Läs Waiata a Horomona 8

Waiata a Horomona8

¹Auē me i rite koe ki tōku tungānei ngote nei i ngā ū o tōku whaea!Ka kite ahau i a koe i waho, ka kihia koe e ahau,āe, e kore tētahi e whakahāwea ki ahau.²Ka aratakina koe e ahau,ka kawea ki te whare o tōku whaea,ko ia anō hei whakaako i ahau.Ka whakainumia koe e ahau ki te wāina whakaranu,ki te wai o tāku pamekaranete.³Ko tōna mauī ki raro i tōku mātenga,ko tōna matau ki te awhi i ahau!⁴He kī atu tēnei nāku ki a koutou, e ngā tamāhine o Hiruhārama,kaua e whakaohokia, kaua e whakaarahia tāku e aroha nei,kia pai rā anō ia!

Te Hokinga Mai

⁵Ko wai tēnei e haere mai nei i te korahae taupuhipuhi nei ki tāna i aroha ai?Te WahineNāku koe i whakaara ake i raro i te āporo;ko te wāhi tēnā i puta mai ai koe i roto i tōu whaea;i puta mai anō koe i reira i roto i te wahine i whānau ai koe.

⁶Waiho ahau hei hīri ki tōu ngākau,hei hīri ki tōu ringa;rite tahi hoki ki tō te mate te kaha o te aroha;nanakia tonu te hae, ānō ko te urupā,ko ōna hiko, he hiko ahi,he mura pū nā Ihowā.⁷Nui te wai, e kore te aroha e taea te tinei,e kore anō e ngaro i ngā awa.Ahakoa i hoatu e te tangatangā rawa katoa o tōna whare mō te aroha,ka whakahāweatia rawatia.⁸He teina nohinohi tō mātou,kāhore hoki ōna ū.Me pēhea mātou ki tō mātou teinai te rā e kōrerotia ai ia?⁹Ki te mea he taiepa ia,ka hangā e tātou he pourewa ki runga ki a ia, he mea hiriwa.Ki te mea he tatau ia,ka whakakōpakina ia e tātou ki ngā papa hīta.¹⁰He taiepa ahau,ko ōku ū, ānō ko ōna pourewa;nō reira, ki tāna titiro mai,i rite ahau ki tētahi kua kite i te āta noho.¹¹He māra wāina tā Horomona i Paara-Hamono,tukua atu ana e ia te māra ki ngā kaitiaki;kotahi mano ngā hiriwa hei kawenga mai mā tēnei,mā tēnei hei utu mō ōna hua.¹²Ko tāku māra, ko tāku ake, kei tōku aroaro;māu, e Horomona, te kotahi mano,ā, mā ngā kaitiaki o ōna hua e rua rau.

¹³E koe e noho nei i ngā kāri,e whakarongo ana ngā hoa ki tōu reo;meinga kia rongo ahau.¹⁴Kia hohoro, e tāku e aroha nei,kia rite koe ki te anaterope,ki te kūao hāta rāneii runga i ngā maunga kīnaki kakara!