2 Krungchakuüa25
1Amazia dow 25 ning khe chowm mang khai. Aia dow 29 ning mowr Jerusalem marow kowi chowmla mang khai. A-u dow Jerusalem marow hownia kowh Jehoadin chekhai.2Aia dow CHAKRAMANG mik kowi aiungma mih lup chang reng chekhai. Tawkche aia kowh sak maiow hown nadowi chekhai.3Aia dow nachowm mang kown mih alow ka hown krowksang a-pa kowi saita mih maru iukuüa maten kowi aia krawi saita bowk khai.4Nachenganchepaw aia dow Mosi rirow bowih kowi kowh arui uowi iawng naiawngün maru iukuüa kowh chauüa kowi saila dowi chekhai. Tawngplawng kowchow panow Mosi rirow bowih kowi dow maiawng CHAKRAMANG kowh ana pek uowi chekhai, “Chauüa changta angak rakowi u-pa kowi naia kowngta kown nadowi, now u-pa changta angak rakowi chauüa kowi paw naia kowngta kown nadowi. Chang ngak mih maru chowtaih nakowng ngengche kown,” pakhai.5Nami kung kowi Amazia dow Judauüa maten kowi kuaah lawmah khai, now amatni chowlowkkow krungchak iawng Juda hai Benjamin krungchakuüa hownia 1,000 ia siphai luk kowi kowh aluchowuüa kowi hai 100 ia siphai luk kowi kowh aluchowuüa kowi aia nimkrüa kowi towah khai. Aia dow pirmi ning chih mih hownia nami luk kowi kowh tasen uangh khowk mih kachakuüa nget kowi kloah khai, now naiawngün maru iun dow 300,000 ia chekhai. Naiawngün maru-uüa dow reh hai kawngma dowk kiakma chekhai.6Aia dow 100,000 ia Israel siphaiuüa kowi kuh 3,400 set hown ngaah khai.7Nachenganchepaw Thurai maru lowk ia mih mang tut-e uang khai. Now tek pe mih, “Aw mangkri, mami Israel siphaiuüa kowi hangkow hawla tasen diah. Tawngplawng kowchow panow CHAKRAMANG dow tawngphak pra kowh Israel chenchap Efraim krungchakuüa tut-e tawi uowi dowi chekhai.8Now kowbüah kowi pawla hanow sakkraingma hown en cham tasen chepaw Thurai dow en kowh ransu-uüa tut-e nape sum en kown taih. Tawngplawng kowchow panow ia awngla kown mih hai ia sumla kown mih kür dow Thurai tut-e chowtaih,” pakhai.9Nakhowk khe Thurai maru kowi Amazia tek pe mih, “Tawkche Israel siphaiuüa kowi ang ngala mih kuh 3,900 set mih dow tawng chow ang nachangah kown?” pakhai.
Now Thurai maru klangah mih, “Nami lak-e hu Thurai nowng pe en chekhai,” pakhai.10Nahanow Amazia dow Efraimuüa süng hownia kowh ngaah mih Israel siphaiuüa kowi amatni pren kowi pe mangta khai. Naiawng rakowi nami Israel siphaiuüa dow Judauüa luk kowi lainowmma kunmarau khai, now atawm kunmarau hown amatni pren kowi kowmang büah khai.11Amazia dow sakkraingma hown aia kowh siphaiuüa hown Awisa lawngrawi kowi nakowsen Edawmuüa kownkow kowkowi khai, now aia dow 10,000 ia Edawm siphaiuüa kowi saiah khai.12Now Juda siphaiuüa paw 10,000 ia Edawm siphaiuüa kowi asing khümla khai, now rak luk hownia nawtah büah khai. Nahanow amatni dow hing tadi iawm khai.13Nachenganchepaw tasenra kowi pawla dowi mih Israel siphaiuüa dow Samari marow hownia Bet-Hawrawn marow mowr mih kua hai marow krawi piakta bowk khai, now maru iun 3,000 ia kowi saila büah khai. Nami klen kowi nakowi kowh dawngthawnguan paw pawla büah bowk khai.14Amazia dow Edawm siphaiuüa hown ki tasen kung kowi Jerusalem kowi uang plan khai. Nakhowk khe aia dow Edawmuüa kowh arup aren ün uang pawla pe khai. Naiawngün arup aren kowi dow aia mih changah phuchua hai nam iungma mih maikhük ün towk pe khai.15Naiawng rakowi CHAKRAMANG dow aia luk kowi lainowmma kunmarau khai. Now aia tut-e Thurai uang chin pe risi lowk ia khai. Nami risi tek pe mih, “En rut hownia khowm padow aia maru-uüa kowi naiawngün thuraiuüa nowng lawngah dowi pache tawngplawng kowchow en tuk chupiiaah khai?” pakhai.16Now risi kowh laiklow chur dowi tak khe mang tek pe mih, “Mang kowh prengia pek mih ang thawp en khowk bow? Hang lai tham bowt, nadowi now ang kowngta en kown,” pakhai.
Nachenganchepaw risi tek pe mih, “Thurai napiakta en kown mih kamrütta hüah khowk pami ang tuk. Tawngplawng kowchow panow akeng thuraiuüa kowi nachupiia kown mih lup en chang khai, now ang kowh prengia pek lai sünta kown en nau dowi chekhai,” pakhai. Nami kung kowi dow nami risi dow lai dowi bowt chekhai.17Nami kung kowi Juda mang Amazia dow aia kowh maru iukuüa tut-e pawla prengia khai, now Israel mang Jehoas tut-e kowchin pe satang phowng mih khai. Jehoas kowh pa dow Jehoahaz chekhai, now Jehoahaz kowh pa dow Jeho chekhai. Aia krawi tek pe mih, “Uang madiah, achi tadowk tasen madiah sik,” pakhai18Nachenganchepaw Israel pren mang dow laiuat hown Juda pren mang kowi krawi plan tek pe mih, “Akat khe Lebanawn hungh kowi kowh chuh mung dow Lebanawn hungh kowi kowh sidar singh kowi krawi phowng pe satang khai. Aia krawi tek pe mih, ‘En kowh chama kowi ang kowh chapa hown pe tachawngah diah,’ pakhai. Tawkche nami hungh kowi kowh kaurawng uaramchak dow nami chuh mung kowi uang thuata nak khai.19Edawmuüa kowi en nowngta khai kowh lainowmma en chang bawri khai. Tawkchedow kim kowi uowi phülü büah, nadowi now phih nauang ting kown. Nami phih dow en matia hai Judauüa vüi piakra naown kown,” pape khai.20Nachenganchepaw mang Amazia dow mang Jehoas kowh nami laiklow sünta pe dowi chekhai. Naiawng phaw mih dow Thurai hownia kowh chekhai. Tawngplawng kowchow panow Edawmuüa kowh thuraiuüa tut-e Amazia kowlü khowng rakowi aia kowi dow Joas rut kowi Thurai ap-ah khai.21Naiawng rakowi Israel pren mang Jehoas dow Amazia kowi uang senah khai. Amatchi dow siphai hawmh hown Juda pren kowi kowh Bet-Semes marow kowi tasen iüah khai.22Israeluüa tut-e dow Judauüa mih sum chamang sum khai. Amatni dow chowlowkkow kim prakowi powt bowk khai.23Israel pren mang Jehoas dow Juda pren mang Amazia kowi Bet-Semes marow kowi khümah khai. Nami kung kowi dow Amazia kowi mih Jerusalem marow kowi Jehoas kowpawla khai, now nami marow tap dow Efraim tapplawt hownia Anui tapplawt mowr 400 muk aia krawi piakta pe khai.24Aia dow Obed-Edawm mingkhetah mih Thurai kim hai mang kim kowi kowh kuh, tai hai akeng mih uanh maten pawla bowk khai. Nami klen kowi maru kowi paw khümla sangrum hanow Samari marow kowi aia plan khai.25Juda pren mang Amazia dow Israel pren mang Jehoas kowng kung kowi paw ta sing laitanga ning tak chekhai.26Amazia kowh akeng mih lup lawnguan maten auown hownia achur pat “Juda hai Israel Manguüa Lawnguan” pami bowih kowi arui uowi bowk chekhai.27CHAKRAMANG kowi Amazia nuata kung hownia now Jerusalem marowchakuüa mih mang Amazia kowi kingküaah ne khai bowt. Naiawng rakowi aia dow Lakhis marow kowi cham powt khai. Nachenganchepaw maru kawmuüa dow nakowi kowchin maru hanow aia kowi kowkrawi saita khai.28Now aia kowh uak dow kawrnga luk kowi tangla hanow Jerusalem marow kowi uang pawla khai, now aia kowi dow David marow kowi kowh aia pipu-uüa tadupra kowi maru dupah khai.
Now Thurai maru klangah mih, “Nami lak-e hu Thurai nowng pe en chekhai,” pakhai.10Nahanow Amazia dow Efraimuüa süng hownia kowh ngaah mih Israel siphaiuüa kowi amatni pren kowi pe mangta khai. Naiawng rakowi nami Israel siphaiuüa dow Judauüa luk kowi lainowmma kunmarau khai, now atawm kunmarau hown amatni pren kowi kowmang büah khai.11Amazia dow sakkraingma hown aia kowh siphaiuüa hown Awisa lawngrawi kowi nakowsen Edawmuüa kownkow kowkowi khai, now aia dow 10,000 ia Edawm siphaiuüa kowi saiah khai.12Now Juda siphaiuüa paw 10,000 ia Edawm siphaiuüa kowi asing khümla khai, now rak luk hownia nawtah büah khai. Nahanow amatni dow hing tadi iawm khai.13Nachenganchepaw tasenra kowi pawla dowi mih Israel siphaiuüa dow Samari marow hownia Bet-Hawrawn marow mowr mih kua hai marow krawi piakta bowk khai, now maru iun 3,000 ia kowi saila büah khai. Nami klen kowi nakowi kowh dawngthawnguan paw pawla büah bowk khai.14Amazia dow Edawm siphaiuüa hown ki tasen kung kowi Jerusalem kowi uang plan khai. Nakhowk khe aia dow Edawmuüa kowh arup aren ün uang pawla pe khai. Naiawngün arup aren kowi dow aia mih changah phuchua hai nam iungma mih maikhük ün towk pe khai.15Naiawng rakowi CHAKRAMANG dow aia luk kowi lainowmma kunmarau khai. Now aia tut-e Thurai uang chin pe risi lowk ia khai. Nami risi tek pe mih, “En rut hownia khowm padow aia maru-uüa kowi naiawngün thuraiuüa nowng lawngah dowi pache tawngplawng kowchow en tuk chupiiaah khai?” pakhai.16Now risi kowh laiklow chur dowi tak khe mang tek pe mih, “Mang kowh prengia pek mih ang thawp en khowk bow? Hang lai tham bowt, nadowi now ang kowngta en kown,” pakhai.
Nachenganchepaw risi tek pe mih, “Thurai napiakta en kown mih kamrütta hüah khowk pami ang tuk. Tawngplawng kowchow panow akeng thuraiuüa kowi nachupiia kown mih lup en chang khai, now ang kowh prengia pek lai sünta kown en nau dowi chekhai,” pakhai. Nami kung kowi dow nami risi dow lai dowi bowt chekhai.17Nami kung kowi Juda mang Amazia dow aia kowh maru iukuüa tut-e pawla prengia khai, now Israel mang Jehoas tut-e kowchin pe satang phowng mih khai. Jehoas kowh pa dow Jehoahaz chekhai, now Jehoahaz kowh pa dow Jeho chekhai. Aia krawi tek pe mih, “Uang madiah, achi tadowk tasen madiah sik,” pakhai18Nachenganchepaw Israel pren mang dow laiuat hown Juda pren mang kowi krawi plan tek pe mih, “Akat khe Lebanawn hungh kowi kowh chuh mung dow Lebanawn hungh kowi kowh sidar singh kowi krawi phowng pe satang khai. Aia krawi tek pe mih, ‘En kowh chama kowi ang kowh chapa hown pe tachawngah diah,’ pakhai. Tawkche nami hungh kowi kowh kaurawng uaramchak dow nami chuh mung kowi uang thuata nak khai.19Edawmuüa kowi en nowngta khai kowh lainowmma en chang bawri khai. Tawkchedow kim kowi uowi phülü büah, nadowi now phih nauang ting kown. Nami phih dow en matia hai Judauüa vüi piakra naown kown,” pape khai.20Nachenganchepaw mang Amazia dow mang Jehoas kowh nami laiklow sünta pe dowi chekhai. Naiawng phaw mih dow Thurai hownia kowh chekhai. Tawngplawng kowchow panow Edawmuüa kowh thuraiuüa tut-e Amazia kowlü khowng rakowi aia kowi dow Joas rut kowi Thurai ap-ah khai.21Naiawng rakowi Israel pren mang Jehoas dow Amazia kowi uang senah khai. Amatchi dow siphai hawmh hown Juda pren kowi kowh Bet-Semes marow kowi tasen iüah khai.22Israeluüa tut-e dow Judauüa mih sum chamang sum khai. Amatni dow chowlowkkow kim prakowi powt bowk khai.23Israel pren mang Jehoas dow Juda pren mang Amazia kowi Bet-Semes marow kowi khümah khai. Nami kung kowi dow Amazia kowi mih Jerusalem marow kowi Jehoas kowpawla khai, now nami marow tap dow Efraim tapplawt hownia Anui tapplawt mowr 400 muk aia krawi piakta pe khai.24Aia dow Obed-Edawm mingkhetah mih Thurai kim hai mang kim kowi kowh kuh, tai hai akeng mih uanh maten pawla bowk khai. Nami klen kowi maru kowi paw khümla sangrum hanow Samari marow kowi aia plan khai.25Juda pren mang Amazia dow Israel pren mang Jehoas kowng kung kowi paw ta sing laitanga ning tak chekhai.26Amazia kowh akeng mih lup lawnguan maten auown hownia achur pat “Juda hai Israel Manguüa Lawnguan” pami bowih kowi arui uowi bowk chekhai.27CHAKRAMANG kowi Amazia nuata kung hownia now Jerusalem marowchakuüa mih mang Amazia kowi kingküaah ne khai bowt. Naiawng rakowi aia dow Lakhis marow kowi cham powt khai. Nachenganchepaw maru kawmuüa dow nakowi kowchin maru hanow aia kowi kowkrawi saita khai.28Now aia kowh uak dow kawrnga luk kowi tangla hanow Jerusalem marow kowi uang pawla khai, now aia kowi dow David marow kowi kowh aia pipu-uüa tadupra kowi maru dupah khai.
The Seed Company