Read Tepania 1

Tepania1

¹Ko te kupu a Ihowā i puta mai ki a Tepania tama a Kuhi, tama a Keraria, tama a Amaria, tama a Hetekia, i ngā rā o Hōhia tama a Amono, kīngi o Hūrā.

Te Rā o te Whakawātanga a Ihowā

²“Ka poto rawa i ahau ngā mea katoai runga i te mata o te oneone,” e ai tā Ihowā.³“Ka poto i ahau te tangata, te kararehe;ka poto i ahau te manu o te rangi,me te ika o te moana,ngā tūtukitanga waewae ngātahi anō ko te hunga kino;ka hātepea atu anō e ahau te tangatai runga i te mata o te oneone,” e ai tā Ihowā.⁴“Ka totoro anō tōku ringa ki runga ki a Hūrā,ki ngā tāngata katoa anō o Hiruhārama;ka hātepea atu e ahau i tēnei wāhi ngā toenga o Paara,me te ingoa o ngā Kemarimi, rātou ko ngā tohunga;⁵me te hunga e koropiko ana i runga i ngā tuanuiki te ope o te rangi;rātou ko te hunga e koropiko ana, e oati ana i a Ihowā,me te oati anō rātou i a Marakama.⁶Me te hunga i tahuri atu nei i te whai i a Ihowā,me te hunga kīhai nei i ui ki a Ihowā,kīhai anō i rapu i a ia.”

⁷Whakarongoa i te aroaro o te Ariki, o Ihowā,ka tata hoki te rā o Ihowā,kua takoto hoki tā Ihowā patunga tapu,kua whakatapua hoki e ia āna manuhiri.⁸Nā, i te rā o tā Ihowā patunga tapu,ka whiua e ahau ngā rangatira,rātou ko ngā tama a te kīngi,ko te hunga katoa ānō he kākahu kē ō rātou.⁹Ā taua rā ka whiua e ahaute hunga katoa e tūpekepeke ana i runga i te paepae,e whakakī ana i ngā whare o ō rātou arikiki te nanakia, ki te tinihanga.

¹⁰“Ā taua rā,” e ai tā Ihowā,“ka karanga te reo i te Kūwaha Ika,he auē hoki i te wāhi tuarua,ā, he nui te pakaru i ngā pukepuke.¹¹Auē, e ngā tāngata o Makateha,kua mōtī hoki ngā tāngata katoa o Kanaana,kua hātepea atu ngā kaimau hiriwa katoa.¹²I taua rā ka rapua e ahau tā Hiruhārama,mea rawa ki te rama;ka whiua anō ngā tāngata kua tōtoka i runga i ō rātou nganga,ā, e mea ana i roto i ō rātou ngākau,‘E kore a Ihowā e mahi i te pai,e kore anō e mahi i te kino.’¹³Nā, hei mea pārau ō rātou rawa;ō rātou whare hei ururua.Āe rā, ka hanga whare rātou;ā, e kore e nohoia e rātou;ka whakatō i te māra wāina,otiia e kore e inu i te wāina.”

Te Rā Nui o Ihowā

¹⁴“Ka tata te rā nui o Ihowā,ka tata, nui atu te hohoro,arā te reo o te rā o Ihowā;nui noa atu te tangi o te mārohirohi i reira.¹⁵He rā riri taua rā, he rā mamae,he pāwera, he rā whakangaro, whakamōtī,he rā pōuri, he mangu,he rā kapua, he pōuri kerekere;¹⁶ko te rā ia o te tētere,o te whakaoho mō ngā pā taiepa,mō ngā taumaihi tiketike.

¹⁷“Ka mamae anō i ahau ngā ngākau o ngā tāngata,ka rite rātou ki te matapō ina haere,mō rātou i hara ki a Ihowā;ka ringihia ō rātou toto ānō he puehu,ō rātou kikokiko ānō he paru.¹⁸E kore anō tā rātou hiriwa, tā rātou kōura,e tau hei whakaora i a rātoui te rā o tō Ihowā riri.Engari, ka pau te whenua katoa i te ahi,arā i tōna hae;ka ohorere hoki, ka poto i a iangā tāngata katoa o te whenua.”