1Whakawhetai ki a Ihowā, karanga atu ki tōna ingoa;whakapuakina āna mahi ki waenganui o ngā iwi.2Waiata ki a ia, hīmene ki a ia;kōrerotia āna mahi whakamīharo katoa.3Whakamanamana ki tōna ingoa tapu;kia hari te ngākau o te hunga e rapu ana i a Ihowā.4Rapua a Ihowā me tōna kaha;rapua tonutia tōna mata, ake ake.5Maharatia āna mahi whakamīharo i mahia e ia,āna merekara me ngā whakaritenga a tōna māngai,6e ngā uri o Āperahama, o tāna pononga,e ngā tama a Hākopa, e āna i whiriwhiri ai.7Ko Ihowā ia, ko tō tātou Atua;kei te whenua katoa āna whakaritenga.8Mahara tonu ia ki tāna kawenata ake ake,ki te kupu i kīia iho e ia ki te mano o ngā whakatupuranga.9Ki tāna i whakarite ai ki a Āperahama,ki tāna oati hoki ki a Īhaka,10ā, whakapūmautia iho e ia hei tikanga ki a Hākopa,hei kawenata mau tonu ki a Īharaira.11I a ia rā i mea, “Ka hoatu e ahau ki a koe te whenua o Kanaanahei wāhi pūmau mō koutou.”12I te mea he hunga torutoru rātou;āe rā, he iti rawa, he manene anō ki reira.13I a rātou e hāereere ana i tēnei iwi ki tērā atu iwi,i tētahi rangatiratanga ki tētahi iwi kē,14kīhai rātou i tukua e ia kia tūkinotia e te tangata;he whakaaro anō ki a rātou i rīria ai e ia ngā kīngi,15i mea ia, “Kei pā ki āku i whakawahi ai;kei kino ki āku poropiti.”16I karangatia e ia te matekai ki te whenua;whati katoa i a ia te tokotoko, arā te taro.17I tonoa e ia he tangata i mua i a rātou;i hokona a Hōhepa hei pononga.18I whakamamaetia ōna waewae ki te mekameka;takoto ana ia i te rino;19ā puta noa tāna kupu,whakamātautauria ana ia e te kupu a Ihowā.20I tono te kīngi, ā, wetekina ana ia;arā te kīngi o ngā iwi, ā, tukua ana ia.21Ā, meinga ana ia e ia hei ariki mō tōna whare,hei rangatira mō ōna taonga katoa;22hei herehere i āna rangatira ua pai ia,hei ako i āna kaumātua ki te whakaaro.23I haere mai anō a Īharaira ki Īhipa;ā, noho ana a Hākopa ki te whenua o Hama.24Nā, ka tino whakanuia e ia tāna iwi;ā, ka meinga rātou kia kaha ake i ō rātou hoariri.25I whakakoarotia e ia tō rātou ngākau kia kino ki tāna iwi,kia mahi hīanga ki āna pononga.26I tonoa e ia a Mohi, tāna pononga,rāua ko Ārona, ko tāna i whiriwhiri ai.27Whakaputaina ana e rāua āna tohu i waenganui i a rātou,he merekara i te whenua o Hama.28I tukua e ia te pōuri, ā, kua pōuri;kīhai anō rātou i whakakeke ki āna kupu.29I whakaputaia kētia e ia ō rātou wai hei toto;ā, mate ake i a ia ā rātou ngohi.30I whakangahue ake tō rātou whenua i te poroka,i roto i ngā whare moenga o ō rātou kīngi.31I whai kupu ia, ā, puta ana mai ngā pōkai namu;me te kutu i ō rātou kāinga.32I tukua iho e ia ki a rātou te whatu hei ua,me te ahi mura ki tō rātou whenua.33I pākia anō e ia ā rātou wāina me ā rātou piki;ā, whatiwhatiia ana e ia ngā rākau o ō rātou kāinga.34I kōrero ia, ā, puta ana mai te māwhitiwhitime te moka, tē taea te tatau,35ā, kainga katoatia āna ngā otaota o tō rātou whenua;pau ake ngā hua o tō rātou oneone.36I whakamatea katoatia anō hoki e ia ngā mātāmua o tō rātou whenua,te muanga o tō rātou kaha.37Ā, whakaputaina mai ana rātou e ia, me te hiriwa, me te kōura,kāhore hoki he mea tūoi i roto i āna iwi.38Nā, hari ana a Īhipa i tō rātou haerenga;i mau hoki tō rātou wehi ki a rātou.39I horahia e ia te kapua hei hīpoki,me te ahi hei whakamārama i te pō.40I īnoi rātou, ā, hōmai ana e ia te koitareke;ā, ka mākona rātou i te taro o te rangi.41I wāhia e ia te kōhatu, ā, ka pakaru mai ngā wai;rere ana i ngā wāhi maroke, koia anō kei te awa.42I mahara hoki ia ki tāna kupu tapu,ki a Āperahama anō, ki tāna pononga.43Ā, whakaputaina mai ana e ia tāna iwi i runga i te hari,āna i whiriwhiri ai i runga i te koa.44Ā, hōmai ana e ia ki a rātou ngā whenua o ngā tauiwi;ā, riro ana i a rātou ngā māuiuitanga o te iwi,45kia puritia ai e rātou āna tikanga,kia mau ai ki āna ture.Whakamoemititia a Ihowā!
expand_more
The books couldn't be loaded. Check your connection and try again.