Read Ihāia 27

Ihāia27

Te Whakaoranga o Īharaira

¹I taua rā,ka patua e Ihowā ki tāna hoari mārō,hoari nui, hoari kaha a Rewiatana,te nākahi tere, a Rewiatana, te nākahi korohape;ka tukitukia hoki e ia te tarakona i te moana.

²I taua rā:“He māra wāina, waiata atu koutou ki reira!³Ko ahau, ko Ihowā hei tiaki i a ia;hono tonu tāku whakamākūkū;ka tiakina e ahau i te pō,i te ao, kei tūkinotia.⁴Kāhore he riri i roto i ahau.He kore noa nō ngā tātarāmoa,nō ngā tūmatakuru hei whawhai mai ki ahau!Pēnei kua haere tonu atu ahau ki runga ki a rātou,tahuna ngātahitia ake e ahau.⁵Kia hopukia mai rānei e ia tōku kaha,kia houhia ai te rongo ki ahau;āe rā, kia houhia anō tana rongo ki ahau.”

⁶Ā ngā rā e haere mai nei ka whai pakiaka ngā uri o Hākopa;ka whai puāwai, ka kōpuku a Īharaira;ā, ka kapi i a rātou te mata o te ao katoa i te hua.

⁷I rite rānei tāna patu i a iaki tāna patunga i ōna kaipatu?I rite rānei tōna whakamatengaki te whakamatenga o āna i whakamate ai?⁸He mea mēhua tāu ngangare ki a ia i tōna tukunga atu e koe;kāwhakina ana ia e ia ki tāna hau pākahai te rā o te marangai.⁹Nā, ko tēnei hei muru i te hē o Hākopa;ko ngā hua katoa ēnei o te tāhinga i tōna hara:kia meinga e ia ngā kōhatu katoa o te ātakia rite ki te kōhatu taioma, kurukuru rawa,ā, kore ake ngā Aherimi me ngā whakapakoko e ara ake ake.¹⁰Kei te mokemoke hoki te pā taiepa,he kāinga mahue, he mea whakarere,he pērā i te koraha; kai ana te kūao kau i reira,takoto ana i reira, pau ake i a ia ōna manga.¹¹Ka memenge ōna peka, ka whatia atu;ka haere mai ngā wāhine, tahuna ana e rātou ki te ahi.Ehara hoki ia i te iwi e whai mahara ana;nō reira e kore rātou e tohungia e tō rātou kaihanga,e kore anō tō rātou kaiwhakaahua e aroha ki a rātou.

¹²I taua rā ka tāia ngā hua e Ihowā i te waipuke o te awa, ā tae noa ki te awa o Īhipa, ā, ka kohikohia takitahitia koutou, e ngā tama a Īharaira.¹³I taua rā ka whakatangihia he tētere nui, ā, ka haere mai te hunga i tata te ngaro i te whenua o Ahiria, me te hunga i te whenua o Īhipa i peia atu; ā, ka koropiko rātou ki a Ihowā ki te maunga tapu, ki Hiruhārama.