1 Samuel30
1Filistin pren kruitown miuüa pe tawi tasenah dowi rakowi David hai aia kowh siphaiuüa dow Ziklak marow kowi uang plan khai bowt, now amatni dow sum ni kowh ni khe Ziklak marow kowi uang ting büah khai. Nachenganchepaw nami takra kowi Negeb süng kowi kowh Filistinuüa kowi hai Ziklak marowchakuüa kowi mih Amalekuüa uang ta senah khai. Nakhowk khe Amalekuüa mih Ziklak marow dow hing towkla khai. Amatni dow nakowi kowh maru-uüa maten kowi nachangla nar kownkow lowk iachow paw saiah dowi kowi pawla bowk khai.3David hai aia kowh siphaiuüa dow Ziklak marow kowi uang ting now marow kamnama mih uang khi khai bowt. Now amatni kowh masi chauüa kowi Amalekuüa pawla bowk mih tuk büah khai.4Nakhowk khe David hai aia kowh siphaiuüa dow atün atünma kar büah khai. Naiawng amatni kar rakowi achur kowi amatni dow karla kown mih kür khowm padow uowi dowi bowt chekhai.5David kowh masi pre ma mih kowi paw Amalekuüa pawla pe khai. David kowh masi lowk ia mih dow Jezrel marow kowi kowh Ahinoam chekhai, now alowk mih dow Karmel marow kowi kowh kowng mih Nabal kowh masi Abigail chekhai.6Nakhowk khe David dow lainowmma kla phih khai. Tawngplawng kowchow panow nakhowk khe mih aia kowh siphaiuüa dow amatni kowh masi chauüa rakowi David luk kowi lainowmma kunmarau khai. Amatni dow hua hown kuakah now David kowi nakowngta kown mih tatek büah khai. Nachenganchepaw David dow CHAKRAMANG aia kowh Thurai luk kowi neplawng nesak khai rakowi plan ka kür khai.7Nakhowk khe Ahimelek kowh chapa uamow Abiathar kowi David tek pe mih, “En kowh ephawd kowrmow uang pe ang madiah,” pakhai. Now nami kowrmow uang pawla kung kowi CHAKRAMANG kowi David lüntaah mih, “Amalekuüa kowi ang kawikrawi kown bow? Amatni kowi ang krawi ia tuk kown bow?” pakhai.
Nakhowk khe CHAKRAMANG klangah mih, “Ow, kowkawi krawi bowt. Amatni kowi dow en nakrawi ia tuk ngengche kown taih, now amatni khümla mih maten kowi en nakrawi ia lawng kown taih,” pape khai.9Nakhowk khe David mih aia kowh siphai 600 ia kowi pawla now kowkawi krawi Amalekuüa khai. Amatni dow hungma mawngma süng kowi kowh Besawr aw re-e kowting hanow bowm lai bowt rakowi nami re-e maru iun 200 ia kowi ta towla khai. Nami hownia now maru iun 400 ia hown David mih kawikrawi ransu-uüa khai.11Akung kowi David kowh siphaiuüa dow dowm kowi Aigupta maru kowi khi lowk ia khai, now amatni dow nami maru kowi David tut-e kowpawla khai. Now amatni dow nami maru kowi pe chaah chakkham büah khai.12Nami klen kowi amatni dow uidut uih keu kawm apah hai grep uih keu pre pawt nami maru kowi pe chaah büah khai. Nami maru dow sum ni sum uar tawngpaw cha dowi kham dowi rakowi kow uakma chekhai. Nachenganchepaw aia dow naiawngün chakkham chata hanow uang awr ching khai.13Nami maru kowi David lüntaah mih, “Mia maru chow en? Tawng hownia chow en uang?” pakhai.
Nami maru klangah mih, “Ang dow Aigupta maru, Amalekuüa kowh nar taih. Ang arau uowi mih ani hown sum ni khowk. Naiawng rakowi ang kowh kim iah towla ang hüah now mangta ang khai.14Keretuüa pren kowi kowh mrawkphak pra kowh süng kowi, Judauüa kowh süng kowi hai Kalebuüa pren kowi kowh mrawkphak pra kowh süng kowi anging kowkrawi sen mih chowdiah, now Ziklak marow dow anging towkla khai,” pape khai.15Now David tek pe mih, “Pai iawngün siphaiuüa tut-e en ia pawla ang kown bow?” pakhai.
Nami maru klangah mih, “Naiawng now en nakowngta ang dowi kown mih hai ang kowh kim iah tut-e en naap ang dowi kown mih en kowh Thurai ming hown takham diah. Nahanow pai iawngün siphaiuüa tut-e ang nakowpawla en kown taih,” pape khai.16Now nami lawnguan kowi David takham kung kowi dow nami maru mih Amalekuüa tut-e David kowi kowpawla khai. Nakhowk khe Amalekuüa dow dowm kowi tauet plawt chekhai. Amatni dow cha büah kham büah hanow apiawma uowi büah khai. Tawngplawng kowchow panow Filistin pren hownia hai Judauüa süng hownia amatni kala uanh mih ahuma chekhai.17David dow nami ni sat kup hownia auai ni sat kup mowr mih Amalekuüa kowi kowsenah khai. Nami tasen kowi dow ut luk kowi chowm se klanguüa hawmh ia powt 400 ia mih klen kowi miapaw ia plai dowi chekhai.18David mih Amalekuüa pawla mih tawncher, uanh hai maru maten kowi uang plan kala bowk khai, now aia kowh masi pre ma mih kowi paw uang plan kala khai. Amalekuüa pawla mih maten tawngpaw lat dowi kowi aia dow uang plan pawla bowk chekhai.20Nami klen kowi aia dow Amalekuüa kowh chia hai ruapur maten paw uang pawla pe khai. Naiawngün tawncher kowi dow aia kowh siphaiuüa mih amatni kowh tawncher hawmh pur kowi rik pe mangah khai. Amatni dow tek mih, “Tasenra hownia kaah mih maiawngün uanh maten dow David kowh chekhai,” pabüah khai.21Now bowm lai kowh Besawr aw kowi David ta towla 200 ia mih siphaiuüa tut-e amatni dow uang plan khai bowt. Nakhowk khe nami 200 ia mih siphaiuüa dow David hai aia tut-e kowh tawi mih siphaiuüa kowi uang krawi chumah khai. Now amatni takrum khe David mih amatni kowi dow pawah satang khai.22Nachenganchepaw nakhowk David hown tawi tarü tasen miuüa pungmadawng kowi kowh tuak ngakma miuüa tek mih, “Tawi tarü tasen dowi miuüa dow a-i uang kala mih uanh hownia tawngpaw tawi ka bak kown nadowi; Amatni kowh masi chauüa kowi krowngchow taih natawi ka büah kown,” pakhai.23Nakhowk khe David klangah mih, “Ang kowh tainau-uüa low, naiawng nadowi. CHAKRAMANG pe a-i mih uanh luk kowi naiawng hang chang büah. Aia dow lawng a-i khai, now a-i kowh ransu-uüa kowi ap a-i khai.24Naiawng enni tek mih laiklow dow miapaw nauta enni dowi tham. Cham tarü tasen miuüa hai ta chawng uanh miuüa maten paw arisang natawi ka uanh bak kown,” pape khai.25Nami ari dow nami ni hownia naiawng nasunah reng kownkow Israeluüa vüi David tow pe khai. Nami ari dow ani mowr paw Israeluüa chün reng tak chekhai.26Now Ziklak marow kowi uang ting hanow tasenra kowi kowh David kaah mih uanh hownia Juda krungchak kowi kowh lawngtang aluchowuüa kowi krawi sala pe awmrawm sung ne khai. Naiawng aia krawi sala pe awmrawm sung miuüa dow aia kowh auiuauüa chekhai. Aia dow aia auiuauüa kowi krawi tek pe mih, “Maiawngün awmrawm sung ang krawi sa enni mih dow CHAKRAMANG kowh ransu-uüa hownia ang krawi khünah mih chekhai,” pakhai.27David krawi sa pe awmrawm sung mih aluchowuüa uowi rah dow Bethel marow, Ramawt-Negeb marow, Jattir marow, Aroer marow, Sifmawt marow, Estemua marow, Rakal marow, Jerameluüa kowh marow, Kenuüa kowh marow, Hawrma marow, Bawr-Asan marow, Athak marow hai Hebrawn marow kowi chekhai. Nami klen kowi aia dow aia cham krawi kowiah mih marow maten kowi kowh lawngtang aluchowuüa kowi paw sala pe awmrawm sung khai.
Nakhowk khe CHAKRAMANG klangah mih, “Ow, kowkawi krawi bowt. Amatni kowi dow en nakrawi ia tuk ngengche kown taih, now amatni khümla mih maten kowi en nakrawi ia lawng kown taih,” pape khai.9Nakhowk khe David mih aia kowh siphai 600 ia kowi pawla now kowkawi krawi Amalekuüa khai. Amatni dow hungma mawngma süng kowi kowh Besawr aw re-e kowting hanow bowm lai bowt rakowi nami re-e maru iun 200 ia kowi ta towla khai. Nami hownia now maru iun 400 ia hown David mih kawikrawi ransu-uüa khai.11Akung kowi David kowh siphaiuüa dow dowm kowi Aigupta maru kowi khi lowk ia khai, now amatni dow nami maru kowi David tut-e kowpawla khai. Now amatni dow nami maru kowi pe chaah chakkham büah khai.12Nami klen kowi amatni dow uidut uih keu kawm apah hai grep uih keu pre pawt nami maru kowi pe chaah büah khai. Nami maru dow sum ni sum uar tawngpaw cha dowi kham dowi rakowi kow uakma chekhai. Nachenganchepaw aia dow naiawngün chakkham chata hanow uang awr ching khai.13Nami maru kowi David lüntaah mih, “Mia maru chow en? Tawng hownia chow en uang?” pakhai.
Nami maru klangah mih, “Ang dow Aigupta maru, Amalekuüa kowh nar taih. Ang arau uowi mih ani hown sum ni khowk. Naiawng rakowi ang kowh kim iah towla ang hüah now mangta ang khai.14Keretuüa pren kowi kowh mrawkphak pra kowh süng kowi, Judauüa kowh süng kowi hai Kalebuüa pren kowi kowh mrawkphak pra kowh süng kowi anging kowkrawi sen mih chowdiah, now Ziklak marow dow anging towkla khai,” pape khai.15Now David tek pe mih, “Pai iawngün siphaiuüa tut-e en ia pawla ang kown bow?” pakhai.
Nami maru klangah mih, “Naiawng now en nakowngta ang dowi kown mih hai ang kowh kim iah tut-e en naap ang dowi kown mih en kowh Thurai ming hown takham diah. Nahanow pai iawngün siphaiuüa tut-e ang nakowpawla en kown taih,” pape khai.16Now nami lawnguan kowi David takham kung kowi dow nami maru mih Amalekuüa tut-e David kowi kowpawla khai. Nakhowk khe Amalekuüa dow dowm kowi tauet plawt chekhai. Amatni dow cha büah kham büah hanow apiawma uowi büah khai. Tawngplawng kowchow panow Filistin pren hownia hai Judauüa süng hownia amatni kala uanh mih ahuma chekhai.17David dow nami ni sat kup hownia auai ni sat kup mowr mih Amalekuüa kowi kowsenah khai. Nami tasen kowi dow ut luk kowi chowm se klanguüa hawmh ia powt 400 ia mih klen kowi miapaw ia plai dowi chekhai.18David mih Amalekuüa pawla mih tawncher, uanh hai maru maten kowi uang plan kala bowk khai, now aia kowh masi pre ma mih kowi paw uang plan kala khai. Amalekuüa pawla mih maten tawngpaw lat dowi kowi aia dow uang plan pawla bowk chekhai.20Nami klen kowi aia dow Amalekuüa kowh chia hai ruapur maten paw uang pawla pe khai. Naiawngün tawncher kowi dow aia kowh siphaiuüa mih amatni kowh tawncher hawmh pur kowi rik pe mangah khai. Amatni dow tek mih, “Tasenra hownia kaah mih maiawngün uanh maten dow David kowh chekhai,” pabüah khai.21Now bowm lai kowh Besawr aw kowi David ta towla 200 ia mih siphaiuüa tut-e amatni dow uang plan khai bowt. Nakhowk khe nami 200 ia mih siphaiuüa dow David hai aia tut-e kowh tawi mih siphaiuüa kowi uang krawi chumah khai. Now amatni takrum khe David mih amatni kowi dow pawah satang khai.22Nachenganchepaw nakhowk David hown tawi tarü tasen miuüa pungmadawng kowi kowh tuak ngakma miuüa tek mih, “Tawi tarü tasen dowi miuüa dow a-i uang kala mih uanh hownia tawngpaw tawi ka bak kown nadowi; Amatni kowh masi chauüa kowi krowngchow taih natawi ka büah kown,” pakhai.23Nakhowk khe David klangah mih, “Ang kowh tainau-uüa low, naiawng nadowi. CHAKRAMANG pe a-i mih uanh luk kowi naiawng hang chang büah. Aia dow lawng a-i khai, now a-i kowh ransu-uüa kowi ap a-i khai.24Naiawng enni tek mih laiklow dow miapaw nauta enni dowi tham. Cham tarü tasen miuüa hai ta chawng uanh miuüa maten paw arisang natawi ka uanh bak kown,” pape khai.25Nami ari dow nami ni hownia naiawng nasunah reng kownkow Israeluüa vüi David tow pe khai. Nami ari dow ani mowr paw Israeluüa chün reng tak chekhai.26Now Ziklak marow kowi uang ting hanow tasenra kowi kowh David kaah mih uanh hownia Juda krungchak kowi kowh lawngtang aluchowuüa kowi krawi sala pe awmrawm sung ne khai. Naiawng aia krawi sala pe awmrawm sung miuüa dow aia kowh auiuauüa chekhai. Aia dow aia auiuauüa kowi krawi tek pe mih, “Maiawngün awmrawm sung ang krawi sa enni mih dow CHAKRAMANG kowh ransu-uüa hownia ang krawi khünah mih chekhai,” pakhai.27David krawi sa pe awmrawm sung mih aluchowuüa uowi rah dow Bethel marow, Ramawt-Negeb marow, Jattir marow, Aroer marow, Sifmawt marow, Estemua marow, Rakal marow, Jerameluüa kowh marow, Kenuüa kowh marow, Hawrma marow, Bawr-Asan marow, Athak marow hai Hebrawn marow kowi chekhai. Nami klen kowi aia dow aia cham krawi kowiah mih marow maten kowi kowh lawngtang aluchowuüa kowi paw sala pe awmrawm sung khai.
The Seed Company