Meng Lai122
Mami dow David kowh meng chekhai. Mami dow Thurai chup kim kowi kowkowi khe kowh meng chekhai.
1“Chu, CHAKRAMANG kim kowi a-i kowkowi lah,”pahai maru tek ang khe lainowmma ang awmrawm khai.2Aw Jerusalem, en tapplawt lak kowi anging uang kup khai,now nakowi dow anging uang iowng khai.3Jerusalem marow dow klangiungma thawpah khai,nami marow dow akhawtma thawpah khai.4Nami marow kowi dow Israel chenchap maten kowkowi khai,now CHAKRAMANG kowh maru maten paw nakowi kowkowi khai.Nakowi amatni kowkowi mih dow Israeluüa kowi peah ana iawngCHAKRAMANG kowi nakowtek pe awmrawm lai kownkow chekhai.5Nakowi dow chetla tara reng mih mang chowm rah maten uowi bowk chekhai,nami mang chowm rah hownia David krungchakuüa kowi dow chet pe tara reng chekhai.6Jerusalem marow thaulangma nauowila kownkow maiawng chup Thurai büa diah,“Jerusalem marow kowi sakrau miuüa dow aiungma pauowi lah.7Jerusalem marow tap lak kowi kowh uowi miuüa dow thaulangma pacham uowi lah,now mang kimkrowng kowi kowh uowi miuüa tut-e paw phih hang pacham uowi lah,” pahai tek büa diah.8Ang tainau-uüa hai auiuauüa kowi tuakla se ang natek kown mih,“Jerusalem marow kowi dow thaulangra pacham uowi lah,” napa kown.9CHAKRAMANG anging kowh Thurai chup kim dow Jerusalem marow kowi uowi chekhai,ang dow Jerusalem marow iung müa vüi ang nalü prasi reng kown.The Seed Company