Hɔrɔya Suran19msc_pbt
1Nba, Isirayɛlikailu bɔra Refidima ka wa se Sinayi wula kɔndɔ. A karo sawana bɔra lon mɛn ii bɔni kɔ rɔ Misiran jamana rɔ, wo lon kelen ii sera Sinayi wula kɔndɔ. Ii ka ii daa makɛ koyinkɛ kɔrɔ wula kɔndɔ ye.3Musa yɛlɛra koyinkɛ kan, ka wa Alla labɛn. Allabatala tora koyinkɛ kun tɛma ka a fɔ Musa yɛ ko: «I ye kuma ɲin fɔ Yakuba bɔnsɔnilu yɛ, Isirayɛlikailu kɔnin. Ko:4‹Ai jɛrɛ ka a yen ko n ka ai labɔ Misiran ɲa mɛn ma ka ai ta ikomin bibi ye a denilu tala a kawa na ɲa mɛn ma, n ka ai Isirayɛlikailu ta wo ɲa le ma ka na ai ri n ma yan.5Sisen, ni ai ka ai raja ka n kumakan natelen ka n na teriya bonya, n ka mɛn sidi an tɛma, ai ri kɛ n na mɔɔilu ri, mɛnilu duman n yɛ ka tamin siya tɔilu bɛɛ kan. Hali wo dunuɲa bɛɛ ye n ta le ri,6Aile, Isirayɛlikailu, ai ri kɛ mansaya sarakalaselailu ri, jamana sɛniman mɛn ye nde yɛ.› I ye wa kuma wo fɔ Isirayɛlikailu yɛ.»7Musa jiira koyinkɛ la ka wa Isirayɛlikailu la mɔɔbakɔrɔilu kili. Allabatala ka kuma mɛnilu jamari a la, a ka wo bɛɛ lase ii ma.8Mɔɔ woilu bɛɛ ladɛnnin ka Musa jabi: «Allabatala ka mɛnilu fɔ, an di wo bɛɛ labato.» Musa wara mɔɔilu la jabili di Allabatala ma.9Allabatala ka a fɔ Musa yɛ ko: «N di na i ma banda do rɔ, sa n wa kuma i yɛ tuma mɛn na, mɔɔilu ri n kumakan mɛn ka la i la tuma bɛɛ.» Jama tun ka mɛn fɔ, Musa ka wo dantɛɛ Allabatala yɛ.10Allabatala ka a fɔ Musa yɛ ko: «I ye jii ka i kɔsɛ mɔɔilu ma, ka a fɔ ii yɛ ko bi a ni sini ii ye ii jɛrɛ sɛninya. I ye a fɔ ii yɛ ko ii ye ii la faanin fanan ko.11Ii ye ban ii rabɛnna sani sinikɛndɛ tɛ, baa sinikɛndɛ n di jii Sinayi koyinkɛ kun na mɔɔ bɛɛ ɲana.12I ye dan bila koyinkɛ laminin fan bɛɛ rɔ, ka a fɔ mɔɔilu yɛ ko ii ye a kɛ koɲuma, ii kana yɛlɛ koyinkɛ kan. Ii kana se koyinkɛ ma muumɛ. Mɔɔ mɔɔ wa se koyinkɛ ma, a ri faa!13Mɔɔ si kana a bolo maa mɔɔ wo la. Ii ye a ton kaba la ka a faa. Ni wo tɛ, ko ii ye a bon biɲɛ la ka a faa. Mɔɔ wo, kolofen wo, ni mɛn ka tɔn wo tiɲan, ii kana wo tii kɛndɛ to. Ii wa buru fɛ kan ba mɛn tuma mɛn na, ii ri se i madonna koyinkɛ la.»14Musa jiira ka bɔ koyinkɛ kan ka wa a fɔ mɔɔilu yɛ ko ii ye ii jɛrɛ sɛninya. Ii ka ii la faaninilu fanan ko.15Musa ka a fɔ ii yɛ ikɔ tuunnin ko: «Ai ye ban ai jɛrɛ rabɛnna sani sinikɛndɛ. Ai ni ai musoilu kana dɛn tele fila ɲin kɔrɔ.»16Nba, lon mɛn fɔni, wo lon telebɔ mɛn kɛni, banda a sankulu kan bɔra, sanfɛrɛnilu jiira fanan. Bandafin jiini tɛrɛ koyinkɛ kun dɔ. Buru fɛ kan ba do bɔra. Wo kɛni, mɔɔilu bɛɛ silanda kojuuya fɔɔ ka yɛrɛyɛrɛ daa makɛ diya ye.17Musa lɔra jama bɛɛ ɲɔrɔ ka bɔ daa makɛ diya ka wa Alla labɛn. Ii wara i lɔni koyinkɛ wo kɔrɔ.18Sinayi koyinkɛ fan bɛɛ kɛra sisi ri, baa Allabatala tun ni ta le jiira i ɲɔɔn fɛ koyinkɛ kun tɛma. Sisi ba tɛrɛ ye yɛlɛla ikomin fuuru. Koyinkɛ yɔrɔ bɛɛ yɛrɛyɛrɛra kojuuya.19Buru fɛ kan tora bonyala. Musa tɛrɛ ye kumala a ni Alla fanan tɛrɛ ye a jabila a kan na.20Allabatala jiira Sinayi koyinkɛ kun tɛma. A tora koyinkɛ kun tɛma ye ka Musa kili. Musa yɛlɛra.21A seni ye, Allabatala ka a fɔ a yɛ ko: «I ye jii ka i jaseremala mɔɔilu yɛ, sa ii kana tamin dan wo la ka na nde Allabatala ragbɛ. Ni wo tɛ, ii siyaman di faa.22Hali Alla sarakalasela mɛnilu ye ii madonna nde Allabatala la, fo ii ye ii jɛrɛ sɛninya le fɔlɔ. Ni wo tɛ, n di ii faa.»23Musa ka Allabatala jabi: «Mɔɔilu tɛ sɔnna yɛlɛla Sinayi koyinkɛ kan yan, baa i jɛrɛ ka i jaseremala an yɛ ko an ye dan kɛ koyinkɛ laminin dɔ ka koyinkɛ bɛɛ kɛ yɔrɔ sɛniman di.»24Allabatala ka a fɔ a yɛ ko: «I ye jii ka wa Haruna ta ka na a ri yan, kɔni Alla sarakalaselailu ni mɔɔ tɔilu kana tamin dan kan, ka yɛlɛ, ka na nde Allabatala ma de! Ni wo tɛ, n di ii faa.»25Musa jiira wo rɔ, ka wa mɔɔilu tɛrɛn ye ka kuma wo fɔ ii yɛ.