Waiata44
He Īnoi mō te Whakangungu
Ki te tino kaiwhakatangi, mā ngā tama a Koraha. He Makiri.
1E te Atua, kua rongo ō mātou taringa,kua kōrerotia ki a mātou e ō mātou mātua,ngā mahi i mahia e koe i ō rātou rā,i ngā rā ō mua:2nāu ngā tauiwi i pana ki tōu ringa,nāu rātou i whakatō;nāu ngā iwi i whiu,ā, whakamararatia ana rātou.3Ehara hoki i te mea, nā tā rātou hoari i whiwhi ai rātou ki te whenua,ehara tō rātou tākakau i te mea i ora ai rātou;engari nā tōu matau, nā tōu tākakau hoki,nā te mārama anō o tōu mata,he pai hoki nōu ki a rātou.4E te Atua, ko koe tōku Kīngi;whakahaua he whakaora mō Hākopa.5Māu ka turaki ai mātou i ō mātou hoariri;mā tōu ingoa ka takahia ai e mātoute hunga e whakatika ana ki a mātou.6E kore hoki ahau e whakawhirinaki ki tāku kōpere;e kore anō tāku hoari e whakaora i ahau.7Nāu hoki mātou i ora ai i ō mātou hoariri;nāu anō i whakamā ai te hunga i kino ki a mātou.8Ko te Atua tā mātou e whakamanamana ai i te roa o te rā;ka whakamoemiti anō mātou ki tōu ingoa ake ake. Hera9Otirā, kua pangā nei mātou e koe, kua meinga kia whakamā;kāhore hoki koe kia haere tahi me ā mātou taua.10Kua meinga mātou kia hoki whakamuri mai i te hoariri;kei te pāhua anō i ētahi mā rātou te hunga e kino ana ki a mātou.11Kua hoatu mātou e koe, ānō he hipi e kainga ana;kua marara ki roto ki ngā tauiwi.12E hokona ana e koe tāu iwi, ā, hore he utu;kāhore hoki koe e whiwhi rawa i te utu mō rātou.13E meinga ana mātou e koe hei tāwaingamā ō mātou hoa kāinga;hei whakahāweatanga, hei whakakatanga maimā te hunga i tētahi taha, i tētahi taha o mātou.14E meinga ana mātou e koe hei whakatauki mā ngā tauiwi;hei rurutanga mātenga mā ngā iwi.15Kei mua tonu i ahau tōku whakamā;kua taupokina ahau e te pāwera o tōku mata;16i te reo o te kaitāwai, o te kaikohukohu;i te hoariri, i te kairapu utu.17Kua pā katoa tēnei ki a mātou;heoi kāhore mātou i wareware ki a koe,kīhai anō i teka ki tāu kawenata.18Kāhore tō mātou ngākau i tahuri whakamuri;kīhai anō ō mātou hīkoinga i peka kē i tāu ara.19I marū ai mātou i a koe i te wāhi o ngā tarakona;ā, taupoki rawa ki te ātārangi o te mate.20Mehemea kua wareware mātou ki te ingoa o tō mātou Atua,kua totoro rānei ō mātou ringa ki te atua kē;21e kore rānei tēnei e āta tirohia e te Atua?E mātau ana hoki ia ki ngā mea ngaro o te ngākau.22Mōu nei hoki mātou i patua ai i te rā roa nei;kīia iho mātou he hipi e patua ana.23E ara, he aha koe ka moe ai, e te Ariki?Whakatika, kaua mātou e pangā tonutia.24He aha koe ka huna ai i tōu mata?Ka wareware ai ki tō mātou mamae, ki tō mātou tūkinotanga?25Kua piko nei hoki tō mātou wairua ki raro ki te puehu;piri rawa tō mātou kōpū ki te whenua.26E ara, hei āwhina i a mātou;kia mahara ki tōu aroha, ā, hokona mātou.