Zekaria1
1Persia pren kowi Darius chowm mang mih pre ning hown raiat la khe risi Zekaria tut-e CHAKRAMANG laiklow uang towm khai. Zekaria dow Berekia kowh chapa chekhai, Berekia dow Ido kowh chapa chekhai.2Zekaria kowi CHAKRAMANG tek pe mih, “Enni pipu-uüa luk kowi lainowmma ang kunmarau khai.3Naiawng rakowi en matia chenchapuüa kowi kowtek pe dit, ang lang kri lang kraing mih CHAKRAMANG tek khowk; ang prakowi pauang plan büa lah. Ang prakowi che enni uang plan now ang paw enni prakowi nauang plan dang kown.4Enni pipu-uüa iawng hang uowi büa diah. Enni pipu-uüa kowi lup ngak hown akiang ngak natowta kownkow alai kowh risiuüa hown ang kowphuang pe khowk chowdiah; tawkchedow chün büah dowi, ang laiklow mih sünta kown khowm nau büah dowi chekhai.5Nami khin khe kowh enni pipu-uüa tawng kowi chow kawmat? Alai kowh risiuüa chowngchowng saksakma tawi uowila enni tak bow?6Tawkchedow alai kowh ang kowh lup chang miuüa, krawi tek ang laiklow miuüa hown ang pring hawiah khowk chowdiah. Naiawngün ang kowh laiklow hai ari arow enni pipu-uüa chün dowi rakowi ka ripra khai. Nami khin khe dow tarip büah hanow, ‘A-i kowh chowm krang uowi krang iawng hai a-i kowh akiang krang powm iawng nape a-i kown pahai lang kri lang kraing mih CHAKRAMANG tekta iawng a-i luk kowi aia chang khai nowm,’ pabüah khai,” pape khai.7Darius chowm mang mih pre ning hown lailowk la (Hebraiuüa tek pe “Shebat” la mih) pirmi laitali ni khe Berekia chapa risi Zekaria tut-e CHAKRAMANG laiklow mih uang ting khai iawk.8Risi Zekaria tek mih: Uar-e ang khi mukmang lowk. Mukmang kowi maru powm iawng kramamu lowk ia mih kawrnga aringma mih luk kowi chowm mih ang khi khai. Nami kawrnga dow lawngrawi kowi kowh naingsa singh krüa kowi iowng phülü khai. Aiamat kung kowi dow aboma mih, arikma mih hai akawma mih kawrnga ün uowi khai.9Now ang hown kowh taklang mih kramamu uowi lowk ia, nami kowi ang tek pe mih, “Aw chakramang, pai iawngün kawrnga kowi kowh chowm miuüa mia chow?” pakhai. Now aia dow, “Ang tek en sow,” padow klang ang khai.10Now aram nam iungma mih singh plum takra kowi kawrnga hown kowh iowng mih CHAKRAMANG kowh kramamu tek ang mih, “Palusama kowi nakrawi mü kownkow pai iawngünuüa kowi CHAKRAMANG chinah mih chowbowt,” pakhai.11Nami khin khe nami kramamu kowi akeng mih kawrnga kowi kowh kramamu-uüa uang tek pe mih, “Palusama kowi anging cham krawi len khowk, now palusama thaulangma uowi mih anging khi khai,” pape khai.12Nakhowk khe CHAKRAMANG kowh kramamu tek mih, “Aw lang kri lang kraing mih CHAKRAMANG, Jerusalem marow hai Juda pren kowi kowh akeng mih marow maten luk kowi ranitkawm ning khowk en kunmarau mih tawng khe tak chow amatni kowi en sanaah kown?” pakhai.13Nami khin khe ang hown kowh taklang mih kramamu kowi sakklamra hai lai iung ahuma CHAKRAMANG tek pe khai.14Naiawng rakowi nami kramamu tek ang mih: Mami laiklow kowkrawi phuang diah, lang kri lang kraing mih CHAKRAMANG tek mih, “Jerusalem kowi kowh Zaiawn maru-uüa kowi lainowmma ang saksingah khai.15Tawkchedow asowrma uowi mih akeng prenchakuüa luk kowi lainowmma ang kunmarau khai. Tawngplawng kowchow panow ang maru-uüa kowi ang ripah ditchow mih khin khe amatni dow ang maru-uüa kowi amaisang uang hing piakta khai.16Naiawng rakowi Jerusalem marow luk kowi sanaah kownkow ang nauang plan iawk kown. Jerusalem marow kowi dow asar hai nathawpah iawk kown; nahanow nakowi dow ang matia kowh kim chimsaima mih nathawpah iawk kown,” pakhai.17Mami paw kramamu pe tek ang khai: Lang kri lang kraing mih CHAKRAMANG tek mih, “Ang takham khowk; ang kowh Juda pren kowi kowh marow maten kowi iungra nave iawk kown. Zaiawn marow kowi ang napeah sakklamra iawk kown; Jerusalem marow kowi ang nalang kloah iawk kown,” pakhai.18Nami kung kowi dow ang tang mü hanow ang khi nang tali klüng khai.19Now ang hown kowh taklang mih kramamu kowi ang lüntaah mih, “Pai iawngün auan tawng chow?” pakhai.
Now aia dow klang ang mih, “Pai iawngün dow nang chekhai. Pai iawngün nang dow akeng prenchakuüa kowh kür chekhai. Juda, Israel hai Jerusalem maru-uüa kowi kür hown cham uetah now akeng pren kowi cham pe uowiah nar mih dow pai iawngün nang chowbowt,” pakhai.
Nami kung kowi dow CHAKRAMANG tüng ang laksma tali ia khai. Now kramamu kowi ang plan lüntaah mih, “Tawng chow kowbüah uang chang?” pakhai.
Now aia klang ang mih, “Kowbüah dow laksma chekhai. Kowbüah dow nang tali klüng mih kowi natüng pe kramra kownkow hai napiakta kownkow uang mih chekhai,” pakhai.
Now aia dow klang ang mih, “Pai iawngün dow nang chekhai. Pai iawngün nang dow akeng prenchakuüa kowh kür chekhai. Juda, Israel hai Jerusalem maru-uüa kowi kür hown cham uetah now akeng pren kowi cham pe uowiah nar mih dow pai iawngün nang chowbowt,” pakhai.
Nami kung kowi dow CHAKRAMANG tüng ang laksma tali ia khai. Now kramamu kowi ang plan lüntaah mih, “Tawng chow kowbüah uang chang?” pakhai.
Now aia klang ang mih, “Kowbüah dow laksma chekhai. Kowbüah dow nang tali klüng mih kowi natüng pe kramra kownkow hai napiakta kownkow uang mih chekhai,” pakhai.
The Seed Company