Meng Lai126
Mami dow Thurai chup kim kowi kowkowi khe kowh meng chekhai.
1Nar kowi takhangra hownia CHAKRAMANG dow Jerusalem marow kowi uang plan pawla anging khai.Nami dow khi mang mih iawng chekhai.2Nakhowk khe anging dow awmrawm kowh renla sawm khai,now anging tek awmrawm meng khai.Nakhowk khe akeng chenchapuüa dow tatek mih,“CHAKRAMANG dow kowbüah vüi kri kraingma mih lup ahuma chang pe khai,” pakhai.3CHAKRAMANG dow anging vüi kri kraingma mih lup chang anging khai.Naiawng rakowi anging dow lainowmma piaw khai.4Aw CHAKRAMANG, alai khe kowh iawng uang plan pe anging iungra diah,Negeb süngrüp süngkangma kowi tui hawr iawng aiungma plan chang anging diah.5Hawkla mik tui se sawt liu miuüa dow nangen luprak kown;amatni dow apiawma hown nangen luprak kown.6Kar se sawt liu mih maru dow apiawma nangen luprak kown;aia dow apiawma hown aia kim kowi napawla luprak kown.The Seed Company