Waiata17
Te Īnoi a te Tangata Pono
He īnoi nā Rāwiri.
1Whakarongo ki te tika, e Ihowā, tahuri mai ki tāku karanga,kia tītaha mai tōu taringa ki tāku īnoi,arā ki tā te ngutu tinihangakore.2Kia puta mai te whakaritenga o tāku whakawā i tōu aroaro;tirohia mai e ōu kanohi te mea rite.3Kua whakamātauria e koe tōku ngākau;kua tirotirohia iho ahau e koe i te pō;kua whakamātau koe i ahau, ā, kāhore he mea i kitea e koe;e mea ana ahau kia kaua e hara tōku māngai.4Ko ngā mahi ia a te tangata, ko ngā kupu a tōu māngaitāku mea hei pā mai i ahau i ngā ara o te kaiwhakangaro.5I whakaūkia ōku hīkoinga ki āu ara,kīhai i paheke ōku waewae.6Kua karanga nei ahau ki a koe,nō te mea ka whakahoki kupu mai koe, e te Atua, ki ahau;whakatītahatia mai tōu taringa ki ahau,whakarongo ki tāku kupu.7Whakaaturia tōu aroha whakamīharo, ko koe hoki, ko tōu matau,te kaiwhakaora mō te hunga e whakawhirinaki ana ki a koe,i te hunga e whakatika mai ana.8Tiakina ahau, ānō ko te whatu o te kanohi,hunā ahau ki raro i te taumarumarutanga o ōu pākau,9i te hunga kino e tūkino nei i ahau,i ōku hoariri whakamate e karapoti nei i ahau.10E kōpakia ana rātou e ō rātou ngako;e kōrero whakapehapeha ana ō rātou māngai.11Tēnei ō mātou hīkoinga te karapotia nei e rātou;matatau tonu iho ō rātou kanohi ki te tuku iho i a mātou ki te whenua.12Kei te raiona e hiahia ana ki te hopu kai te rite,kei te kūao raiona e piri ana i ngā wāhi ngaro.13E ara, e Ihowā, haukotia tōna aroaro, turakina ia ki raro;whakaorangia tōku wairua ki tāu hoari i te tangata kino;14i ngā tāngata, mā tōu ringa, e Ihowā,i ngā tāngata o te ao.Kei tēnei ora nei tō rātou wāhi,ā, e whakakīia ana ō rātou kōpū e koe ki tāu taonga.E kikī ana rātou i te tamariki,whakarērea iho ngā toenga o ā rātou taongaki ā rātou kōhungahunga.15Ko ahau, e kite ahau i tōu mata i runga i te tika,ā, ka tatū tōku ngākau,ina oho ake ahau, kia kite i tōu āhua.