1Ko te tangata kei te wāhi ngaro o te Runga Rawa tōna kāinga,ka noho ia i raro i te taumarumarutanga o te Kaha Rawa.2Ka kīia e ahau a Ihowā, “Ko ia tōku piringa, tōku pā, tōku Atua,ka whakawhirinaki ahau ki a ia.”3Māna hoki koe e whakaora i te māhanga a te kaihopu manu,i te mate nanakia.4Ka hīpokina koe e ia ki ōna hou,ā, ka piri koe ki raro i ōna pākau;ko tōna pono hei whakangungu rākau, hei puapua mōu.5E kore koe e wehi i te mea whakamataku i te pō;i te pere e rere ana i te awatea.6I te mate urutā e rere ana i te pōuri;i te whakangaromanga e whakangaro ana i te poutūmārōtanga.7He mano te hinga ki tōu taha,tekau hoki ngā mano ki tōu matau;otiia e kore e tata ki a koe.8Ka titiro kau ōu kanohi,ka mātakitaki ki te utu mō te hunga kino.9Ko koe hoki, e Ihowā, tōku piringa!Kua waiho e koe te Runga Rawa hei nohoanga mōu;10kāhore he kino e pā ki a koe,kāhore anō he whiu e tata ki tōu tēneti.11Ka kōrerotia iho hoki koe e iaki āna anahera kia tiakina koe i ōu ara katoa.12Mā rātou koe e hiki ake ki ō rātou ringa,kei tūtuki tōu waewae ki te kōhatu.13Ka haere koe i runga i te raiona, i te neke;ka takahia e koe ki raro te kūao raiona me te nākahi.14“Ka whakaora ahau i a ia, mōna i aroha ki ahau;māku ia e whakateitei ake, mōna i mātau ki tōku ingoa.15Ka karanga ia ki ahau, ā, ka whakahoki kupu ahau ki a ia;ka tata ahau ki a ia i te wā o te hē;māku ia e whakaora, māku anō ia e whakahōnore.16Ka whakaroaina e ahau ōna rā, ā, nā noa ia;ka whakakitea hoki tāku whakaoranga ki a ia.”
expand_more
The books couldn't be loaded. Check your connection and try again.