1Ia izɨ, e ighiaba bangɨ Ikiavɨra Itir Godɨn ziam fam.A en dagɨamɨn mɨn ikia e moga en akurvasi,e a gɨnɨghnɨgh onger akabar amuam.2E an boroghɨra mangɨ a mɨnabɨva,pamten dɨm ighiabar amuan ziam fɨ bar akuegham.3E fo, Ikiavɨra Itir God, a Godɨn Bar Gavgaviba Itim.An atrivir gavgaviba bar itim,egha godɨn ifavariba bar dagh afira.4A nguazimɨn aven itir danganir koniba, ko mɨghsɨar bar pɨn itiba,a bar dagh atifa.5A uabɨ ongarim ko nguazimɨn ingari,ezɨ aning uaghan an bizimningra.6Ikiavɨra Itir God en ingari.Ia izɨ, e an boroghɨn mangɨ dapaniba avigh,teviba apɨrigh uari a danigh an ziam fam.7A uabɨra en God.E an gumazamiziba,E sipsipbar mɨn amimaa uabɨ e geghuva deragha en gari.Ia bar deragh an akam barakigh!8God kamagh ia mɨgɨa ghaze,“Ian inazir afeziaba fomɨra gumazamiziba puvatɨzir danganimɨn ikia,Meriban danganimɨn otogha, nan akam batoke.Me gɨn Masan danganimɨn ikia, uam akam batoke.Ia me amizir arazir kamɨn gɨn mangɨ uan navibar kuman markɨ.9Me guizbangɨra nan ingangarir gavgavibar gani.Egha nɨghnɨzir gavgavim nan itir puvatɨgha,nan gavgavim tuisɨgh fofoghasa nan azai.10Gumazamizir kabar naviba bar saghon ikia nan gɨn zuir puvatɨ.Tuavir kɨ me bagh atɨzim, me zurara a gitavɨrasi.Kamaghɨn, kɨ 40plan azenibar gumazamizir kabar anɨngaghe.11Kamaghɨn amizɨ, kɨ anɨngagheghakamaghɨn me mɨgɨa ghaze,‘Me nan aghuvsazir danganimɨn aven mangɨghan kogham.Bar puvatɨ!’ ”