።15በዛዬ ቀል ከነ ቤከስነ አንቌ ግብረናም አዝጋጀነም ተኢየሩሳሌሜ ወርነ።16በቂሣርያ የነበሮ አታት ደቀ መዛሙርት ቁናዬ ቸኖ፤ ሕኖም በምናሶን ቤት ናᎈይነኸም ተሑቲ ቤቴ መሮነ፤ ዚ ሰብ በደረም የጔታ ደቀ መዝሙር ባነ፥ የቆጵሮስ ገኝ ሰብ ባነ።ጳውሎስ በኢየሩሳሌም የያዕቆብ ወጐብኘሑ
17ኢየሩሳሌም በሰላነ ግዝየ በጔታ ጐባቢት በብልቃት ተቌበሮነ።18የመናጊም ጳውሎስም እንጐደናም ያዕቆብ የወዥ ወርነ፤ የቤተ ክርስቲያን ሽማግሌዎች እንም በዛዬ ባኖ።19ጳውሎስ ይንም ሰላምታ ባበ አንቌ በሑቲ መሳ እዝጌር አሕዛብ ግብት የሸኰተኒ እንም አትባት ቴረከኖ።20ዚም በሰሞ ግዝየ እንም የእዝጌር አምሰገኖ፤ የጳውሎስም እኪ ባሮይ፦ “ጐቤና! በብዠ ሺ ይትቆጠሮ በጔታ ጐቤና በአይሑድ ግብት ያኖኸም እንም የሙሴ ሕጊ ቅናትመኞች የኸኖኸም ቲሒር፤21አኸ በአሕዛብ ግብት ይነብሮዪ አይሑድ እንም ዴንጋሑ ጤበን አታውኖ፤ ሤራ አትፈጥሞ ትትብር በዋትመር የሙሴም ሕጊ ይሸሮኸም ትሸክት ቲቡሪ ኦጀ ሰሞም።22ኧጌሽ ምን ወሰክት ይጠቅል? ወተኛኸ የኢንም ይሰሞ፤23ስለኸነም ኢና ኧብርነከዪ ሰክት፤ ቢና ግብት ስለት ያነቦ አርበት ሰብ ነኖ።24የሕኖም ውስድማኸ ተሕኖጌ ሕንም ነብሳኸ አንጣ፤ ጉነነሕኖም ይላጮኸም የቤተ መቅደስ ይᎅዪ የመባ ዋጋ ክፍሎ፤ ዚም ብትሸክት ባኸ ᎈር ዬወጂዪ እንም ኤድገልል ወሕነሑም አኸም ነብሳኸ ሕጊ ትቂየ ወሕናኸ እንም ይሒሮ።25ተአሕዛብ ጐሳ ያመኖዪ ‘የጣዖት በወርደሑ መሳ ሩክስ ስንቅ አትብሮ፤ ደምም የስንቅኸም አትብሮ፤ ታነቀም የᎀተ እንሰሳ በሠር አትብሮ፤ ተዝሙት ስሖ’ ይብሪ ውሳኔ የጠበጠ ደብዳቤ ጣፍነም ላክነኖም።”26ተዛ አንቌ ጳውሎስ የሰቦቺ ወሰደም የመናጊ ተሕኖጌ ነብሰሑ አነጣ፤ ይነጦᎄዪ ከነዎች መቸ ይኸንኸም ስለእያታቲም ይᎅ የመባ ዋጋ ይከፈልወ ግዝየ መቸ ይኸንኸም የዋትኴር ተቤተ መቅድሴ ገባ።ጳውሎስ በቤተ መቅደስ ጠᎄጪ
27ሰበቲ ከነ ይፌጠሜ ቲቃረብ በእስያ የቸኖ አይሑድ የጳውሎስ በቤተ መቅደስ በወዠሕኖ የሕዝቢ እንም አቴደሞም ጠበጦይ፤28“የእስራኤል ሰቦች! ርዶነ! ሕዝበና ሕገናሙ ዚም መደር ቲሰደብ በገኚ እንም ያነዪ ሕዝብ ያትመር ዚ ሰቡ፤ ዚም አንኸን ቧረንም አሕዛብ የኸኖ የግሪክ ሰቦች ተቤተ መቅደሴ በዋግባ ዚ ጠለለ ቴይኸን የትቄደሰ መደር ሩክስ ሸከተም!” ቲብሮ ው ባሮ።29ዚም የባሮᎄ መሳ ተዚ ኢፍቴ ኤፌሶን ጨኘት ጥሮፊሞስም ተጳውሎስጌ በከተማ አዞይም የነበረ ስለኸነ የሑቲ ተቤተ መቅደሴ ጠᎄጠንም የገባ መሰረኖም ባነ።30ከተማዪ እንም ተሬበሸ፤ ሕዝቢ እንም ቲሮጦ ቁናዬ ቸኖም፥ የጳውሎስ ጠበጦም ቲሸቦ በቤተ መቅደሴ አወጦይ፤ የቤተ መቅደሲ ወዝገብም ሒንጌም ተዘጎ።31ሰቦች የጳውሎስ ይቀጥሮዬ በሸዎ ግዝየ “የኢየሩሳሌም ከተማ እንም ተሬበሸም” ይብር መልክት የሮማውያን ያርብ አዛዤ ሰላ።32ስለኸነም ሑቲ ወታደሮቺም የመቶ አለኦቺም አትዄተለም በዋተክል ቲሮጥ ተሰቦቺዬ ወረ። ሰቦቺም አዛዢም የወታደሪ ባዞ ግዝየ የጳውሎስ ወውካ ገፈሮ።33አዛዢም ቀረበም የጳውሎስ ጠᎄጠንም በዄት ሰንሰለት ኧጉጀኘ ይኸንኸም ኤዘዘ፤ በዛ አንቌም ሟ ወሕነውም ምን የሸከተኸም የወሐር ሸም ምረᎀረን።34ሕዝቢም አታተሕኖ አት ቃር ቲብሮ፥ እንጐዲ ኧንጐድ ቃር ይብሮ ባነ፤ አዛዢ በሕዝቢ ውታ የትነሣ የርጋገጠዪ ዘንጋ የወሐር ያንቻለ ስለኸነ ጳውሎስም ተወታደሮቺ ሰፈሬ ይወስዶይኸም ኤዘዘ።35ጳውሎስ ተደረጃዪዬ በሰላ ግዝየ ሕዝቢ እንም በብረታ ማት ተንሠሣም አደጋ ያሰላወዬ በወሴሑ ወታደሮቺ ጮሮይም ወሮ።36ሕዝቢም “የቁጥሪ!” ቲብሮ ው በወበር ይትዄተሎይ ባነ።ጳውሎስ ይክላከልወ ንግግር ወሰክተሑ
37ወታደሮቺ ተአርብ ሰፈሬ ጠበጦይም ያሮዬ ቲይኸን፤ ጳውሎስ የአርብ አዛዢ፤ “አት ዘንጋ ኢውደኸኸም ፍቅድኒ?” ቧረን። አዛዢም እኪ ቧረን፤ “የግሪክ ቋንቋ ቲሒር?38አኸ ተዚ ኢፍቴ ዐመጥ አትኔሣኸም፤ አርበት ሺ ነብስ ይቀጥሮዪ ተበረሐዬ ያሼፈትከ ግብጻውያን አንከንከ?”39ጳውሎስም “እያ በኪልቅያ ቢትረከቢም ፈያ ሽም ቧነኒ በጠርሴስ ከተማ የጨኘሑ አይሑዳዊንኩ፤ ታውሽ የሕዝቢ ኧዝነግኸም ፍቅድኒ” ቧረን።40ይዝነግኸም በፈቈደነ ግዝየ ጳውሎስ በደረጃ ᎈር ቈመም ሕዝቢ እንቁስ ይብርኸም በጀሑ ጠቀሰ፤ ሕዝቢ ጭጭ በባረ ግዝየ በዕብራይስጥ ቋንቋ እኪ ቲብር ወዘንግ ቀረሰ፤The Word for the World International