Onger Akaba35msy_pbt
Gumazim uabɨn akurvaghasa God ko mɨgei
Devit onger akar kam osiri.
1O Ikiavɨra Itir God, gumazir nan atara na ko mɨsoziba,nɨ men atar me ko mɨsogh.2Nɨ dɨkavigh uan mɨdorozir biziba inigh,uan oramɨn suiragh izɨ nan akuragh.3Nɨ uan afuzim ko ghuaram inigh izɨgumazir nan agɨntɨziba ko mɨsogh.Nɨ na mɨkɨm suam,kɨ nɨn Akurvazir Gumazim!4Gumazir kaba na mɨsueghtɨ kɨ aremeghasava ami.Nɨ me abɨraghtɨ me aghumsɨkigh.Me na gasɨghasɨghasa akabav sosi.Nɨ men agɨntɨgh me damightɨme okam nɨghnɨgh.5O Ikiavɨra Itir God, amɨnim pipiabagh ivai da mɨgha zui moghɨn,nɨn ensel gumazir kurar kabar agɨntɨgh me batokegh.6Ikiavɨra Itir Godɨn ensel me batueghtɨ me mangɨ.Tuavir me zuir kam, an a damightɨ amɨnim an pɨrightɨa bar apɨghsigham.7Kɨ arazir kuratamɨn me gamizir puvatɨ,ezɨ me nan suighasa modogha azuazim atɨ.Torir kɨ magɨramim, me a gɨkuigha gɨfa.8Me foghan koghtɨ,nɨ me damightɨ, dughiar bar kuram me batogham.Me na gasɨghasɨghasava atɨzir azuazir kam,a meraram asɨghasɨgham.9Kɨ kamagh fogh suam,Ikiavɨra Itir God nan akuragha ua na ini.Eghtɨ kɨ uan navir averiamɨn aven bar akuegham.10Kɨ bar uan navir averiamɨn aven kamagh mɨkɨm suam,“O Ikiavɨra Itir God, gumazitam ua nɨn mɨn itir puvatɨ.Gumazamizir gavgaviba puvatɨziba, nɨ deravɨra men akurvasi.Gumazamizir onganarazibagh amiba, nɨ deravɨra me geghufi.Ezɨ gumazamizir gavgavir bar ekiaba itibame gasɨghasɨghasa amuava avenge.”11Gumazamizir ifariba, arazir kurar kɨ amir puvatɨziba bagha pura kotɨn aven akam na gasa na mɨgei.12Kɨ arazir aghuibara me gami, ezɨ me arazir kurabar na gami.Kamaghɨn amizɨ, kɨ uabɨra ikia nan navim bar oseme.13Me arer dughiabar, kɨ men apangkuva azirakar korotiaba aghua uabɨ abɨragha,me bagha dagheba ataghɨragha pamtem God ko mɨgei.14Kɨ me bagha God ko mɨgɨa, mati kɨ uan aveghbuam o namakam gɨnɨghnɨgha a bagha God ko mɨgei.Nan amebam aremezɨ kɨ an apangkuvigha a bagha aziagha rui moghɨn,kɨ me bagh azi.15Kɨ osɨmtɨzimɨn irɨzir dughiamɨn,me uari akuva na dɨpova na mɨgɨa bar akonge.Gumazamizir kɨ fozir puvatɨziba,me puram akaba na gasa na mɨgɨa ghuavɨra iti.16Me arazir bar kurabar gɨn ghua,osɨmtɨzim na garɨgha dɨbovir akabar na mɨgɨavɨra iti.Me na gifongezir puvatɨgha nan gara uan atariba kuskusi.17O Ekiam, nɨ dughiar bar ruarimɨn me mɨzua itima me kamaghɨram ami.Nɨ manadɨzoghɨn bizitam damuam?Nɨ nan akuragh ua na inightɨ, me ua na gasɨghasɨghan kogham.Me laionbar mɨn amua na mɨsosi,nɨ men dafaribar ua na inigh.18Nɨ kamaghɨn damightɨ, nɨn gumazamizir avɨriba uari akuvamin dughiamɨn,kɨ men tongɨn nɨ mɨnamam.Guizbangɨra, kɨ gumazamizir avɨribar tongɨn nɨn ziam fam.19Gumazamizir maba pura nan apanim gami.Nɨ me ateghtɨ me osɨmtɨziba na darɨgh na abɨnan markɨ.Men na bagha naviba pura men ikufi.Kamaghɨn, nɨ me ateghtɨ me osɨmtɨzir na garɨziba bagh,damaziba ighɨghirɨ na dɨpov bar akueghan markɨ.20Me tong igharaz darazi ko dabirabir aghuimɨn ikiasa mɨgeir puvatɨ.Me gumazamizir nɨmɨra ikia deragha nguibamɨn apiaghav itiba, baghauari akuva ikia, ifavarir akabagh amuame gasɨghasɨghasavɨra uariv gei.21Me pamten mɨgɨa akaba na gasa ghaze,“Bar guizbangɨra, e nɨn garinɨ arazir kurabagh ami!”22O Ikiavɨra Itir God, gumazir kamaghɨn amiba nɨ uabɨ men ganigha gɨfa.Ekiam, nɨ uan akam dukuagh ikian markɨ.Nɨ nan saghon ikian markɨ.23O Ekiam, nɨ nan God,nɨ osegh dɨkavigh izɨ,gavgavim isɨ nan akabar anɨng, egh na bagh mɨkɨm.24O Ikiavɨra Itir God, nɨ nan God, nɨn araziba da bar dera.Nɨ uan arazir aghuibar gɨn mangɨ nan akuraghtɨnan apaniba ganigh fogh suam, kɨ arazir kuraba puvatɨ.Nɨ me ateghtɨme nan osɨmtɨzimɨn gan bar akongeghan markɨ.25Nɨ men amamangatɨghtɨme kamagh mɨkɨman markɨ,“Bar dera! Bizir e damuasa bar ifongezim, an otogha gɨfa!E bar a gasɨghasigha gɨfa.”26Gumazir osɨmtɨzim na gatɨgha bar akongezir kaba,nɨ me damightɨ me okam nɨghnɨgh bar aghumsɨkigh.Me nan ziam abɨra uan ziaba fe.Nɨ men ziaba abɨn aghumsɨzim me danɨng.27Ezɨ gumazamizir maba kamaghɨn ifonge, nɨ na dɨpon suam kɨ nɨn damazimɨn dera.Gumazamizir kaba bar akuegh pamten dɨmɨva kamaghɨn mɨkɨm suam,“Ikiavɨra Itir God, a gavgavir ekiam iti.God kamaghɨn ifonge, an ingangarir gumazim deraghvɨra ikiam.Bizir kam bagh a bar akongegh.”28Eghtɨ kɨ nɨn arazir aghuibar gun mɨkɨm,egh dughiabar zurara nɨn ziam fɨmamaghɨra ikiam.