1 ተተሰሎንቄ ሰቦቼ2
የጳውሎስ አገልግሎት በተሰሎንቄ
1ጐባቢት! ኢና ታሑዬ ወተኘና ኤድገልል አለወሕነሑ ነብሳሑ ቲሒሮ።2ቲሒሮይኸማት ተዚ ኢፍቴ በፊልጵስዩስ በነበርነᎄ ግዝየ መከራ ስድብም ሰላብነም፤ ቢኸንም ወደል ተቃውሞ ቢሰላብነም ወንጌሊ ያሑ ናትመርነኸም አምላከና ድፍረት አበነም።3ኢና የመከርነኩ ተስተት ወይ በሩክስ ዓላማ ተመራነም አንከነ፤ ያሑ የዋብላልጥ የሸከትኔ አትም ቃር ኤነ።4ይልቅሽ እዝጌር ወንጌሊ ይና አደራ ያበነ ቢና ተማመነም ስለኸነ ኧዝነግነ፤ ዚም ኧሸክትነ ሒነናም ይምረምሪ የእዝጌር የዋትብላልቅ ባርነሙ አንከንም የሰብ የዋትብላልቅ ባርነም አንከነ።5አትም ግዝየ በቃላት በዋብላልጥ የዋጋ ወሴ አትሜሰርነም ስርም ያንዘጔነኸም አሑ ነብሳሑ ቲሒሮ፤ እዝጌርም ምስክረናው።6ታሑም ኸነ ትንጐዲ ተሟንም ሰብ ክብር አንሸነ።7የክርስቶስ ሐዋርያት የኸነኸም ባሑ ያሸነዪ የወሳል ኧችልነ ባነ፤ ቢኸንም የዴንጋዬታ ትቅየ ዳኮኸም በፈይነት በግብታሑ ተዥባበርነ።8ዛምኸም ስርም ኧወድሑ ስለኸነ የእዝጌር ወንጌል ያሑ ዋብሥር ጠለለ ቴይኸን ሕይወተናም ኢብነኩዬ የዝጋጀነ ባነነ።9በጔታ ጐባቢት! ምንኸም የሸከትነ የቌጥነኸማ ቲሒሮ፤ የእዝጌር ወንጌል ያሑ ብናበሥርነᎄ ግዝየ በሟንማሑ ᎈር ጡዋራ አንኸነኸም ምሳር ተክናን በወሠክት ኧቌጥነ ባነ።10ባሑ በአማኞች ግብት በነበርነᎄ ግዝየ ምንኸም ባነ ቅድስና ጽድቅም ናጫም ቴነወ ሕይወት የነበርነኸም አሑ ምስክሮችንኩ፤ እዝጌርም ምስክሩ፤11አብ የዴንጋሑ ይሸኩቺ ኸማት ኢናም ያሑ አትባተሑ የሸከትንነኩኸም ቲሒሮ፤12እንጌ ትንመክርነኩ ትናብርታታነኩ፤ ትናጥናናነኩ መንግሥተሑ ክብረሑም ትሰዶኸም የጠራናሑ አምላክ ቢትብላለቅወ ሐለት ትነብሮኸም ዐደራ የባርነኩኸም ቲሒሮ።13ኧሗም ስላሑ ታናቋርጥነ የእዝጌር አምሰግነᎄ መሳ ነነነ፤ ዚም ቲና የሰማሑዪም የእዝጌር ቃል በቌበርኩ ግዝየ ባሑ በአማኞች ይሸክቲ ዚም ቃል የቌበርኩይ የሰብ ቃልኸም ቴይኸን ልክ የእዝጌር ቃልኸም ሸከትኩሙ፤ የኢንም የእዝጌር ቃሉ።14በጔታ ጐባቢት፥ አሑም በይሑዳ ይትረከቦዪ በኢየሱስ ክርስቶስ የእዝጌር አብያተ ክርስቲያን የኸኖዪ ምሳሌ ተዄተልኩም፤ ሕኖ በአይሑድ መከራ የሰላቦኸም እንም አሑም በፎላሑ ወገናሑ መከራ ሰላብኩም።15አይሑድ ጔታ ኢየሱስ ነብዮችም የቀጠሮ ይናም አሳደዶም ተገኝ ያትዌጦኖ፤ ሕኖ እዝጌርም ያቴዝኖ ሰቦች እንም ይጠሌዎኖ፤16አሕዛብ ይተርፎᎄዪ ቃል አንዝነግነኸም ይኸትሮነ፤ በዛምኸማት አጢአት በአጢአት ᎈር ቲደብሮ ያሮ፤ ስለኸነም በመጨረሻ የእዝጌር ማት ቸኘቦም ።ጳውሎስ ተሰሎንቄ የወጎብኝ የነᎄረን ቡርሻት
17ቢኸንም በጔታ ጐባቢት! በመንፈስ ቴይኸን በጅስም የቀል ግዝየ ታሑ በወትላኘና ስላሑ ያነነ ቡርሻት ብዠ ስለኸነ ቤነና ናዥነኩዬ ብዠ ጥረት ሸከትነም።18ታሑዬ ወተኝ ሸነም ባነ፤ በተለይም እያ ጳውሎስ ታሑዬ የወተኝ ዥባበርኩም ሞከርኩም ባነ፤ ቢኸንም ሼጣን ኸተረነ።19ኧጌ፥ ተስፋና ወይ ብልቃተና ወይ ጔታና ኢየሱስ ቢቸኝወ ግዝየ ቢፍተሑ ኧትነነድነᎄ የውራግ አክሊለና አሑ አንከንኩ?20ዮንም ክብረና ብልቃተናም አሑትንኩ።The Word for the World International