Meng Lai92
Tanai Ni khe kowh natekah kown mih meng.
1Aw CHAKRAMANG, lang kri lang kraing mih Thurai,hamüt iang mih tingteng tün hai prui tün hownnatek en awmrawm lai kown mih,en ming kowi natek rowsi meng kown mih,rau towng en kowh achur uowi dowi mih sakrau laiklow natek kown mih,iak towng en kowh kaah sakowm mih laiklow naphuang kown mih,naiawngün dow lainowmma iung chekhai.4Aw CHAKRAMANG, en kowh kri kraingma mih lup dow pe ang awmrawmra khai,en changah mih lup maten vüi kowi ang natek en awmrawm meng reng kown.5Aw CHAKRAMANG, en kowh lup maten dow kri kraing lai kowbow!now en kowh saktuak dow büp lai kowbow!6Naiawngün dow abualama mih maru tuk dowi chekhai,aiung angak tukra uowi dowi mih maru dow naiawngün tuk dowi chekhai.7Maru ngakuüa dow pram iawng alenma awr sa reng,chang lup ngak miuüa dow amatni kowh lup hown chawn reng chekhai.Tawkche amatni dow chowngchowng saksakma vüi asaima napiak kown.8Nachenganchepaw en dow chowngchowng saksakma anging bowkbowk kowi nakruitown reng kown.9Aw CHAKRAMANG, en kowh ransu-uüa dow napiak bowk kown,chang ngak mih maru-uüa dow nakrawi taset plawt kown.10En dow chiarowngla iawng akürma chang ang khai,aiungma mih sau hown en nümnap ang khai.11Ang kowh ransu-uüa sum mih dow ang matia mik hown ang khi khowk;kingküa ang miuüa kowh kar klow dow ang matia param hown ang ta khowk.12Thurai kowi ringkaw miuüa dow chekmarawng singh iawng awr iuk awr sown reng,amatni dow Lebanawn hungh kowi kowh sidar singh iawng awr sah reng chekhai.13Amatni dow CHAKRAMANG a-i kowh Thurai kim kowi kowh chowkah mih singh iawng,amatni dow aia kowh viadawng kowi awr iuk awr sown reng chekhai.14Lawngtang khe paw amatni dow uih pau reng,amatni dow akhawtma hai aram keu dowi mih singh iawng chekhai.15Amatni dow en lawnguan kowi natek kown mih,“CHAKRAMANG dow anowmma chekhai,aia dow ang kowh Singku Huamang chekhai,aia tut-e dow tawng iawng mih angak uowi dowi chekhai,” napa kown.The Seed Company