Waiata120
He Whakatūpato ki ngā Rūpahu
He waiata; he pikitanga.
1I tangi ahau ki a Ihowā i tōku matenga,ā, i whakahoki kupu mai ia ki ahau:2“E Ihowā, whakaorangia tōku wairuai te ngutu teka, i te arero hīanga.”3Ko te aha e hoatu ki a koe?Ko te aha hoki e tāpiritia atu māu,e te arero hīanga?4Ko ngā pere koi a te hunga nunui,me ngā waro hunipa.5Auē, tōku mate, tō te manene i Meheke,tōku hoki e noho nei i ngā tēneti o Kerara.6Kua roa te nohoanga tahitanga o tōku wairuaki te tangata e kino ana ki te āta noho.7Mō te āta noho ahau;engari ka kōrero ahau,ka anga rātou ka whawhai.