Jawb1
1Uz pren kowi Jawb pami maru uowi lowk ia. Aia dow achinawmma hai anowmma mih maru chekhai. Aia dow Thurai kowi ringkawma hown kram mih hai chang lup ngak dowi mih maru chekhai.2Aia kowh dow chapa uowi ranit ia hai chama uowi sum ia chekhai.3Nami klen kowi aia kowh tawncher ün paw ruapur 7,000 pum, ut 3,000 pum, chiala 500 chum hai kawrngaramchükma 500 pum uowi chekhai. Now aia kowh narla narma paw akawmma chekhai. Satlawt pra kowh prenchakuüa pungmadawng kowi lang kureng mih dow aia towbowt chekhai.4Aia kowh chapauüa dow tavir lutlut amatni chowlowkkow kim kowi chakkham pawi kamrüt büah reng. Now amatni kowh tuamow sum ia kowi paw amatni hown nauang tawi taiua cha chakkham kownkow kowchin pe maru hanow hawla büah reng chekhai.5Amatni kowh chakkham pawi ki sun kung kowi a-pa Jawb mih amatni kowi hawah reng chekhai. Now aia dow murpa awr rü hanow achauüa kowi nachimsaiah kownkow chang pe tikah mih uanap pawi reng chekhai. Tawngplawng kowchow panow aia tatuak mih, “Ang chauüa changta ngak khai chepaw naia, now sak hownia Thurai kowi tek naklak khai chepaw naia,” pakhai. Jawb dow naiawng atungma chang reng chekhai.6Akat khe kramamu-uüa mih CHAKRAMANG pur kowi uang takua talawm khai, now Setan paw amatni hown uang tawi takua talawm khai.7Nakhowk khe CHAKRAMANG tek pe Setan mih, “Tawng hownia chow en uang?” pakhai.
Now CHAKRAMANG kowi Setan klangah mih, “Lusa kowi iupra lai paipra lai cham krawi lenla kowh ang uang mih chowbowt,” pape khai.8CHAKRAMANG plan tek pe Setan mih, “Ang kowh nar Jawb prakowi en tang mü tak bow? Lusa kowi aia iawng mih miapaw uowi dowi chekhai. Aia dow achinawmma hai anowmma mih maru chekhai. Aia dow Thurai kowi ringkawma hown kram mih hai chang lup ngak dowi mih maru chekhai,” pakhai.9Nakhowk khe CHAKRAMANG kowi Setan tek pe mih, “Jawb ringkaw en mih hai kram en mih aiawnglowma snü bow?10Aia hai aia kowh kimchakuüa kowi hown aia kowh dawngthawnguan kowi atungma en mingkhet pe reng chekhai. Aia changah mih lup kowi dow en peah prasi reng chekhai. Naiawng rakowi aia kowh tawncher ün dow pren kowi tangia khai bowt.11Tawkche aia kowh uowi mih maten kawmat sam piakta pe bowk madiah. Nahanow aia mih en pur kowi nape en piati kown,” pakhai.12Nakhowk khe Setan kowi CHAKRAMANG tek pe mih, “Ow, aia kowh uowi mih maten napawta pe kown mih ana ang peta en khowk. Tawkche aia buk kowi bütchow khowm en naia kak kown nadowi,” pakhai. Nami kung kowi dow Setan mih CHAKRAMANG pur hownia powt khai.13Akat khe Jawb kowh chauüa dow ataimow kim kowi cha chakkham hai kham grep tui khai.14Nami khin khe Jawb kowi nauang phowng pe satang kownkow maru uang lowk ia khai, now nami maru tek pe mih, “En kowh chiala hawmh thawn laih chowdiah, now kawrngaramchük hawmh paw aria kowi taw chak chowdiah.15Nami khin khe Sebea chenchapuüa mih uangah hanow naiawngün tawncher maten pawla bowk khai. Now en kowh naruüa kowi paw saila bowk khai. En kowi nauang phowng en satang kown mih ang towbowt ta plai,” pakhai.16Nami satang phowng mih tek lai reng tak khe maru uang plan ting lowk ia khai. Nami maru tek pe Jawb mih, “Mukuang hownia Thurai kowh maih mih uang kla hanow en kowh naruüa kowi hailawm ruapur hai rua hawmh kowi uang kamta bowk khai. En kowi nauang phowng en satang kown mih ang towbowt ta plai,” pakhai.17Nami maru tek lai reng tak khe maru uang plan ting lowk ia khai iawk. Nami maru tek pe Jawb mih, “Kaldaiuüa mih uang sum thum hanow en kowh ut mih pawla bowk khai, now en kowh naruüa kowi paw saila bowk khai. En kowi nauang phowng en satang kown mih ang towbowt ta plai,” pakhai.18Nami maru tek lai reng tak khe maru uang plan ting lowk ia khai iawk. Nami maru paw Jawb kowi tek pe mih, “En kowh chapauüa mih ataimow kim kowi cha chakkham hai kham grep tui thüm chowdiah.19Nakhowk khe süngrüp süngkangma hownia li akürma uang hanow kim mih uang piakta khai. Nami kim dow amatni luk kowi uang dowh hanow kowng büah bowk khai. En kowi nauang phowng en satang kown mih ang towbowt ta plai,” pakhai.20Nami laiklow tata hanow Jawb mih awr rü khai bowt. Now sak kowi rau lai kowh aiamat kowh tawnguat mih thekah kruang khai, now aia kowh sam paw khaita khai. Nami kung kowi aia dow krawng kowi tabawkah krawm se ringkawma hown Thurai kowi tek pe mih,21“Ang uang dia khe tawngpaw ang uang pawla dowi chekhai; ang mang khe paw tawngpaw ang napawla kown nadowi. Ang kowh dawngthawnguan pe ang mih dow CHAKRAMANG chowtaih, now pawta mih paw CHAKRAMANG chowtaih. CHAKRAMANG dow akiow pacham uowi lah,” pakhai.22Naiawng phaw chenganchepaw Jawb dow chang angak dowi chekhai, now Thurai kowi paw peah ngak dowi chekhai.
Now CHAKRAMANG kowi Setan klangah mih, “Lusa kowi iupra lai paipra lai cham krawi lenla kowh ang uang mih chowbowt,” pape khai.8CHAKRAMANG plan tek pe Setan mih, “Ang kowh nar Jawb prakowi en tang mü tak bow? Lusa kowi aia iawng mih miapaw uowi dowi chekhai. Aia dow achinawmma hai anowmma mih maru chekhai. Aia dow Thurai kowi ringkawma hown kram mih hai chang lup ngak dowi mih maru chekhai,” pakhai.9Nakhowk khe CHAKRAMANG kowi Setan tek pe mih, “Jawb ringkaw en mih hai kram en mih aiawnglowma snü bow?10Aia hai aia kowh kimchakuüa kowi hown aia kowh dawngthawnguan kowi atungma en mingkhet pe reng chekhai. Aia changah mih lup kowi dow en peah prasi reng chekhai. Naiawng rakowi aia kowh tawncher ün dow pren kowi tangia khai bowt.11Tawkche aia kowh uowi mih maten kawmat sam piakta pe bowk madiah. Nahanow aia mih en pur kowi nape en piati kown,” pakhai.12Nakhowk khe Setan kowi CHAKRAMANG tek pe mih, “Ow, aia kowh uowi mih maten napawta pe kown mih ana ang peta en khowk. Tawkche aia buk kowi bütchow khowm en naia kak kown nadowi,” pakhai. Nami kung kowi dow Setan mih CHAKRAMANG pur hownia powt khai.13Akat khe Jawb kowh chauüa dow ataimow kim kowi cha chakkham hai kham grep tui khai.14Nami khin khe Jawb kowi nauang phowng pe satang kownkow maru uang lowk ia khai, now nami maru tek pe mih, “En kowh chiala hawmh thawn laih chowdiah, now kawrngaramchük hawmh paw aria kowi taw chak chowdiah.15Nami khin khe Sebea chenchapuüa mih uangah hanow naiawngün tawncher maten pawla bowk khai. Now en kowh naruüa kowi paw saila bowk khai. En kowi nauang phowng en satang kown mih ang towbowt ta plai,” pakhai.16Nami satang phowng mih tek lai reng tak khe maru uang plan ting lowk ia khai. Nami maru tek pe Jawb mih, “Mukuang hownia Thurai kowh maih mih uang kla hanow en kowh naruüa kowi hailawm ruapur hai rua hawmh kowi uang kamta bowk khai. En kowi nauang phowng en satang kown mih ang towbowt ta plai,” pakhai.17Nami maru tek lai reng tak khe maru uang plan ting lowk ia khai iawk. Nami maru tek pe Jawb mih, “Kaldaiuüa mih uang sum thum hanow en kowh ut mih pawla bowk khai, now en kowh naruüa kowi paw saila bowk khai. En kowi nauang phowng en satang kown mih ang towbowt ta plai,” pakhai.18Nami maru tek lai reng tak khe maru uang plan ting lowk ia khai iawk. Nami maru paw Jawb kowi tek pe mih, “En kowh chapauüa mih ataimow kim kowi cha chakkham hai kham grep tui thüm chowdiah.19Nakhowk khe süngrüp süngkangma hownia li akürma uang hanow kim mih uang piakta khai. Nami kim dow amatni luk kowi uang dowh hanow kowng büah bowk khai. En kowi nauang phowng en satang kown mih ang towbowt ta plai,” pakhai.20Nami laiklow tata hanow Jawb mih awr rü khai bowt. Now sak kowi rau lai kowh aiamat kowh tawnguat mih thekah kruang khai, now aia kowh sam paw khaita khai. Nami kung kowi aia dow krawng kowi tabawkah krawm se ringkawma hown Thurai kowi tek pe mih,21“Ang uang dia khe tawngpaw ang uang pawla dowi chekhai; ang mang khe paw tawngpaw ang napawla kown nadowi. Ang kowh dawngthawnguan pe ang mih dow CHAKRAMANG chowtaih, now pawta mih paw CHAKRAMANG chowtaih. CHAKRAMANG dow akiow pacham uowi lah,” pakhai.22Naiawng phaw chenganchepaw Jawb dow chang angak dowi chekhai, now Thurai kowi paw peah ngak dowi chekhai.
The Seed Company