1Ikiavɨra Itir God kamaghɨn mɨgei,“Ia Babilonia, ian aser kamning, Bel ko Nebo, ia aningɨn ziamning fava,egha aningɨn marvir guamning atera, aningɨn ziamning famin dughiar ekiabagh arui.Eghtɨ aningɨn ziar ekiamning gɨvaghtɨ, ia aningɨn gantɨ,aning uaningɨn akurvaghamin gavgaviba puvatɨgham.Egh apaniba izɨ Babilonɨn nguibar ekiam gasɨghasɨghtɨ, ia donkibar aning ikegham.Eghtɨ donkiba, mevzika, da ingangarir dafam damu, aning ater mangɨia ko kantrin igharazimɨn kalabusɨn ikiam.3“Ia Israelɨn ikiavɨra itir varazira ia oragh, ia Jekopɨn anabamɨn adarasi,ian amebaba ia batezir dughiamɨn, ian gumazamizir ikɨzir igiamɨn otivizir dughiamɨn ikegha iza datɨrɨghɨn,kɨ ia inigha ia atera, bar deravɨra ian gari.4Kɨ ian God, kɨ ian ganvɨra ikɨ mangɨ,ia bar ghurigh dapanir arɨzir ghurghuriba otivighamin dughiam otogham.Kɨ fomɨra uabɨ ian ingara ia gamizɨ, ia gumazamizir ikɨzir vamɨran oto,egh kɨ zurara ia aterɨva, ian gan ian akurvagham.5“Tinara nan mɨn gari? Puvatɨ.Kɨ gumazir manamra ko magh gari? Bar puvatɨ.Ia nan araziba, bar tinara ko da tuisɨgham? Bar puvatɨgham.Gumazitam kɨ amir araziba uaghan dagh amua kagh iti, o puvatɨ?Bar puvatɨ.6Gumazir maba marvir guabar ingarasa gol ko silvan bar avɨribar pozim mɨkɨra,dar osɨmtɨziba tuisɨsi.Egh me gol ko silvan bizibar ingarir fofozir gumazim givezeghtɨ,a me bagh marvir guabar ingaram.Eghtɨ me teviba apɨrɨva, an ziam fam.7Egh me marvir guar kam uan dɨpɨzibar afegh, aneter mangɨ,danganir me anesasa dɨkɨrɨzimɨn anesaraghtɨ, a mɨtɨghiv ikiam.Marvir guar kam uabɨ daru danganir igharazimɨn mangan kogham.Kamaghɨn amizɨ, a danganir me anetɨzir kamra iti.Egh gumazir an deibar dɨmdiaba ikarvaghan koghɨva,egh dughiar kurabar men akurvaghan kogham.Bar puvatɨ.8“Ia gumazir arazir kurabagh amiba,ia akar kɨ akurir kam, ia bar deravɨram a gɨnɨghnɨgh.9Egha kɨ fomɨram amizir biziba, ia ua dagh nɨghnɨgh.Kɨ uabɨra kɨ God, ezɨ ua godɨn tam ua itir puvatɨ.Kɨ uabɨra kɨ God, ezɨ ua godɨn tam nan mɨn itir puvatɨ.10Bizir tam tɨghar otivamin dughiamɨn, an otogh manmaghɨn gɨvagham,kɨ bizir kamɨn gun mɨgei.Kɨ bar fomɨra bizir otivambar gun mɨkeme,ezɨ gɨn bizir kaba kɨ mɨkemezɨ moghɨram otifi.Egh kɨ bizir manatam damusɨ ifongegh, kɨ puram a damuam.Eghtɨ kɨ damuasa ifongezir bizir kam, bizitam nan tuavim apɨrighan kogham.11Kɨ aruem anadi naghɨn itir gumazir mam izasa an diagha gɨfa,eghtɨ a isamɨn mɨn mɨghegh izɨ kɨ damuasa nɨghnɨzir bizibar amuam.Kɨ damuasa mɨkemezir bizir kaba, kɨ mɨkemezir moghɨra an adar amuam.Bizir kɨ damuasa mɨseveziba, kɨ dar amuam.12“Ia gumazir akaba barazir puvatɨziba, ia nan akam baragh.Ia ti ghaze, dughiar kɨ uamategh ian akuraghia iniasa mɨsevezim, a saghon ikiavɨra iti, a?13Bar puvatɨ. Nan akurvazim, a bar roghɨra izegha gɨfa.Eghtɨ kɨ ua mɨzuaman kogham.Israelia, kɨ zuamɨra izɨ ian akurvagh apanir ia abɨriba,kɨ bar puv me damightɨ, ia ua deravɨra ikiam.Egh kɨ uaghan Saionɨn nguibar ekiamɨn akurvaghtɨ, a deravɨra ikiam.Kɨ uan ziar ekiam ko gavgavim damightɨ,aning Israelia ian tongɨn azenim girɨgham.”