Waiata68
He Waiata ā-Iwi mō te Wikitōria
Ki te tino kaiwhakatangi. He hīmene, he waiata nā Rāwiri.
1Kia ara te Atua, kia marara ōna hoariri;kia whati hoki i tōna aroaro te hunga e kino ana ki a ia.2Āia atu rātou, pērātia me te paowa e āia ana;kia rite ki te ware pī e rewa ana i te kāpurate ngaromanga o te hunga kino i te aroaro o te Atua.3Kia koa ia te hunga tikakia hari i te aroaro o te Atua;āe rā, kia tino hari pū rātou.4Waiata ki te Atua, hīmenetia tōna ingoa;opehia ake he huanui mō tana hāriata i ngā koraha –tōna ingoa ko IHA –kia hari hoki ki tōna aroaro.5Hei matua mō ngā pani, hei kaiwhakarite mō ngā pouaru,te Atua i tōna nohoanga tapu.6E whakanohoia ana e te Atua te mokemoke ki te whare,e whakaputaina ana e ia ngā herehere ki te ora;ko te hunga tutū ia e noho i te wāhi waikore.7E te Atua, i tōu haerenga atu i mua i tāu iwi;i tōu haerenga i te koraha; Hera8i wiri te whenua,i tūturu iho anō ngā rangii te aroaro o te Atua; me taua Hinai anōi te aroaro o te Atua, o te Atua o Īharaira.9I tāia mai, e koe, e te Atua, he ua nui;ā, i tōu kāinga e ruwha ana ka whakaūkia e koe.10I noho tāu whakaminenga ki reira;nā tōu pai, e te Atua, i mea kai ai koe mā ngā rawakore.11Ka hōmai e Ihowā te kupu;he ope nui ngā wāhine whakapuaki:12“Whati rawa ngā kīngi o ngā taua!”Ā, ko te wahine i noho i te whare,kei te tuwha i ngā parakete.13I a koutou ka takoto noa i ngā takotoranga hipi,he rite ki ngā pākau o te kūkupakua paparuatia nei ki te hiriwa,ōna hou ki te kōura whero.14I te whakamararatanga a te Kaha Rawa i ngā kīngi i reira,koia anō kei te hukarere o Taramono te mā.15He maunga Atua a Maunga Pahana;he maunga tiketike a Maunga Pahana.16He aha koutou ka titiro tītaha ai, e ngā maunga tiketike,ki te maunga i hiahiatia nei e te Atua kia nohoia e ia,āe, ka nohoia e Ihowā ake ake?17Ko ngā hāriata a te Atua, e rua tekau mano,mano mano iho;kei roto i a rātou te Ariki, me te mea ko Hinai, ko te wāhi tapu.18Kua kake koe ki runga,kua whakaraua e koe te whakarau;kua riro i a koe he ohaoha mō te tangata;āe, mō te hunga tutū anō, kia noho ai a Ihowā, te Atua ki a rātou.19Kia whakapaingia te Ariki,e whakawaha nei i tā tātou pīkaunga i tēnei rā, i tēnei rā,te Atua o tō tātou whakaoranga. Hera20Ko tō tātou Atua te Atua o te whakaoranga;nā Ihowā anō, nā te Ariki, ngā putanga ake i te mate.21Ka marū ia i te Atua te mātenga o ōna hoariri;me te tumuaki huruhuru o te tangata e haere tonu ana i āna kino.22I mea te Ariki, “Ka whakahokia mai e ahau i Pahana,ka whakahokia mai e ahau tāku iwi i ngā rire o te moana;23kia toua ai tōu waewae ki te toto,kia whiwhi ai te arero o āu kurī ki tāna wāhi o ōu hoariri.”24I kite rātou, e te Atua, i ōu haerenga, ingā haerenga o tōku Atua, o tōku Kīngi, i te wāhi tapu.25Ko ngā kaiwaiata i haere i mua, i muri ko ngā kaiwhakatangi,i waenganui ko ngā kōtiro e patupatu ana i ngā timipera.26“Whakapaingia te Atua i roto i ngā whakaminenga,te Ariki hoki, e ngā mea i puta mai i te mātāpuna o Īharaira!”27Kei reira a Pineamine, te whakaotinga, tō rātou ariki,ngā rangatira o Hūrā, me tō rātou rōpū,ngā rangatira o Hepurona, me ngā rangatira o Napatari.28Kua oti he kaha mōu te whakahau iho e tōu Atua;whakaūkia, e te Atua, tāu i mea ai mō mātou.29Ka maua mai e ngā kīngi he hākari ki a koe,mō tōu temepara i Hiruhārama.30Rīria te kīrehe o ngā kākaho,te huinga pūru, me ngā kūao kau a ngā iwi,me te takahi i ngā pīhi hiriwa ki raro;whakamararatia ngā iwi e āhuareka ana ki te whāinga.31E puta mai ngā rangatira i Īhipa;meāke hohoro te totoro o ngā ringa o Etiopia ki te Atua.32Waiata ki te Atua, e ngā rangatiratanga o te whenua;hīmene ki te Ariki; Hera33ki a ia, ko tōna hāriata nei ko ngā rangi o ngā rangi, nōnamata;nā, ka puaki tōna reo, he reo kaha.34Waiho te kaha i te Atua,kei runga nei i a Īharaira tāna mahi rangatira;kei ngā kapua hoki tōna kaha.35Ka wehingia koe, e te Atua, i roto i ōu wāhi tapu;ko te Atua o Īharaira te kaihōmai i te kaha, i te mana, ki tōna iwi.Whakapaingia te Atua!