2 Krungchakuüa27
1Jotham dow 25 ning khe chowm mang khai. Aia dow laitaruk ning mowr Jerusalem marow kowi chowmla mang khai. A-u dow Zadawk kowh chama Jerusa chekhai.2Jotham dow a-pa Uzia iawng rowprowp CHAKRAMANG mik kowi aiungma mih lup chang reng chekhai. Tawkche a-pa iawng CHAKRAMANG kim kowi nam iungma mih maikhük towk mih angak dow aia tawi chang dowi chekhai. Nachenganchepaw Juda prenchakuüa dow chang angak reng tak chekhai.3Jotham dow CHAKRAMANG kim kowi kowh alowngma mih tapplawt krawi rawah khai, now Ofel hungh re-e kowh tap paw akhawtma aia krawi rawah khai.4Juda pren kowi kowh hungh kowi dow tap uowi mih marow aia krawi thawp khai, now kaurawng kowi dow akhawtma mih kangchawngra kim hai kimkrowng aia krawi thawp khai.5Jotham dow Amawnuüa kowh mang kowi senah hanow nowngta khai. Naiawng rakowi Amawnuüa dow sum ning mowr ning towng tai 85 mawn, püm 45,000 mawn hai iakmow 45,000 mawn aia kowi peah khai.6Mang Jotham dow uang kür ngamlam khai. Tawngplawng kowchow panow aia dow kaah sakowmma hown CHAKRAMANG aia kowh Thurai tiama kowi mang reng chekhai.7Jotham kowh akeng mih lup lawnguan maten, aia cham awng tasen mih lawnguan hai aia kowh chowm krang uowi krang lawnguan dow “Israel hai Juda Manguüa Lawnguan” pami bowih kowi arui uowi bowk chekhai.8Aia dow 25 ning khe chowm mang khai. Aia dow laitaruk ning mowr Jerusalem marow kowi chowmla mang khai.9Akung kowi Jotham dow kowng hanow David marow kowi maru dupah khai. Aia takcha kowi dow achapa Ahaz mih ta chowm mang khai.
The Seed Company