Whakatauki16
1Ko ngā whakatakataka a te ngākau nā te tangata;engari, ko te kupu whakahoki a te arero nā Ihowā.2Ko ngā ara katoa o te tangata he mā ki ōna ake kanohi;ko Ihowā ia ki te pāuna i ngā wairua.3Utaina āu mahi ki runga ki a Ihowā,ā, ka whakapūmautia ōu whakaaro.4He mea hanga nā Ihowā ngā mea katoa mō tōna tutukitanga, mō tōna;āe rā, ko te tangata kino hoki mō te rā o te kino.5He mea whakarihariha nā Ihowā te hunga ngākau whakakake katoa;ahakoa pupuri te ringa ki te ringa, e kore ia e kore te whiua.6Ko te mahi tohu tangata me te pono hei pure mō te kino;mā te wehi hoki ki a Ihowā ka mawehe atu ai te tangata i te kino.7Ki te pai a Ihowā ki ngā ara o te tangata,ka meinga e ia ōna hoariri nei anō kia mau te rongo ki a ia.8He pai ake te mea iti i runga i te tika,i ngā hua maha ki te kāhore he tika.9Ko te ngākau o te tangata hei whakaaro i tōna ara;ko Ihowā ia hei whakatika i tōna hīkoi.10He kupu atua kei ngā ngutu o te kīngi;e kore tōna māngai e poka kē ina whakawā.11Ko te taimaha tika, ko te pāuna tika, nā Ihowā;he mahi nāna ngā kōhatu katoa o te pūtea.12He mea whakarihariha ki ngā kīngi te mahi i te kino;nā te tika hoki i ū ai te torōna.13He mea āhuareka ki ngā kīngi ngā ngutu tika;e aroha ana hoki rātou ki te tangata e kōrero tika ana.14Ko te riri o te kīngi ānō he karere mō te mate;engari ka whakamārietia e te tangata whakaaro nui.15He ora kei te mārama o te mata o te kīngi;ā, ko tana manako he rite ki te kapua o tō muri ua.16Ko te whiwhi ki te whakaaro nui, ānō te pai!Pai atu i te whiwhi ki te kōura;ko te whiwhi hoki ki te mātauranga te mea e hiahiatia nuitia atu i te hiriwa.17Ko te huanui o te hunga tika he mawehe atu i te kino,ko te tangata e whai whakaaro ana ki tōna ara, ka mau tōna wairua.18Haere ai te whakakake i mua o te whakangaromanga,te wairua whakapehapeha i mua i te hinganga.19Ko te ngākau whakaiti i waenga i te hunga rawakore,pai atu i te uru ki te tūwhanga taonga a te hunga whakakake.20Ko te tangata e tahuri ana ki te kupu, ka kite i te pai;ā, ko te tangata e whakawhirinaki ana ki a Ihowā, ka hari.21Ka kīia te whakaaro nui he mātau;mā te reka hoki o ngā ngutu ka neke ai te mōhio.22Ko te mātauranga te puna o te ora mō te tangata i whiwhi ki tērā;ko te ako ia mō te hunga wairangi ko tō rātou wairangi anō.23Mā te ngākau o te tangata whakaaro nui e tohutohu tōna māngai,e āpiti hoki he kupu mōhio ki ōna ngutu.24Ko ngā kupu matareka ānō kei te honikoma,he reka ki te wairua, he rongoā ki ngā wheua.25Tērā he ara e tika ana ki te titiro a te tangata;ko tōna mutunga ia ko ngā ara ki te mate.26Ko te hiahia o te tangata e mahi ana, e mahi ana mōna;nō te mea e akiakina ana ia e tōna māngai.27E whakatakoto ana te tangata tikangakore i te kino,ā, kei ōna ngutu ānō he ahi e kā ana.28Ko tā te tangata whanokē he tītaritari i te raruraru;ko tā te tangata kawekawe kōrero he wehewehe i ngā hoa tupu.29Whakawai ai te tangata nanakia i tōna hoa,kawe ai i a ia ki te huarahi kāhore i pai.30Ko te tangata e whakamoe ana i ōna kanohi, e mea ana kia whakaaroa ai e ia ngā mea whanokē;ko te tangata e kokopi ana i ōna ngutu e whakatutuki ana i te kino.31He karauna korōria te māhunga hina,e ka kitea i runga i te ara o te tika.32Engari rawa te tangata manawanui i te tangata kaha,te tangata e pēhia ana e ia tōna wairua i te tangata i horo ai te pā.33E makā ana te rota ki roto ki te kokorutanga o te kākahu;kei a Ihowā ia te tikanga katoa.