Read Hopa 7

Hopa7

Ko Hopa: He Mutunga kore Taku Mamaetanga

¹“He teka rānei, kua takoto he pakanga mō te tangata i runga i te whenua,he rite anō ōna rā ki ngā rā o te kaimahi?²E rite ana ki te pononga, e matenui nei ki te ātārangi,ki te kaimahi, e tūmanako nei ki te utu mō tāna mahi;³koia tōku rite, ka whiwhi nei ki ngā marama horihori,ā, he māuiui ngā pō kua whakaritea mōku.⁴Ka takoto ahau, ka mea ahau, ‘Āhea ahau ara ai?’He roa ia te pō; heoi ka tāhurihuri kau ahau ā ao noa.⁵Ko te kākahu mō ōku kikokiko he kutukutu, he pōkuru oneone;ka kukuti tōku kiri, ā, ka ngātata anō.⁶Ko ōku rā hohoro atu i te rākau a te kaiwhatu;pau ake, tē ai he tūmanakohanga atu.

⁷“Kia mahara he hau ōku rā;heoi anō kitenga o tōku kanohi i te pai.⁸Ko te kanohi o te tangata e kite ana i ahau,heoi anō tōna tirohanga mai ki ahau;kei runga i ahau ōu kanohi, heoi kāhore iho ahau.⁹Memeha atu te kapua, ngaro atu;he pērā anō te tangata e haere ana ki te urupā; e kore e hoki ake.¹⁰E kore ia e hoki mai anō ki tōna whare,e kore anō tōna wāhi e mahara ki a ia i muri.

¹¹“Nā, e kore e kaiponuhia e ahau tōku māngai;ka kōrero ahau i tōku wairua e mamae nei;ka tangi i te kawa i tōku ngākau.¹²He moana rānei ahau, he tohorā,i mea ai koe i te kaitirotiro mōku?¹³Ki te mea ahau, ‘Kei tōku moenga ahau te mārie ai,mā tōku takotoranga e whakamāmā tāku tangi.’¹⁴Nā, ka whakahaehaetia ahau e koe ki ngā moe,ka whakawehia ahau ki ngā mea e whakakitea mai.¹⁵Ā, ki tā tōku wairua he pai te tārona;pai ake te mate i ēnei wheua ōku.¹⁶E whakarihariha ana ahau ki tōku ora;kāhore ōku hiahia kia ora tonu ahau.Waiho noa iho ahau, he mea teka noa hoki ōku rā.

¹⁷“He aha te tangata, i whakanuia ai e koe?I anga ai tōu ngākau ki a ia?¹⁸I titiro ai koe i a ia i tēnei ata,i tēnei ata, i honohono ai tāu whakamātautau i a ia?¹⁹Kia pēhea ake te roa ōu kāhore nei e tahuri atu i ahau,ōku kāhore nei e waiho noa iho e koe, kia horomia ai tōku hūware?²⁰Mehemea kua hara ahau, kia aha atu ahau ki a koe, e te kaitiaki o ngā tāngata?He aha ahau i waiho ai e koe hei patunga māu,i taimaha iho ai ahau ki ahau anō.²¹He aha koe tē whakarere noa ai i tōku hē,tē whakapahemo ai i tōku kino?Ākuanei hoki ahau moe ai ki te puehu,ā, ka āta rapu koe i ahau, otiia kāhore noa iho ahau.”