Read Ihāia 45

Ihāia45

Ka Whakawahia e Ihowā a Hairuha

¹“Ko te kupu tēnei a Ihowā ki tāna i whakawahi ai,ki a Hairuha, he mea pupuri nei nāku tōna ringa matau,kia pēhia ai e ia ngā iwi ki raro i a ia;māku anō e wewete tō ngā hope o ngā kīngi;ko ngā tatau ka whakapuaretia ki tōna aroaro;e kore anō ngā kūwaha e tūtakina:²Ko ahau e haere i mua i a koe,ki te whakatikatika i ngā wāhi tāpokopoko;ko ngā tatau parāhi ka pakaru i ahau;ka tapahia anō e ahau ngā tūtaki rino.³Ka hoatu anō e ahau ki a koe ngā taonga o te pōuri,me ngā mea huna o ngā wāhi ngaro,kia mōhio ai koe ko Ihowā ahau,e whakahua atu nei i tōu ingoa, ko te Atua o Īharaira.⁴He whakaaro nāku ki tāku pononga, ki a Hākopa,ki a Īharaira, ki tāku i whiriwhiri ai,nā reira koe, tōu ingoa, i karangatia ai e ahau;whakahuatia ana e ahau tōu ingoai te mea kāhore anō koe kia mōhio ki ahau.⁵Ko Ihowā ahau, kāhore atu hoki;kāhore kē atu he Atua, ko ahau anake;māku koe e whītiki, ahakoa kāhore koe i mōhio ki ahau;⁶kia mōhio ai te hunga i te rāwhiti me o te uru,kāhore atu, ko ahau anake.Ko Ihowā ahau, kāhore kē atu.⁷Nāku te mārama i whai āhua ai, nāku i hanga te pōuri;ko ahau te kaihohou rongo, te kaihanga anō o te kino;ko ahau, ko Ihowā, te kaimahi o ēnei mea katoa.

⁸“Māturuturu iho, e ngā rangi i runga;kia ringihia mai anō he tika e ngā kapua;kia puare te whenua, kia hua te whakaora,kia wana ngātahi te tika;nāku, nā Ihowā, taua mea i hanga.

⁹“Auē te mate mō te tangata e totohe ana ki tōna Kaiwhakaahua!He maramara rīhi i roto i ngā maramara rīhi o te oneone!E mea ake rānei te paru ki tōna kaiwhakaahua,‘He aha tāu e mahi nā’?E mea rānei tāu i hanga ai,‘Kāhore ōna ringa?’¹⁰Auē te mate mō te tangata e mea ana ki tōna pāpā,‘He aha tāu kua whānau nei?’ki te wahine rānei,‘He aha te mea ka whakamamae nā koe?’ ”

¹¹Ko te kupu tēnei a Ihowā,a te Mea Tapu o Īharaira, a tōna Kaiwhakaahua anō:“Uia mai ki ahau ngā mea e puta mai ā mua,ko ngā meatanga ki āku tamariki,ki te mahi hoki a ōku ringa, whakahaua mai ahau e koe.¹²Nāku i mahi te whenua,i hanga hoki ngā tāngata o runga;nāku, nā ōku ringa i hora ngā rangi;ko ō rātou mano katoa he mea whakahau nāku.¹³Nāku ia i whakaara ake i runga i te tika,māku anō e whakatikatika ōna ara katoa;ko ia hei hanga i tōku pā,hei tuku i āku pārau kia haere,kāhore hoki he utu, kāhore he moni whakapati,e ai tā Ihowā o ngā mano.”

¹⁴Ko te kupu tēnei a Ihowā:“Ko ngā māuiui o Īhipa, ko ngā taonga hokohoko o Etiopia,ko ngā Tapeani, he tāngata roroa,ka tae mai ki a koe, ā, ka riro i a koe;ka whai rātou i a koe;ka tae mekameka mai, ka piko ki a koe,ka mea, ‘He pono kei roto i a koe te Atua,kāhore atu hoki, kāhore he Atua.’ ”

¹⁵He pono he Atua koe e whakangaro ana i a koe,e te Atua o Īharaira, e te Kaiwhakaora.¹⁶Ka whakamā, āe rā, ka numinumi kau rātou katoa;ka riro ngātahi ki te whakamā ngā kaimahi o ngā whakapakoko.¹⁷Ko Īharaira ia, ka ora i roto i a Ihowā,he whakaoranga pūmau tonu;e kore koutou e whakamā, e kore e numinumiā ake ake.

¹⁸Ko te kupu hoki tēnei a Ihowā,a te kaihanga o ngā rangi;ko ia te Atua;nāna i whakawhaiahua te whenua,nāna i mahi; nāna i whakapūmau,kīhai i hangā e ia hei takoto kau,i whakaahuatia e ia hei nohoanga:“Ko Ihowā ahau, kāhore kē atu.¹⁹Kīhai ahau i kōrero i te wāhi ngaro,i te wāhi pōuri o te whenua;kīhai ahau i mea ki te uri o Hākopa,‘Rapua ahau, he mea noa iho.’Ko tāku kōrero, ko tā Ihowā, kei te tika,e whakaatu ana i ngā mea e rite ana.”

Ko Ihowā Anake ka Whakaora

²⁰“Huihui, haere mai, whakatata ngātahi mai,e ngā oranga o ngā iwi.Kāhore he mōhio o te hungae mau ana i te rākau o tā rātou whakapakoko,e īnoi ana ki te atuae kore nei e whakaora.²¹Whakaaturia, kawea mai kia tata,kia whakatakoto whakaaro ngātahi rātou.Nā wai tēnei i kōrero i mua riro,nā wai i whakaatu i ngā wā onamata?He teka ianei nāku, nā Ihowā?Kore atu hoki he atua, ko ahau anake;he Atua tika, he kaiwhakaora;kāhore kē atu, ko ahau anake.

²²“Tahuri mai ki ahau, kia ora ai koutou,e ngā pito katoa o te whenua;ko te Atua hoki ahau, kāhore kē atu.²³Kua waiho ahau e ahau anō hei oati;kua puta atu te kupu i tōku māngai i runga i te tika,e kore anō e hoki mai, arā:‘Ka tūturi ngā turi katoa ki ahau,ka oati mai anō ngā arero katoa.’

²⁴“Ka mea mai tētahi ki ahau,‘Kei a Ihowā anake te tika, te kaha.’Ka haere mai ki a ia ngā tāngata,ā, ko ngā tāngata katoa i riri ki a ia ka whakamā.²⁵Mā Ihowā ka tika ai,ka whakamanamana ai te uri katoa o Īharaira.”