Nahum2
1Aw Ninevi, nauang sen en kownkow ransu-uüa uang tarü khowk.Naiawng rakowi nadowk tasen kownkow kamrüt diah.En kowh siphai hawmh kowi kuaah lawmah diah;kangchawngra kimkrowng akhawtma mih kowi tow siphai diah,now tiama lengkawng kowi ün tow kangchawng mih diah.2Israeluüa kowh pren dow maru akhaw aklaima ransu-uüa changah khai,amatni kowh grep krum dow ransu-uüa piakta pe nak khowk chekhai.Nachenganchepaw kawmat dow alai kowh kraingra Israeluüa kowi CHAKRAMANG napeah iawk kown.3Aw Ninevi, en kowh ransu siphaiuüa dow nauang dowk tasen kownkow kamrüt thüm khowk;amatni dow aringma mih kawngma dowkla se uang tarü khowk.Amatni dow tawnguat aringma kangowh uang khupla khai;amatni kowh kawrnga kari kowi kowh lawngha dow tawk pluplup khai,now amatni dow ui reh prungrung khai bowt.4Amatni kowh kawrnga kari dow marow kowi uang kup khai bowt,amatni dow tiama towng kowi krawi lünla prung khai.Amatni kowh tasen müa rutchün khawkleng dow maitawng iawng tawkla plup khai,amatni dow aiowm len krang pla nowi khe kowh iawng chekhai.5Nakhowk khe enni kowh mang dow aia kowh siphai aluchowuüa kowi hawah khai,now aia kowh siphai aluchowuüa dow sakkrowng lai kowh takhum taphet prang uang iowm khai.Amatni dow marow tap prakowi kowiowm khai,now marow tap khue müa uanh kowpawla büah khai.6Nachenganchepaw aw pang kowi kowh tapplawt ün dow ransu-uüa khueta khai bowt,amatni dow naiawngün hownia uang kup hanow uang piak mang kim khai bowt.7Masiuüa mang kowi dow klüpta pe tawnguat khai bowt,aia kowi dow khümla now pawla khai bowt.Aia kowh narmauüa dow kaurawng uatur iawng ngukla run khai,amatni dow sak kowi rau lai kowh ti downgprang durlur khai.8Ninevi marow dow akhuema kowh tui hawr iualua mih kanh iawng chekhai,aia kowh maru iukuüa dow, “Iowng diah, iowng diah,” pahai krawi town maru khai.Nachenganchepaw amatni kowh maru-uüa dow miapaw kung pra ngeu dowi chekhai.9Amatni kowh ransu-uüa tatek mih, “Kuh hai tai paw büah, paw büah.Asung khakma mih uanh uowi bümma lowmow, paw büah, paw büah,” pakhai.10Ninevi marow kowi kowh dawngthawnguan maten dow ransu-uüa pawta bowk khowk;nami marow dow piakta nak hanow akhaw aklaima towla hüah khowk.Aia maru-uüa kowh dow sak nen bowk khowk,amatni kowh dow kungh chürla kluk khai.Amatni kowh dow kow kür uowi dowi bowt chekhai,amatni dow kram lai bowt kowh müakangma phaw bowk khowk.11Naiawng phaw kung kowi dow maru nata tek kown mih,“Krangsi khawng iawng thaulangma mih uowi rah marow kawmat tawng kowi chow?Nakowi dow amatni kowh chu chauüa kowi thaulangma peah chakkham reng chekhai,now nakowi mih krangsi iawng masiuüa, kachakuüa hai amatni kowh chauüa thaulangma uowi reng chekhai.12Ninevi mang dow achauüa chak müa alawkma krawi mak chak reng mih krangsi iawng chowdiah;aia dow krangsima vüi ahuma krawi mak chak reng mih krangsila iawng chowdiah,now aia dow krawi mak chak hanow aia uowi rah kuam kowi tow chak mih krangsi iawng chowdiah,” napa kown.13Lang kri lang kraing mih CHAKRAMANG tek mih,“Aw Ninevi marow, ang mih en kowh ransu chekhai;en kowh kawrnga kari ün ang natowkta en bowk kown,now en kowh akürma mih klanguüa hawmh kowi tasenra kowi ang nasaita kown.Mami lusa kowi mia kowi paw en nanowng kown nadowi bowt,now en kowh satang phowng miuüa akeng chenchapuüa kowi tasen lawng hown krawi ia krawk kown nadowi bowt,” pakhai.
The Seed Company