Daniel10
1Persia pren kowi Kuras chowm mang mih sum ning khe Daniel mih khi mukmang lowk iawk. Nami mukmang auan dow anowmma chekhai, now nami dow lainowmma tukta krat chekhai. Nachenganchepaw Daniel dow sünta kaneu khai, now nami mukmang uan tukta khai.2Nami khin khe ang Daniel mih sak kowi rau lai kowh sum sapta kar hai nguk hown ang uowi khai.3Nami sum sapta chur dowi mowr tawng iawng mih chaknga iung hai grep tui paw ang cha ang kham dowi chekhai.4La uown kowi kowh lacher 24 ni mih ni khe dow Taigris awma pang kowi ang iowng khai.5Nami khin khe ang krawi tang mü hanow ang khi maru lowk ia khai. Nami maru dow adipükchow mih la hown kowh tawnguat khupma hai achangma mih kuh kekawm ükma chekhai.6Aia kowh buk dow asung khakma mih hua iawng, lumowr dow pla nowi iawng, amik dow lün pluplup mih maitawng iawng, now arut akhawk dow süah mih kri iawng tawk pluplup chekhai. Now aia kowh laiklow dow maru kawmma takua talawm khe kowh pawpan klow iawng chekhai.7Nami mukmang khi mih dow ang Daniel lowk iachow taih chekhai. Ang hown kowh tawi uowi miuüa dow nami mukmang mih tawi khi büah dowi. Tawkche amatni dow lainowmma kram büah khai. Naiawng rakowi amatni dow cham powt büah hanow cham tapet khai.8Naiawng rakowi nami akraingma mih mukmang dow ang lowk iachow taih khi khai. Now ang kowh dow tawng iawng mih kür paw uowi dowi bowt chekhai. Ang kowh lumowr dow kowng mih iawng müakangma uang phaw khai, now auaklakma ang own khai.9Nami kung kowi dow nami maru kowh laiklow ang ta khai. Aia kowh laiklow ang ta hown krowksang ang maw hanow krawng kowi ang tabawk krawm khai.10Nakhowk khe mia iawng mih chünchü rut papra hown kak ang hanow krüng ang khai, now chür klukluk se ang awr sawngkrawng hawnglawng khai.11Nami maru tek ang mih, “Aw Thurai lang sakrauah mih Daniel, awr rü diah. Ang natek en kown mih laiklow kowi kaneuma pe ching diah. Tawngplawng kowchow panow en tut-e Thurai uang chin ang mih chekhai,” pakhai. Naiawng aia tek ang hanow ang dow chür se ang awr rü khai.12Nakhowk khe aia tek ang mih, “Daniel, hangkow kram diah. Mukmang lawnguan natukla kownkow en chup Thurai hai en kowh Thurai pur kowi en khamsum khamdaw khai. Naiawng en uown chang mih ni hownia en awr lü mih dow mukuang kowi Thurai hawt sünta en khai. Nami en awr lü awr leng mih rakowi ang uang mih chekhai.13Tawkche Persia pren kowi kowh lang kri mih lümla dow ang naia uangla dowi kownkow 21 ni mowr hang ang khai. Nami khin khe Persia pren manguüa pungmadawng kowi ang lowk iachow taih chekhai. Naiawng rakowi Mikael pami kramamu lowk ia dow nauang khowng ang kownkow ang tut-e uang khai, now Mikael kowi dow nakowi Persia pren kowi kowh lang kri mih lümla hown ang ta towla khai.14Ang uang mih dow pur prakowi en maru-uüa luk kowi tawng chow naphaw kown mih lawnguan naphuang en kownkow chekhai. Tawngplawng kowchow panow nami khin nauang ting kownkow khowmta khowk mih akhin mukmang kowi kowh en khi-ah mih dow kawmat paw uang ting dowi tak chekhai,” pakhai.15Nami maru naiawng tek ang mih khin khe ang dow mum tulu chekhai. Ang dow tawng iawng paw ia lai dowi chekhai.16Nakhowk khe maru powm iawng mih kramamu kak ang ve khai. Nami hownia now ang ia lai khai bowt. Now aia kowi ang tek pe mih, “Aw ang kowh chakramang, nami mukmang rakowi lainowmma ang sak kawm hai ang kow uak khai bowt.17Aw ang kowh chakramang, ang dow en kowh nar chekhai. Naiawng rakowi tawng iawng chow en hown ang nataklangah kown? Ang kowh dow kür uowi dowi bowt, now sak hü paw bowm mih nowm khowk,” pakhai.18Nakhowk khe maru powm iawng mih kramamu plan kak ang hanow pe ang kür khai.19Aia tek ang mih, “Aw Thurai lang sakrauah mih Daniel, hangkow kram diah. Thaulangma en pacham uowi lah. Sakkraingma hai sakkhawtma uowiah diah,” pakhai.
Now naiawng aia klang ang hown krowksang ang ka kür khai bowt. Aia kowi ang tek pe mih, “Aw ang kowh chakramang, en pe ang kür khowk chedow en nau tek ang kown mih tek ang bowt,” pape khai.20Nakhowk khe aia tek ang mih, “Tawng rakowi chow en tut-e ang uang mih en tuk bow? Anowmma Mih Chabowih kowi kowh arui uowi mih laiklow naphuang en kownkow ang uang mih chekhai. Mami kung kowi dow Persia pren kowi kowh lang kri mih lümla kowi nakowsenah kownkow alenma ang nakowplan kown, now ang mang kung kowi dow Gris pren kowi kowh lang kri mih lümla nauang kown. En maru-uüa kowi towkala miuüa kowi kowh lang kri mih Mikael klen kowi dow kowbüah kowi nasen kownkow miapaw uang tawi khowng ang dowi.
Now naiawng aia klang ang hown krowksang ang ka kür khai bowt. Aia kowi ang tek pe mih, “Aw ang kowh chakramang, en pe ang kür khowk chedow en nau tek ang kown mih tek ang bowt,” pape khai.20Nakhowk khe aia tek ang mih, “Tawng rakowi chow en tut-e ang uang mih en tuk bow? Anowmma Mih Chabowih kowi kowh arui uowi mih laiklow naphuang en kownkow ang uang mih chekhai. Mami kung kowi dow Persia pren kowi kowh lang kri mih lümla kowi nakowsenah kownkow alenma ang nakowplan kown, now ang mang kung kowi dow Gris pren kowi kowh lang kri mih lümla nauang kown. En maru-uüa kowi towkala miuüa kowi kowh lang kri mih Mikael klen kowi dow kowbüah kowi nasen kownkow miapaw uang tawi khowng ang dowi.
The Seed Company