Waiata127
Te Whakamoemiti ki te Painga o Ihowā
He waiata; he pikitanga. Nā Horomona.
1Ki te kore e hangā e Ihowā te whare,he maumau mahi tā ngā kaihanga.Ki te kore e tiakina e Ihowā te pā,maumau mataara noa te kaitiaki.2He maumau tō koutou ara wawe,tō koutou noho roa i te pō,tā koutou kai i te taro o te māuiui;ko tāna moe tēnā ka hōmai nei ki tāna e aroha ai.3Nā, he taonga pūmau nā Ihowā ngā tamariki,ko ngā hua anō o te kōpū tāna utu.4E rite ana ki ngā pere i te ringaringa o te tangata kahate whānau o te taitamarikitanga.5Ka hari te tangatakua kī nei tāna papa pere i a rātou.E kore rātou e whakamā,ina kōrero ki ō rātou hoariri i te kūwaha.