1 ተቆሮንቶስ ሰቦቼ6
ወካሰስ በክርስቲያኖች ግብት
1በግብታሑ አት ሰብ ትንጐዲጌ ኦገት ቢነቡር፤ ወባጀዪ በቅዱሳን ኢፍት በዋቅርብ ሟኔ ምንኸም ደፈረም ቤያምኖዪ ሰቦች ኢፍት የወፋረድ ያቀርብ?2ቅዱሳን በዓለም ᎈር ይፈርዶኸም አትሒሮ? ባፈር ᎈር ትፈርዶ በኸነ፥ በይሽ፤ በቀል ቃርም ᎈር የወፍርድ አቲሒሮ?3ተአፈሪ ሕይወት ወባጀ ቀኘም፤ በመላይካ ᎈር ቢኸንም ኧፈርድኸም አትሒሮ?4በይሽ እኪ ያነ ወባጀ ቲያጋጥምኩ፤ በቤተ ክርስቲያን የትገረጦዪ ሰቦች ፈራጁ ሰክቶም ሹሞያ !5ዚም ኧቡኒ አትማልልኩዬ ባሑሙ። ወሕነሑ በግብታሑ አማኞች የዋታርቅ ይበቃ ያጥራምት ሰብ ኤነ?6ይገርምሑ አማኝ የአማኝ የወክስስ ፍርድ ቤት ያር፤ ቤያምኖ ሰቦች ኢፍት ያትፌርዴ ያር።7ኧጌሽ በግብታሑ ወካሰስ ወንብረሑ ራሰሑ ወውጥቃሑ ያቴዥ። ብትቤደሎ ኤይጠቅል? ቢያብላልጦኩሽ ኤይጠቅል?8አሑም ነብሳሑ ትቤድሎ፤ ዛም አማኞች በኸኖዪ ክርስቲያኖች ᎈር በደል ዋብላልጥም ትፌጥሞ!።9ዐመጠኞች የእዝጌር መንግሥት ኤወርሶኸም አቲሒሮ? በዚ ዘንጋ አትትብላለጦ፤ ሴሰኞችም፥ ጣዖት ያመልኮዪም፥ አመዝሮቺም፤ የትዳር ታማኝነት ያፈርሶዪ፤ ይምሳሰር ገሜ ተገሜ ጋብቻ ይፌጥሞዪ10ሌቦችም፥ ስግብግቦቺ፥ ሰካራሞች፥ ይሳደቦዪም፥ ዘራፊዎችም የእዝጌር መንግሥት ኤይወርሶ።11ተአሑ አታታሑ ዛምኸም ባነሑ፤ ኧሗም በጔታ በኢየሱስ ክርስቶስ ሽም በአምላከና መንፈስም ታጠብኩም፤ ተቄደስኩም፤ ጸደቅኩም።የዝሙት አጢያት
12“እንም ቃር ተፌቀደኒም፤” ቢኸንም እንም ቃር ኤይጠቅም፤ “እንም ቃር ተፌቀደኒም፤” የሕን አንኸንም አትም ቃር ቢያ ᎈር ኤይስለጥንቢ፤13ኧሗም፤ “ስንቅ የደኑ፥ ደንም የስንቁ፤” እዝጌርም የዄቲም ያጠፋኖ። ገግ የጔታው አንከንም የዝሙት አንከነ፤ ጔታም የገገና ያታርፍ።14እዝጌር የጔታ ኢየሱስ ተሞት ያትኔሳንኸም፤ ይናም በቆተሑ ተሞት ያትኔሣነ።15ገጋሑ የክርስቶስ የጅስም ክፍሎች የኸነኸም አቲሒሮ? ኧጌ፥ የክርስቶስ የጅስም ክፍሎች ወሰድኩም በዝሙት ታድር ምሽት ክፍሎችጌ ቁና ንሰኩች? ስርም ኤይጌባ!16ወይሽ ተዝሙት ታድር ምሽትጌ ይትገገዝ ሰብ ተሒቲጌ ቁና በሠር የኸነኸም አትሒሮ? መሳሑም በቅዱስ መጽሐፍ “ዄቲም ቁና በሠር ይኸኖ” ቧሪም።17ቢኸንም ተጔታጌ ይትገገዝ ተሑቲጌ በመንፈስ ቁና ይኸኖ።18ስለኸነም ተዝሙት ስኮ። ሰብ ይሸኩች አጢያት እንም ተጅስመሑ ውጪው፤ ዝሙት ይፌጥም በፎለሑ ጅስመሑ ᎈር አጢያት ይሸክት፤19ወሕነሑ፤ ገጋሑ በውስጣሑ ይነብሪ የመንፈስ ቅዱስ ቤተ መቅደስ የኸነኸም አትሒሮ? ዛም መንፈስ ተእዝጌር የቀበርኩዪው። አሑም የነብሳሑ አንከንኩ።20ክርስቶስ በዋጋ ስየናሑም፤ ስለኸነም በገጋሑ የእዝጌር አክብሮ።The Word for the World International