Meng Lai129
Mami dow Thurai chup kim kowi kowkowi khe kowh meng chekhai.
1Israel dow maiawng pacham tek lah,“Asowmchow hownia ransu-uüa dow lainowmma chang ang nowng khai.2Amatni dow asowmchow hownia lainowmma chang ang nowng khai.Nachenganchepaw amatni dow nowng sum ang dowi chekhai.3Amatni dow ka ma pat kumlawng kowi bawp ang khai,ang kowh ma büp krang dow laithawn tim hown kowh laithawn ia iawng towbowt.4Nachenganchepaw CHAKRAMANG dow achinawmma chekhai,aia dow maru ngakuüa rut hownia uang klan ang khai,” pahai pacham tek lah.5Zaiawn kowi sui miuüa dow pacham ka rukrai lah,now amatni dow kung prakowi pacham plan lah.6Kimluk kowi kowh awm mih bawrchak dow awr sa dowi rawn keu reng,nami iawng amatni paw akhin nadowi khe pacham piak reng lah.7Nami bawrchak dow laih chang miuüa krawi ngenah dowi chekhai,now nami bawrchak dow nungra kowi paw amiapaw pawla dowi chekhai.8Zaiawn kowi kowh ransu-uüa ria iawng mang miuüa dow,“CHAKRAMANG pacham pe enni prasi lah;CHAKRAMANG dow pacham pe enni iungra lah,” pahai natek kown nadowi.The Seed Company