Read Waiata 19

Waiata19

Te Korōria o te Atua i Whakaaturia i te Kāpuatanga

Ki te tino kaiwhakatangi. He hīmene nā Rāwiri.

¹E kōrerotia ana e ngā rangi te korōria o te Atua;ā, e whakaaturia ana e te kikorangi te mahi a ōna ringa.²E puaki ana te reo o tēnā rangi, o tēnā rangi,e whakaatu mōhiotanga ana hoki tēnā pō, tēnā pō.³Kāhore he hamumu, kāhore he kupu,kāhore e rangona tō rātou reo.⁴Kua puta tā rātou aho ki te whenua katoa,ā rātou kupu, ā te pito rā anō o te ao.Whakatūria ana e ia ki reira te tapenākara mō te rā;⁵ā, e puta ana ia me he tāne mārena houi tōna whare moenga, whakaī ana ia,pērā ana me te tangata kaha e mea ana ki te oma whakataetae.⁶Ko tōna putanga kei tētahi pito o te rangi,ā, whawhe noa ki tētahi pito;kāhore hoki tētahi mea e ngaro i tōna mahana.

Te Ture a Ihowā

⁷Tapatahi tonu te Ture a Ihowā,he mea whakatahuri i te wairua;pono tonu ngā whakaatu a Ihowā,e whakawhaiwhakaaro ana i te kūare.⁸He tika ngā ako a Ihowā,e whakahari ana i te ngākau,he mā te whakahau a Ihowā,e whakamārama ana i ngā kanohi.⁹He mā te wehi ki a Ihowā,pūmau tonu ake ake,he pono ngā whakaritenga a Ihowā,tika kau anō.¹⁰Engari ēnā e hiahiatia ana i te kōura,āe, i te tino kōura ahakoa maha;reka atu i te honi,i te māturuturutanga iho o ngā honikoma.¹¹Nā ēnā anō tāu pononga i whakatūpato;he nui te utu ki te puritia.

¹²Ko wai e mātau ana ki ōna hē?Whakamākia ōku hara puku.¹³Puritia anō tāu pononga kei riro i ngā harawhakakake hei rangatira mōku;ko reira ahau tū tika ai,ā, ka wātea i te hē nui.

¹⁴Kia manakohia ngā kupu a tōku māngai;me ngā whakaaro o tōku ngākau i tōu aroaro,e Ihowā, e tōku kāmaka, e tōku kaihoko.