Jeremia49
1Amawnuüa lawnguan kowi CHAKRAMANG tek mih,“Israel kowh chapa uowi dowi bow?Aia kowng kung kowi aia kowh dawngthawnguan powng mih miapaw uowi dowi bow?Tawngplawng kowchow Gad krungchak kowh süng Milkawm thurai chupiia miuüa tuk powngta pe khai?Tawngplawng kowchow nakowi kowh marow kowi krawi tuk uowi büah khai?2Sünta, Amawnuüa kowh Rabba marow kowi ang nasenah kown mih khin uang ting khowk.Nakhowk khe dow nami marow mih apiaknama nauowi kown.Aia riaret kowi kowh kua ün ang natowkta pe kown.Akung kowi Israeluüa kowi prütah miuüa kowi dow Israeluüa naprütah kown.Ang CHAKRAMANG mami laiklow ang tek khowk.3“Aw Hesbawn, kar hai nguk diah.Tawngplawng kowchow panow Ai marow mih tapiak khai bowt.Rabba marowchakuüa low, kar büa diah,khup sala uan hanow uowila uiting uangtak büa diah.Ka achang uan dowi bowt rakowi mami tap howniapaimi tap mowr chi krawi iowm büah diah.Tawngplawng kowchow panow en kowh thurai Milkawm kowi dow alakma mih pren kowi nacham pawla kown,now aia kowh uamowuüa hai maru iukuüa kowi paw napawla kown.4En dow en kowh asi uowima mih lawngrawi rakowi en chang bawri khai.Tawkche nami dow nalüa piak kown.Aw kaah sakowm dowi mih chama, en kowh dawngthawnguan luk kowi en owmsak se en tek mih,‘Mia chow uang nowng sen ang kown?’ pakhai.5Ang mukuang siphaiuüa kowh CHAKRAMANG tek khowk,en tavir lut uowi miuüa maten hownia lainowmma ang nauang pawla en kramra kown.Enni bowkbowk kowi ang naprütta enni kown,powt miuüa kowi nakrawi kuaah kown mih maru miapaw nauowi kown nadowi.6Nachenganchepaw akung kowi dow Amawnuüa mih naiung iawk kown;amatni kowi dow aiungma ang natowah iawk kown,” pakhai.7Edawmuüa lawnguan kowi mukuang siphaiuüa kowh CHAKRAMANG tek mih,“Teman kowh chanlaira uowi dowi bow?Prengia chakma miuüa kowh prengia iung laiklow chur khai bowt bow?Amatni kowh chanlaira khowk khai bowt bow?8Esau chuprek chaprekuüa low, kung prakowi plan powt büa diah,now cham tapet büa diah.Tawngplawng kowchow panow Esau krungchak kowi ang naripah kown;nami khin khe aia luk kowi paw ang nauang pawla pe phih kown.9Grep uih klek miuüa en tut-e uang e dow amatni mih ta towla grep uih ne dowi tham bow?Uar-e khe kuk miuüa uang ku e dow amatni nau mowr taih nadowi bow nakula kown?10Nachenganchepaw Esau krungchak kowh süng dow akhaw aklaima ang natowla pe kown,Amatni naia tapetla dowi kownkow amatni kowh pren dow aplitsurma ang nachang pe kown.Aia kowh krungchakuüa, tasin taken miuüa hai kimping namkhetuüa dow napiak kown,amiapaw nata lat kown nadowi.11Enni mih saratchow chauüa kowi ta towla büa diah,amatni kowi dow ang natakhula kown.Enni kowh mamaimowuüa paw ang luk kowi pacham neplawng nesak lah,” pakhai.12CHAKRAMANG tek mih, “Ka ripra kown tataing dowi mih khowm ka ripra hanow tawngplawng kowchow ka ripra dowi matchang en nauowi kown chow? En dow nami ripra bia nakham ngengche kown takla.13Ang matia ming hown ang takham khowk, Bawzra marow dow napiak hanow suiiai kaniaima naphaw kown. Aia piak mih khi hanow maru naawda kown, now aia kowh ming hown maru nacham tape piati kown. Aia kowh kua hai marow maten dow chowngchowng saksakma apiaknama nauowi kown,” pakhai.14Chintak mih lowk ia kowi chenchapuüa tut-euang chinah mih satang CHAKRAMANG hownia ang ta.Aia tek mih, “Nakowsen Edawm kownkow takua talawm büa diah,nadowk tasen kownkow awr rü diah,” pakhai.15CHAKRAMANG tek mih, “Kawmat dow chenchapuüa pungmadawng kowi asowmchow ang nachang en kown,now maru-uüa pungmadawng kowi suiiai kaniaima ang nachang en kown.16Aw hua cheng kowi kowh uowi mih maru,en dow alowng alowngma mih hungh kowi kowh arah powng mih chekhai.Maru kram en rakowi en bawri khai;tawkche nami bawrira mih kuan en khai.Uamu iawng dow alowngma mih rah kowi en chang kim chepawnami hownia ang nauang klala en kown.17“Edawm kowh piak krang dow khi hanow maru naawda kown. Aia riaret iawng mang miuüa dow lainowmma nakram kown, now aia kowi dow maru nakhareah kown.18Ang CHAKRAMANG tek khowk, aria aret kowi kowh kua hailawm Sawdawm hai Gawmawra marow kowi piakah mih iawng Edawm kowi paw ang napiakah kown. Nahanow Edawm kowi dow miapaw nauowi kown nadowi bowt.19“Jawrdan aw ria kowi kowh kaurawng hownia krangsi uang lawt hanow pram dawng kowi krawi mak chak khe kowh iawng Edawmuüa kowi amatni kowh pren hownia amaisang ang nakrawiah kown. Now amatni kowh pren luk kowi dow ang ruiah mih maru kowi ang natowah kown. Mia chow ang hown tale? Mia chow nowng kingküa ang? Mia iawng mih kruitown mih paw nowng kingküa ang dowi chekhai,” pakhai.20Naiawng rakowi sünta diah, Edawmuüa kowi tawng chow nachangah kown mih CHAKRAMANG sangkrangta khowk, now Teman marowchakuüa kowi paw tawng chow nachangah kown mih aia kamrütta khowk. Amatni kowh chauüa kowi dow kür hown ransu-uüa nacham küngla kown, now amatni kowh lup ngak rakowi amatni kowh pren dow asaima aia napiakta pe kown.21Amatni piak mih klow hown dow lusa mih nachür kown. Amatni kowh kar klow dow Sata Rik mowr nata kown.22Sünta, ransu-uüa mih uamu iawng iangla lap hanow alowngma hownia uang tahür mih iawng Bawzra marow kowi nauang senah kown. Nami ni khe dow penchow kimuowi mu rau phaw mih masiuüa kowh sak iawng Edawm kowi kowh tasen kiakma mih siphaiuüa kowh sak naphaw kown.23Damaska marow lawnguan kowi CHAKRAMANG tek mih,“Hamat hai Arpad marow dow kram lai bowt kowh rüp prang towbowt.Tawngplawng kowchow panow amatni dow ta satang ngak khai.Amatni dow tuak chur khai bowt,amatni kowh sak dow liku uang khe kowh sata tui iawng tahowng prungrung towbowt.24Damaska dow auaklakma towbowt,aia dow kram lai bowt rakowi napowt kownkow taplan khai.Aia kowi dow penchow kimuowi mu rau phaw mih masiuüa iawng arau dowkah khai.25Nami dow aming anang iukma mih marow chekhai;nami dow ang kowh awmrawmra marow chekhai.Tawkche nami marow mih kawmat dow akhaw aklaima towbowt.26Ang mukuang siphaiuüa kowh CHAKRAMANG ang tek khowk;aia kowh klanguüa hawmh uak dow akuangma mih tiama kowi natakuakla pan kown,nami ni khe dow aia kowh siphaiuüa maten kowi ang nachumta pe bowk kown.27Damaska marow tap dow ang natowkta pe kown,nami maih dow Ben-Hadaduüa kowh akhawtma mih kangchawngra kim nakamta kown,” pakhai.28Mang Nebuknezar tut-e sum tasen mih Kedar hai Hazawr marow mang lawnguan kowi CHAKRAMANG tek mih,
“Rü diah, Kedar kowi kowsen diah,now satlawt pra kowh maru-uüa kowi piakah diah.29Amatni kowh tangbung hai tawncher maten maru napawla pe kown,now amatni kowh uanh, tangbung uaniang hai ut ün napawla pe bowk kown.Amatni dow hek se natek pe kown mih, ‘Kramra tavir lut khowk,’ napa kown,” pakhai.30CHAKRAMANG tek mih, “Hazawr marowchakuüa low,alenma powt büa diah, now cham tapet büa diah.Tawngplawng kowchow panow Nebuknezar mih nakingküa enni kownkow sangkrang khowk.31Babulawnuüa low, rü büa diah,now thaulangma hai asowrma uowi mih chenchap kowi kowsenah büa diah.Nami chenchap kowh dow tap paw uowi dowi,now tapplawt klia paw uowi dowi chekhai.Amatni dow amatni malowkchow taih uowi.32Amatni kowh ut hawmh hai tawncher hawmh maten dow pawla pe büah bowt,amatni dow ngeupa pra krowngchowchi kep sam mih chenchap chekhai.Amatni kowi dow ang nasetta plawt kown,now amatni luk kowi dow ang nauang pawla pe phih kown.33Hazawr marow dow brenkhui hawmh uowi rah nachowng kown,now chowngchowng saksakma akhaw aklaima nauowi kown.Nakowi dow miapaw nauowi kown nadowi bowt,” pakhai.34Juda pren kowi Zedekia chowm mang mih auown prakowi Elam marow lawnguan kowi CHAKRAMANG kowh laiklow risi Jeremia tut-e uang ting khai. CHAKRAMANG tek pe mih,35“Ang mukuang siphaiuüa kowh CHAKRAMANG tek khowk, Elam marow kowh kürra tut leba dow ang napiakta pe kown.36Mukuang tali tingnui hownia Elam kowi nakingküaah kownkow ang nauang pawla pe li kown. Nami li hown amatni kowi dow pren tali nui kowi ang nasetta plawt kown. Amatni dow chenchap maten tut-e nacham takhang kown.37Amatni kowi nasaiah kown nau miuüa pur kowi amatni kowi dow ang dita nak kown. Ang kowh kunmarau lün pluplup mih hown amatni luk kowi ang nauang pawla pe phih kown. Amatni kowi chumta dowi mowr nakingküaah kownkow ang nauang chin pe saidawng kown.38Elam kowi ang kowh mang chowm rah ang natowah kown, now aia kowh mang hai mang kowh maru iukuüa kowi dow ang napiakta pe kown.39Nachenganchepaw pur prakowi dow Elam kowi mih aiungma ang natowah iawk kown. Ang CHAKRAMANG mami laiklow ang tek khowk,” pakhai.
“Rü diah, Kedar kowi kowsen diah,now satlawt pra kowh maru-uüa kowi piakah diah.29Amatni kowh tangbung hai tawncher maten maru napawla pe kown,now amatni kowh uanh, tangbung uaniang hai ut ün napawla pe bowk kown.Amatni dow hek se natek pe kown mih, ‘Kramra tavir lut khowk,’ napa kown,” pakhai.30CHAKRAMANG tek mih, “Hazawr marowchakuüa low,alenma powt büa diah, now cham tapet büa diah.Tawngplawng kowchow panow Nebuknezar mih nakingküa enni kownkow sangkrang khowk.31Babulawnuüa low, rü büa diah,now thaulangma hai asowrma uowi mih chenchap kowi kowsenah büa diah.Nami chenchap kowh dow tap paw uowi dowi,now tapplawt klia paw uowi dowi chekhai.Amatni dow amatni malowkchow taih uowi.32Amatni kowh ut hawmh hai tawncher hawmh maten dow pawla pe büah bowt,amatni dow ngeupa pra krowngchowchi kep sam mih chenchap chekhai.Amatni kowi dow ang nasetta plawt kown,now amatni luk kowi dow ang nauang pawla pe phih kown.33Hazawr marow dow brenkhui hawmh uowi rah nachowng kown,now chowngchowng saksakma akhaw aklaima nauowi kown.Nakowi dow miapaw nauowi kown nadowi bowt,” pakhai.34Juda pren kowi Zedekia chowm mang mih auown prakowi Elam marow lawnguan kowi CHAKRAMANG kowh laiklow risi Jeremia tut-e uang ting khai. CHAKRAMANG tek pe mih,35“Ang mukuang siphaiuüa kowh CHAKRAMANG tek khowk, Elam marow kowh kürra tut leba dow ang napiakta pe kown.36Mukuang tali tingnui hownia Elam kowi nakingküaah kownkow ang nauang pawla pe li kown. Nami li hown amatni kowi dow pren tali nui kowi ang nasetta plawt kown. Amatni dow chenchap maten tut-e nacham takhang kown.37Amatni kowi nasaiah kown nau miuüa pur kowi amatni kowi dow ang dita nak kown. Ang kowh kunmarau lün pluplup mih hown amatni luk kowi ang nauang pawla pe phih kown. Amatni kowi chumta dowi mowr nakingküaah kownkow ang nauang chin pe saidawng kown.38Elam kowi ang kowh mang chowm rah ang natowah kown, now aia kowh mang hai mang kowh maru iukuüa kowi dow ang napiakta pe kown.39Nachenganchepaw pur prakowi dow Elam kowi mih aiungma ang natowah iawk kown. Ang CHAKRAMANG mami laiklow ang tek khowk,” pakhai.
The Seed Company