Godɨn Araziba bar dera, kamaghɨn e ziar ekiam a danɨngam
1E Ikiavɨra Itir Godɨn ziam fam!O Ikiavɨra Itir Godɨn ingangarir gumazamiziba,ia Godɨn ziam fɨ.2E bar moghɨra an ziam datɨrɨghɨn ko, gɨn sara a fɨmangɨvɨra ikiam.3E Godɨn gumazamizir aruem anadi naghɨn ikegh ghua aruem uaghiri naghɨn itiba,e bar moghɨra Ikiavɨra Itir Godɨn ziam fam.4Ikiavɨra Itir God, kantribar gumazamiziba bar me gativagha men garima,me an ziam fe.An gavgavim ko ziar ekiam bar ekeveghaoveriam gafiragha bar pɨn mar iti.5Ikiavɨra Itir God, a en God, gumazitam an mɨraram amir puvatɨ.An atrivir bar ekiamɨn ikia bar pɨn iti.Egha bar pɨn ikia overiam ko nguazim vɨrara vɨn beragha aningɨn gari.7A gumazamizir onganarazir nguazir mɨnemniabar tongɨn itiba, men akura.A gumazamizir biziba puvatɨgha averenimɨn tongɨn itir kaba,a iza me fe.8A gumazamizir kaba isa uan gumazamizibar gumazir dapaniba ko me atɨzɨ,me me ko apiaghav iti.9An amizir boriba batir puvatɨziba deragha me akɨrizɨ,me borir avɨriba bata bar akonge.E Ikiavɨra Itir Godɨn ziam fam!