Waiata39
Te Whākina a te Tangata e Mamae ana
Ki te tino kaiwhakatangi: ki a Ierutunu. He hīmene nā Rāwiri.
1I mea ahau, “Ka āta whakaaro ahau ki ōku ara,kei hara tōku arero;ka tiakina tōku māngai, paraire rawa,i te mea kei tōku aroaro te tangata kino.2I whakamoroki ahau, i wahangū,kīhai i puaki tāku kupu, ahakoa pai;ā, ka oho tōku mamae.3Werawera ana tōku ngākau i roto i ahau;i ahau e whakaaro ana ka kā te ahi,ā, ka kōrero tōku arero:4“E Ihowā, meinga ahau kia mātau ki tōku mutunga,ki te maha hoki o ōku rā, e hia rānei;kia mātau ai ahau he mea memeha noa ahau.5Nanā, he whānuitanga ringa ōku rā kua hōmai nei e koe;he kāhore noa iho anō ōku tau i tōu aroaro.Ahakoa ū noa te tū o ngā tāngata katoa,he mea memeha kau. Hera6He pono kei roto i te ātārangi te tangata e kōpikopiko noa ana;he pono e ohorere noa ana rātou;e āmi ana ia i te taonga, ā, kāhore e mātau mā wai rānei e kohi.7“Nā, he aha tāku e tatari atu nei, e te Ariki?Ko koe tāku e tūmanako ai.8Whakaorangia ahau i āku mahi tutū katoa;kaua ahau e waiho hei tāwainga mā te wairangi.9Wahangū ana ahau; kīhai i kuihi tōku māngai;he meatanga hoki tēnei nāu.10Nekehia atu i ahau tāu whiu;ka ngaro ahau i te pakinga a tōu ringa.11“Ka pākia e koe te tangata,ka whakatūpehupehutia mō te hara,ka meinga e koe tōna ātaahua kia memeha,kia pērā me te pūrehurehu.He pono he mea teka noa ngā tāngata katoa. Hera12“Whakarongo ki tāku īnoi e Ihowā,kia tītaha mai tōu taringa ki tāku karanga;kei wahangū koe ki ōku roimata.He heke hoki ahau nāu, he manene,he pērā me ōku mātua katoa.13Kia āta hanga ki ahau, kia tā ai tōku manawa,keiwhā haere atu ahau, i konei, ā, ka kāhore noa iho.”