Read Mika 5

Mika5

¹Nā ināianei, ka whakahuihui ā-rōpū koe i a koe,e te tamāhine a ngā rōpū;kua oti tātou te whakapae e ia;ka patua e rātou ki te rākau te pāpāringao te kaiwhakawā o Īharaira.

Te Kāwana i Ahu mai i Pēterehema

²“Nā, ko koe, e Pēterehema Ēparata,he iti nei i roto i ngā mano o Hūrā,e puta mai i roto i a koetētahi māku hei kāwana mō Īharaira;ko ōna putanga nōnamata,nō ngā rā o tua iho.”

³Mō reira rātou ka tukua atu ai e ia,kia tae rā anō ki te wā e whānau ai tēnei e whakamamae nei;hei reira ngā toenga o ōna tuākana hoki aiki ngā tama a Īharaira.

⁴Ā, ka tū ia, ka whāngai i tāna kāhui i runga i te kaha o Ihowā,i runga hoki i te nui o te ingoa o Ihowā, o tōna Atua;ā, ka noho rātou; nō te mea ākuanei ia ka nui,ki ngā pito rā anō o te whenua;⁵ā, ko tēnei tangata hei maunga rongo mō tātou.Ina tae mai te Ahiriana ki tō tātou whenua,ā, ka takahi ki ō tātou whare kīngi,hei reira ara ai i a tātou hei whawhai ki a ia ētahi hēpara tokowhitume ētahi tāngata rangatira tokowaru.⁶Ā, ka whakamōtītia e rātou te whenua o Ahiria ki te hoari,te whenua hoki o Nimiroro i ōna tomokanga.Nā, ka whakaorangia tātou e ia i te Ahiriana,ina haere mai ia ki tō tātou whenua,ina takahi ia i roto i ō tātou rohe.

He Whakawāteatanga me te Whakawhiunga

⁷Ā, ka rite ngā toenga o Hākopai roto i ngā iwi maha ki te tōmairangi a Ihowā,ki ngā kōuaua i runga i te tarutaru;e kore nei e whanga ki te tangata,e kore anō e tatari ki ngā tama a te tangata.⁸Nā, ka waiho te toenga o Hākopa i roto i ngā tauiwi,i roto i ngā iwi maha;ka rite ki te raiona i roto i ngā kararehe o te ngahere,ki te kūao raiona i roto i ngā kāhui hipi;nā, ki te tika atu ia i waenga,ka takatakahia e ia, ka haehaea,kāhore hoki he kaiwhakaora.⁹Whakaarahia tōu ringa ki runga ake i ōu hoariri,hātepea atu hoki ōu hoariri katoa.

¹⁰“Nā, i taua rā,” e ai tā Ihowā“ka hātepea atu e ahau āu hōiho i roto i a koe,ka kore anō i ahau āu hāriata;¹¹ā, ka whakakorea atu e ahau ngā pā o tōu whenua,ka wāwāhia anō e ahau ōu pā kaha katoa;¹²ka hātepea atu hoki e ahau ngā mākutu i roto i tōu ringa,ā, ka kore ngā tohunga māori i roto i a koe.¹³Ka hātepea atu hoki e ahau āu whakapakoko,me āu pou whakaahua i roto i a koe;ā, e kore koe e koropiko i muri nei ki te mahi a ōu ringa.¹⁴Ka hūtia anō e ahau āu Aherimi i roto i a koe;ā, ka hunā e ahau ōu pā.¹⁵Ka rapua hoki e ahau he utu i ngā tauiwii runga i te riri, i te weriweri,kīhai nei rātou i whakarongo.”