2ተቆሮንቶስ ሰቦቼ2
1ኧጌሽ አትማችሑዬ ያንሸሑ ስለኸነ ታሑዬ ዄታለኘ ያለወተኝ ዌሰንኩ፤2ያሑ ብናቴዝንኩ ባቴዘነኩሑ ታሑ አንኸንም ይያ ያትብላልቅ ሟኒ?3ባለፈዪ ግዝየ የዛምኸም የጣፍኩኑኩም ተአሑዬ ትንቸኝ ያትብላልቆኜ ይትጌባኖ ሰቦች ኤያቴዝኖኝኸም በወበሩ፤ መሳሑም ይያ ብልቃት ይንማሑ ብልቃት ይኸንኸም አምን።4የዛኸም ትንጠፍንኩ በወደል አዘንም በሒን ጭንቀት፣ በብዠም ኢንባ ውስጥ ባነሑ፤ ዚም የሸከትኩን ያሑ ያኔ ጥኑ ፍቅር ቲሒሮኸም በወበር አንኸንም፣ ያሑ የዋትማች አነበረ።
ይቤድል አፉ ወበር
5ሟንም የሰብ ቢያቴዝን ቃር፣ ዋጋን ኤይሕንቢ ያቴዘነን ይያ ጠለለ ቴይኸን በቀለሑ ቢኸን ይንመናው።6ዚኸም ያነዪ ሰብ ብዠሕኖ የዌሰኖᎄ ቅጣት ያሰላን።7ኧሗም ተልክ ነን ማቸም ተስፋ ኤያርጥኸም፣ አፉ ትብሮይኸም ታጥናኖዬ ይጌባሑ።8ስለኸነም ኧሗም ትወዶይ ወሕናሑ ትገልጦነኸም ኧጮቅስኩ።9የጣፈክንኩ፣ የገጠመናሑዪ ፈተና ወቈቈማሑ ብንም ቃር ታዛዦች ወሕናሑ የወሐር ባነ።10አሑ አፉ ትብሮዪ ሰብ እያም አፉ ኧቡን፤ ዮንም አፉ ኧቡን ቃር ባነ፣ በክርስቶስ ኢፍት አፉ ኧቡን ያሑ ትንብሩ።11ዚም ኧሸክትነ ሼጣን ይገባወ ጉድ ኤረሕብኸሙ፤ የሑቲ ቡሼ ዕቅደሑ አንደላኔይ።የገደር ጉዳ አገልጋዮች
12የክርስቶስ ወንጌል የወስብክ ተጢሮአዳዬ በወርኩ ግዝየ፣ ጔታ በር ከፈተኒም ባነ፤13የሕን አንኸንም ጐቤኛ ቲቶ በዛዬ ያረኸብኩን ስለኸነ መንፈሰኛ አናፉየ፤ ስለኸነም ተስናበትኩኖም ተመቄዶንያይዬ ወርኩ።14ቢኸንም በክርስቶስ እንጌ ውራግ በወሰክት ቲያዦር ይመራነ፣ የውቀተሑም ሱትነት ቢና መሳ ተመደር መደረሑ ይገልጥ አምላክ ምስጋና የሕን፤15መሳመሑ ቢተርፎዪ ቢጠፎዪም ግብት የእዝጌር የክርስቶስ መዓዛንነ።16ይጠፎዪ ተሞቴ ይወስድ የሞት ሱትነት፣ ይተርፎዪም ተሕይወቴ ይወስድ የሕይወት ኧሶታነንነ፤ ኧጌ፣ የዚ ይበቃ ሟኒ?17ኢናኮ ትርፍ የወርክብ ባርነም የእዝጌር ቃል ድባለቆም ይሽቃቅጦዪኸም የብዠሕኖኸም አንከነ፤ ቢኸንም በእዝጌር የትላሖ ሰቦችኸም በክርስቶስ ኸነም በእዝጌር ኢፍት በቅንነት ኧዝነግነ።The Word for the World International